ମହାରାଷ୍ଟ୍ରରେ ସରକାର ଗଢିବାକୁ ମନା କଲା ବିଜେପି

ମହାରାଷ୍ଟ୍ରରେ ସରକାର ଗଢିବାକୁ ମନା କଲା ବିଜେପି । ଦଳ ପାଖରେ ଆବଶ୍ୟକ ସଂଖ୍ୟା ବଳ ନାହିଁ, ତେଣୁ ଆମେ ସରକାର ଗଢିବାକୁ ଅସମର୍ଥ ବୋଲି କହିଛି ବିଜେପି । ରାଜ୍ୟପାଳଙ୍କୁ ସାକ୍ଷାତ କରି ବିଜେପି ନିଜର ମତ ସ୍ପଷ୍ଟ କରିଛି । ବର୍ତ୍ତମାନ ପ୍ରଶ୍ନ ଉଠୁଛି ରାଜ୍ୟରେ ଆଗାମୀ ସରକାର କିଏ ଗଢିବେ, ନା ରାଜ୍ୟପାଳ ରାଷ୍ଟ୍ରପତି ଶାସନ ପାଇଁ ସୁପାରିଶ କରିବେ । ବର୍ତ୍ତମାନ ଦେଖିବାକୁ ରହିଲା ଶିବସେନା କଣ କଂଗ୍ରେସ ଓ ଏନସିପି ସହାୟତାରେ ସରକାର ଗଠନ କରିବାକୁ ପ୍ରୟାସ କରିବ ? 

ମହାରାଷ୍ଟ୍ରରେ ସରକାର ଗଢିବାକୁ ମନା କଲା ବିଜେପି

ମୁମ୍ୱାଇ: ମହାରାଷ୍ଟ୍ରରେ ସରକାର ଗଢିବାକୁ ମନା କଲା ବିଜେପି । ଦଳ ପାଖରେ ଆବଶ୍ୟକ ସଂଖ୍ୟା ବଳ ନାହିଁ, ତେଣୁ ଆମେ ସରକାର ଗଢିବାକୁ ଅସମର୍ଥ ବୋଲି କହିଛି ବିଜେପି । ରାଜ୍ୟପାଳଙ୍କୁ ସାକ୍ଷାତ କରି ବିଜେପି ନିଜର ମତ ସ୍ପଷ୍ଟ କରିଛି । ବର୍ତ୍ତମାନ ପ୍ରଶ୍ନ ଉଠୁଛି ରାଜ୍ୟରେ ଆଗାମୀ ସରକାର କିଏ ଗଢିବେ, ନା ରାଜ୍ୟପାଳ ରାଷ୍ଟ୍ରପତି ଶାସନ ପାଇଁ ସୁପାରିଶ କରିବେ । ବର୍ତ୍ତମାନ ଦେଖିବାକୁ ରହିଲା ଶିବସେନା କଣ କଂଗ୍ରେସ ଓ ଏନସିପି ସହାୟତାରେ ସରକାର ଗଠନ କରିବାକୁ ପ୍ରୟାସ କରିବ ? 

ଅନ୍ୟପକ୍ଷେ ଆଜି ଅର୍ଥାତ ରବିବାର ମାତାଶ୍ରୀ ବାହାରେ ଶିବସେନା କାର୍ଯ୍ୟକର୍ତ୍ତା ପୋଷ୍ଟର ଲଗାଇଛନ୍ତି । ଯେଉଁଥିରେ ଉଦ୍ଧବ ଠାକରେଙ୍କୁ ମୁଖ୍ୟମନ୍ତ୍ରୀ ଭାବେ ଦେଖା ଯାଇଛି । ଶିବସେନା ନେତା ସଞ୍ଜୟ ରାଉତ କହିଛନ୍ତି ଯେ ଯଦି କେହି ମହାରାଷ୍ଟ୍ରରେ ସରକାର ଗଠନ କରି ପାରୁ ନାହିଁ, ତେବେ ତାଙ୍କ ଦଳ ସରକାର ଗଠନ କରିବା ପାଇଁ ପ୍ରସ୍ତୁତ ଅଛି । ଏହି ଘଟଣା କ୍ରମ ମଧ୍ୟରେ ଶିବସେନା ଓ ଏନସିପି ମଧ୍ୟରେ କୋଳାକୋଳି ହେବାର ସମ୍ଭାବନା  ଦେଖାଦେଇଛି । 
ଏପରିକି ବିଚାରଗତ ଦୃଷ୍ଟିରୁ ସମ୍ପୁର୍ଣ୍ଣ ଭାବରେ ଭିନ୍ନ ଥିବା କଂଗ୍ରେସ ମଧ୍ୟ ଆଜି  ଶିବସେନାକୁ ବାସୁଛି । ଏନେଇ ଦଳର ମୁଖପତ୍ର 'ସାମନା'ରେ ମଧ୍ୟ କଂଗ୍ରେସର ଭୁରିଭୁରି ପ୍ରଶଂସା  କରାଯାଇଛି । ଏପରିକି ମହାରାଷ୍ଟ୍ର ପାଇଁ କଂଗ୍ରେସ କେବେବି ଶତ୍ରୁ ନୁହେଁ ବୋଲି କହିବାକୁ  ପଛାଇନାହିଁ ଶିବସେନା । 

ଚଳିତ ବିଧାନସଭା ନିର୍ବାଚନରେ ବିଜେପିକୁ ୧୦୫ ଓ ଶିବସେନାକୁ ୫୬ଟି ଆସନ ମିଳିଛି । ଦୁଇ ଦଳ ଏକାଠି ମିଶି ନିର୍ବାଚନ ଲଢିଥିଲା । କିନ୍ତୁ ଫଳାଫଳ ଆସିବା ପରେ ବିଜେପି ଓ ଶିବସେନା ମଧ୍ୟରେ ବିବାଦ ଲାଗି ରହିଛି । ଏହି ସମସ୍ତ ବିବାଦ ମଧ୍ୟରେ ଶୁକ୍ରବାର ଅର୍ଥାତ ନଭେମ୍ୱର ୮ରେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ ଦେବେନ୍ଦ୍ର ଫଡନାବିସ । ରାଜ୍ୟର ବିଧାନସଭା ନିର୍ବାଚନର ପରିଣାମ ଅକ୍ଟୋବର ୨୪ରେ ଆସିଥିଲା । କିନ୍ତୁ ୧୩ ପରେ ମଧ୍ୟ ସରକାର ଗଠନ ହୋଇ ପାରିନାହିଁ । କାରଣ କୌଣସି ଦଳ ଆବଶ୍ୟକ ୧୪୫ଟି ଆସନ ଯୋଗାଡ଼ କରି ପାରି ନାହିଁ । ଚଳିତ ନିର୍ବାଚନରେ ୨୮୮ ଆସନ ବିଶିଷ୍ଟ ମହାରାଷ୍ଟ୍ର ବିଧାନସଭାରେ କଂଗ୍ରେସର ୪୪, ଏନସିପି ୫୪, ବିଜେପି ୧୦୫, ଶିବସେନା ୫୬ ଓ ଅନ୍ୟାନ୍ୟ ୨୯ଟି ଆସନ ଜିତିଛନ୍ତି ।