• ରାଜ୍ୟରେ ବ୍ୟାପକ ହେବ 'ମୋ-ସ୍କୁଲ୍ ଅଭିଯାନ'
  • ରାଜ୍ୟରେ ବ୍ୟାପକ ହେବ 'ମୋ-ସ୍କୁଲ୍ ଅଭିଯାନ'
  • ୧୦୦ ସ୍କୁଲର ବିକାଶ ଦାୟିତ୍ୱ ନେବ 'ମୋ-ସ୍କୁଲ୍ ଅଭିଯାନ'
  • ଉତ୍ତମ ପ୍ରଦର୍ଶନ କଲେ ଶିକ୍ଷକମାନଙ୍କୁ ପୁରସ୍କୃତ କରାଯିବ
  • '5Tରେ ଅନ୍ତର୍ଭୂକ୍ତ ପରେ ମୋ-ସ୍କୁଲ୍ ଅଭିଯାନ'କୁ ଗୁରୁତ୍ୱ
  • ଶିକ୍ଷା ବ୍ୟବସ୍ଥାକୁ ଅଧିକ ସକ୍ରିୟ କରିବାକୁ ସରକାର ନିଷ୍ପତ୍ତି
  • ବର୍ଷକ ମଧ୍ୟରେ ୩୦ଟି ଜିଲ୍ଲାରେ ୧୦୦ଟି ସ୍କୁଲ ଚୟନ ହେବ
  • ଚୟନ ସ୍କୁଲକୁ ମଡେଲ୍ ସ୍କୁଲରେ ବିକଶିତ କରାଯିବ
  • ପ୍ରତି ଜିଲ୍ଲାରୁ ଅତିକମରେ ୩ଟି ଲେଖାଁଏ ସ୍କୁଲ ରହିବ
  • ଖୁବଶୀଘ୍ର ଆରମ୍ଭ ହେବ 'ଷ୍ଟୁଡେଣ୍ଟ ଆଡପସନ୍' କାର୍ଯ୍ୟକ୍ରମ

ପାଠ ପଢିବା ପାଇଁ ଡଙ୍ଗା ଚଲାଉଛନ୍ତି ଛାତ୍ରଛାତ୍ରୀ

ନଦୀରେ ଚାଲୁଥିବା ଦେଶୀ ଡଙ୍ଗାଟି ପୁରୁଣା ହୋଇଯାଇଥିବାରୁ ସେଥିରେ ପାଣି ପଶିଯାଇ ଅନେକ ସମୟରେ ଦୁର୍ଘଟଣା ଘଟୁଛି । ବାରମ୍ୱାର ଗ୍ରାମବାସୀ ନଦୀ ଉପରେ ଏକ ସେତୁ ନିର୍ମାଣ ପାଇଁ ଦାବି କରିଥିଲେ ମଧ୍ୟ କିଛି ସୁଫଳ ମିଳିପାରିନାହିଁ । 

ପାଠ ପଢିବା ପାଇଁ ଡଙ୍ଗା ଚଲାଉଛନ୍ତି ଛାତ୍ରଛାତ୍ରୀ

ବାଲିଗୁଡା: ବାଲିଗୁଡ଼ା ଉପଖଣ୍ଡରେ ଥିବା ନୂଆଗାଁ ବ୍ଲକ ସାଇନପଡା ପଞ୍ଚାୟତର ୧୦ ଖଣ୍ଡ ଗାଁର ଲୋକଙ୍କର ଯାତାୟାତର ମାଧ୍ୟମ ସାଜିଛି ଦେଶୀ ଡଙ୍ଗା । ବିପଦସଂକୁଳ ଭାବେ ଡଙ୍ଗାରେ ନଦୀ ପାର ହେବା ସମୟରେ ଅନେକ ଧନଜୀବନ କ୍ଷତି ହୋଇଥିବା ନଜିର ରହିଛି । ତେବେ ଅନ୍ୟ କୌଣସି ବିକଳ୍ପ ବ୍ୟବସ୍ଥା ନଥିବାରୁ ବାଧ୍ୟ ହୋଇ ଜୀବନକୁ ବାଜି ଲଗାଇ ଛାତ୍ରଛାତ୍ରୀଙ୍କ ସମେତ ଅଞ୍ଚଳବାସୀ ସେହି  ଡଙ୍ଗାରେ ହିଁ ନଦୀ ପାର ହେଉଛନ୍ତି । ସେପଟେ ବାରମ୍ବାର ସେତୁ ନିର୍ମାଣ ପାଇଁ ଦାବି କରାଯାଉଥିଲେ ମଧ୍ୟ କିଛି ସୁଫଳ ମିଳୁନାହିଁ । ବାଲିଗୁଡ଼ା ଉପଖଣ୍ଡ ରୁ ଠାରୁ ମାତ୍ର ଏକ କିଲୋମିଟର ଦୂରରେ ଥିବା ଖଡ୍ଗ ନଦୀ ସ୍ଥାନୀୟ ଲୋକଙ୍କ ବିକାଶ ପଥରେ ବାଟ ଓଗାଳୁଛି ।

କେବଳ ସାଇନପଡା ପଞ୍ଚାୟତ ନୁହେଁ ବାଲିଗୁଡ଼ା ଏନଏସି ୩ନଂ ୱାର୍ଡ ର ୩୦ଟି ପରିବାର ମଧ୍ୟ ନଦୀ ପାର ହୁଅନ୍ତି । ଏହି ୧୦ଖଣ୍ଡ ଗାଁର ବହୁ ଛାତ୍ରଛାତ୍ରୀ ଦୌନିକ ନଦୀପାର ହୋଇ ପାଠ ପଢିବା ପାଇଁ ନୂଆସାହି ପ୍ରାଥମିକ ବିଦ୍ୟାଳୟ ଓ ହାଇସ୍କୁଲ ଆସିଥାନ୍ତି । ବର୍ଷା ଦିନେ ନଦୀ ଅଧିକ ଫୁଲିଲେ ପିଲାଙ୍କ ପାଠପଢା ରେ ଡୋରୀ ବନ୍ଧା ହୁଏ । ଅନ୍ୟ ସମୟରେ ହୁଲି ଡଙ୍ଗାରେ ନିଜେ କାତ ମାରି ବହି ବସ୍ତାନୀ ଓ ସାଇକେଲକୁ ଡଙ୍ଗାରେ ଲଦି ନଦୀ ପାର ହେଉଛନ୍ତି ଛାତ୍ରଛାତ୍ରୀ । ବର୍ଷ ତମାମ କଷ୍ଟେମଷ୍ଟେ ଚଳିଯାଉଥିବା ବେଳେ ବର୍ଷା ଦିନେ ଫୁଲିଥିବା ଖଡ୍ଗ ନଦୀ ପାର ପାଇଁ ଲୋକେ ନାହିଁନଥିବା ଅସୁବିଧା ଭୋଗୁଛନ୍ତି ।

ଖଡ୍ଗ ନଦୀ ବ୍ୟତୀୟ ଅନ୍ୟ କୌଣସି ଯାତାୟାତର ମାଧ୍ୟମ ନଥିବାରୁ ୧୦ ଖଣ୍ଡ ଗାଁକୁ ଆମ୍ବୁଲାନ୍ସ ଆସିପାରୁନାହିଁ । ଫଳରେ ଗର୍ଭବତୀ ମହିଳା ଓ ରୋଗୀ ନାହିଁ ନଥିବା ଅସୁବିଧା ଭୋଗୁଛନ୍ତି  । ନଦୀରେ ଚାଲୁଥିବା ଦେଶୀ ଡଙ୍ଗାଟି ପୁରୁଣା ହୋଇଯାଇଥିବାରୁ ସେଥିରେ ପାଣି ପଶିଯାଇ ଅନେକ ସମୟରେ ଦୁର୍ଘଟଣା ଘଟୁଛି । ବାରମ୍ୱାର ଗ୍ରାମବାସୀ ନଦୀ ଉପରେ ଏକ ସେତୁ ନିର୍ମାଣ ପାଇଁ ଦାବି କରିଥିଲେ ମଧ୍ୟ କିଛି ସୁଫଳ ମିଳିପାରିନାହିଁ ।