close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

କରୱାଚୌଥରେ ଅନୁଷ୍କା ସହ କୋହଲି ରଖିଲେ ବ୍ରତ, ସେୟାର କଲେ ଫଟୋ

ଦେଶସାରା ଧୁମଧାମରେ ପାଳନ କରାଗଲା କରୱାଚୌଥ ପର୍ବ । କ୍ରିକେଟ ଜଗତର ଷ୍ଟାରମାନେ ମଧ୍ୟ ପାଳନ କଲେ ଏହି ପର୍ବ । ଟିମ ଇଣ୍ଡିଆର ଖେଳାଳିଙ୍କ ପତ୍ନୀ ନିଜ ନିଜ ସ୍ୱାମୀଙ୍କ ପାଇଁ ବ୍ରତ ରଖି ସେମାନଙ୍କ ଦୀର୍ଘାୟୁ ପାଇଁ ଭଗବାନଙ୍କ ନିକଟକୁ ପ୍ରାର୍ଥନା କରିଥିଲେ ।   

କରୱାଚୌଥରେ ଅନୁଷ୍କା ସହ କୋହଲି ରଖିଲେ ବ୍ରତ, ସେୟାର କଲେ ଫଟୋ
ଅନୁଷ୍କା ଓ କୋହଲିଙ୍କ କରୱାଚୌଥ ବେଳର ମୁହୂର୍ତ୍ତ

ନୂଆଦିଲ୍ଲୀ: ଦେଶସାରା ଧୁମଧାମରେ ପାଳନ କରାଗଲା କରୱାଚୌଥ ପର୍ବ । କ୍ରିକେଟ ଜଗତର ଷ୍ଟାରମାନେ ମଧ୍ୟ ପାଳନ କଲେ ଏହି ପର୍ବ । ଟିମ ଇଣ୍ଡିଆର ଖେଳାଳିଙ୍କ ପତ୍ନୀ ନିଜ ନିଜ ସ୍ୱାମୀଙ୍କ ପାଇଁ ବ୍ରତ ରଖି ସେମାନଙ୍କ ଦୀର୍ଘାୟୁ ପାଇଁ ଭଗବାନଙ୍କ ନିକଟକୁ ପ୍ରାର୍ଥନା କରିଥିଲେ ।   

ବଲିଉଡ ଅଭିନତ୍ରୀ ଅନୁଷ୍କା ଶର୍ମା ନିଜ ସ୍ୱାମୀ ଓ ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲିଙ୍କ ପାଇଁ ବ୍ରତ ରଖିଥିଲେ । ଅନୁଷ୍କା ସହ କୋହଲି କରୱାଚୌଥର ଏକ ଫଟୋ ଟ୍ୱିଟରରେ ସେୟାର କରିଛନ୍ତି । ଏହି ଟ୍ୱିଟରେ ସେ ଲେଖିଛନ୍ତି ଯେ, "ଯେଉଁ ଲୋକ ଏକା ସାଙ୍ଗରେ ଉପବାସ ରଖନ୍ତି, ସେମାନେ ଏକାସାଙ୍ଗରେ ଖୁସିରେ ରହନ୍ତି । କରୱାଚୌଥର ଶୁଭକାମନା ।"

 

ସେହିପରି କ୍ରିକେଟର ଶିଖର ଧୱନ ମଧ୍ୟ ନିଜ ପତ୍ନୀ ଆଇଶା ଧୱନଙ୍କ ସହ ଏକ ଫଟୋ ସେୟାର କରିଛନ୍ତି ।  ଏହାସହ ସେ କରୱାଚୌଧର ଶୁଭକାମନା ଦେଇଛନ୍ତି । ସେ ଟ୍ୱିଟ କରି କହିଛନ୍ତି ଯେ, ହ୍ୟାପ୍ପି କରୱାଚୌଥ ମୋର ପ୍ରିୟା । ତୁମେ ବହୁ ଦୂରରେ ଅଛି, କିନ୍ତୁ ତୁମେ ସର୍ବଦା ମୋ ନିକଟରେ ରହୁଛ । ତୁମକୁ ଦେଖିବା ପାଇଁ ଆଉ ଅପେକ୍ଷା କରି ପାରୁନାହିଁ । ଲବ ୟୁ ଆଇଶା। ଅନ୍ୟ ସମସ୍ତ ବିବାହିତ ଯୋଡିଙ୍କୁ ମଧ୍ୟ ଶୁଭକାମନା ଜଣାଉଛି । ଭଗବାନ ଆପଣ ସମସ୍ତଙ୍କୁ ଶାନ୍ତିପୂର୍ଣ୍ଣ ଭାବେ ଜୀବନ ସାରା ଏକାଠି ରଖନ୍ତୁ । 

ସୁରେଶ ରୈନା ମଧ୍ୟ କରୱାଚୌଥ ପର୍ବ ପାଳନ କରିଛନ୍ତି । ନିଜ ପତ୍ନୀ ପ୍ରିୟଙ୍କା ଚୌଧୁରୀଙ୍କ ସହ ଏକ ଫଟୋ ଟ୍ୱିଟରରେ ସେୟାର କରିଛନ୍ତି । ଅନ୍ୟପଟେ ପୂର୍ବତନ ଭାରତୀୟ ବ୍ୟାଟ୍ସମ୍ୟାନ ବିରେନ୍ଦ୍ର ସେହେୱାଗ ନିଜ ପତ୍ନୀଙ୍କ ସହ କରୱାଚୌଥର ଏକ ଫଟୋ ଟ୍ୱିଟରରେ ସେୟାର କରିଛନ୍ତି ।