ସଙ୍କଟ ସମୟରେ ବର୍ତ୍ତିବାର ବାଟ ବାହାର କଲେ ସରକାର

ନୂଆଦିଲ୍ଲୀ: ଦେଶରେ ଜାରି ରହିଛି କୋରୋନା ସଙ୍କଟ । ତେଣୁ ଏପରି ସ୍ଥିତିରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛି କେନ୍ଦ୍ର କ୍ୟାବିନେଟ । ଆସନ୍ତା ୧ ବର୍ଷ ପର୍ଯ୍ୟନ୍ତ ରାଷ୍ଟ୍ରପତି, ପ୍ରଧାନମନ୍ତ୍ରୀ ଏବଂ ସମସ୍ତ ସାଂସଦଙ୍କ ଦରମା ୩୦ ପ୍ରତିଶତ ହ୍ରାସ କରାଯିବ । ସଂସଦ ଅଧିନିୟମ, ୧୯୫୪ର ସଦସ୍ୟଙ୍କ ଦରମା, ଭତ୍ତା ଏବଂ ପେନସନରେ ସଂଶୋଧନ ଅଧ୍ୟାଦେଶକୁ ଆଜି କେନ୍ଦ୍ର କ୍ୟାବିନେଟ ମଞ୍ଜୁରୀ ଦେଇଛି । ଏହି ଅଧ୍ୟାଦେଶ ଅନୁସାରେ, ଗତ ୧ ଏପ୍ରିଲ ୨୦୨୦ଠାରୁ ଏକ ବର୍ଷ ପର୍ଯ୍ୟନ୍ତ ଦରମା ୩୦ ପ୍ରତିଶତ ହ୍ରାସ ହେବ । 

କେନ୍ଦ୍ରମନ୍ତ୍ରୀ ପ୍ରକାଶ ଜାବେଡକର କେନ୍ଦ୍ର କ୍ୟାବିନେଟର ଏହି ନିଷ୍ପତ୍ତି ଉପରେ ସୂଚନା ଦେଇଛନ୍ତି । କହିଛନ୍ତି, ରାଷ୍ଟ୍ରପତି, ଉପରାଷ୍ଟ୍ରପତି, ଏବଂ ସମସ୍ତ ରାଜ୍ୟପାଳ ମଧ୍ୟ ସ୍ୱେଚ୍ଛାକୃତ ଭାବେ ସାମାଜିକ ଉତ୍ତର ଦାୟିତ୍ୱ ନିଭାଇବାକୁ ଯାଇ ଦରମା ହ୍ରାସ କରିବାକୁ ନିଷ୍ପତ୍ତି ନେଇଛନ୍ତି । 

ସେହିପରି, ଆସନ୍ତା ୨୦୨୦-୨୧ ଏବଂ ୨୦୨୧-୨୨ ଆର୍ଥିକ ବର୍ଷ ପାଇଁ ସାଂସଦଙ୍କୁ ମିଳିବାକୁ ଥିବା MPLAD ଫଣ୍ଡ ମଧ୍ୟ ଅସ୍ଥାୟୀ ଭାବେ ବାତିଲ କରାଯାଇଛି । ଏହି ୨ ବର୍ଷର ୭୯୦୦ କୋଟି ଟଙ୍କା ମଧ୍ୟ କୋରୋନା ମୁକାବିଲାରେ ଉପଯୋଗ ହେବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ । 

The President, Vice President, Governors of States have voluntarily decided to take a pay cut as a social responsibility. The money will go to Consolidated Fund of India: Union Minister Prakash Javadekar https://t.co/ExTFqVJTMa pic.twitter.com/xubj3ObqAn

— ANI (@ANI) April 6, 2020