ଜୁନ ୨୧ ତାରିଖରେ ସମାପ୍ତ ହେବକି ଦୁନିଆ? ଜାଣନ୍ତୁ ଏହାର ସତ୍ୟତା

ଜୁନ ୨୧ ତାରିଖରେ ଦୁନିଆର ସମାପ୍ତି ହେବାକୁ ନେଇ ଆରମ୍ଭ ହୋଇଥିବା ଚର୍ଚ୍ଚାର ରହସ୍ୟ ଉନ୍ମୋଚିତ ହୋଇଛି |

ଏବେ ସମଗ୍ର ବିଶ୍ୱରେ କୋରୋନା ଭାଇରସର ତାଣ୍ଡବ ଜାରି ରହିଥିବା ବେଳେ, ଅନ୍ୟପଟେ ଏକ ସାମ୍ଭାବ୍ୟ ଅଘଟଣକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି | ଏ ସମ୍ପର୍କରେ କୁହାଯାଇଛି ଚଳିତ ବର୍ଷ ଜୁନ ୨୧ ତାରିଖରେ ଦୁନିଆ ସମାପ୍ତ ହୋଇଯିବ | ଏହି ସିଦ୍ଧାନ୍ତ(theory) ବିଶ୍ୱର ଅନ୍ୟତମ ପୁରୁଣା ସଭ୍ୟତା ଭାବେ ଜଣାଶୁଣା ମାୟା ସଭ୍ୟତାର କ୍ୟାଲେଣ୍ଡର ଉପରେ ପର୍ଯ୍ୟବେସିତ | ହେଲେ ଏବେ ବିଶ୍ୱରେ ଅଧିକାଂଶ ଲୋକଙ୍କ ଦ୍ୱାରା ଗ୍ରିଗୋରିୟାନ କ୍ୟାଲେଣ୍ଡର ବ୍ୟବହାର କରାଯାଉଛି |

ମାୟା ସଭ୍ୟତା କ୍ୟାଲେଣ୍ଡର ୧୫୮୨ ମସିହାରେ ସାମ୍ନାକୁ ଆସିଥିଲା | ଏହା ପୂର୍ବରୁ ଲୋକେ ବିଭିନ୍ନ ଧରଣର କ୍ୟାଲେଣ୍ଡର ବ୍ୟବହାର କରୁଥିଲେ | ଯାହା ମଧ୍ୟରେ ସବୁଠୁ ଲୋକପ୍ରିୟ ଥିଲା ଜୁଲିୟାନ ଏବଂ ମାୟା କ୍ୟାଲେଣ୍ଡର | ବିଶେଷଜ୍ଞଙ୍କ କହିବା ଅନୁସାରେ ପୃଥିବୀକୁ ସୂର୍ଯ୍ୟଙ୍କ ଚାରିପଟେ ପରିକ୍ରମା କରିବା ପାଇଁ ଲାଗୁଥିବା ସମୟକୁ ଭଲ ଭାବରେ ପ୍ରଦର୍ଶିତ କରିବା ପାଇଁ କରିବା ପାଇଁ ଗ୍ରେଗୋରିଆନ କ୍ୟାଲେଣ୍ଡରର ବ୍ୟବହୃତ ପ୍ରବର୍ତ୍ତିତ ହୋଇଥିଲା | 

ହେଲେ ଅନେକ ଲୋକ ବିଶ୍ୱାସ କରନ୍ତି ସେହି ବର୍ଷ ଠାରୁ ୧୧ ଦିନ ସମାପ୍ତ ହୋଇ ଯାଇଥିଲା |  ଯାହା ଜୁଲିୟାନ କ୍ୟାଲେଣ୍ଡର ଦ୍ୱାରା ୧୫୮୨ ମସିହାରେ ନିର୍ଦ୍ଧାରିତ କରାଯାଇଥିଲା | ସେହି ସମୟ ସହ ହଜିଯାଇଥିବା ଦିନରେ ବୃଦ୍ଧି ହୋଇଛି | ଏହା ସହ ଏକ ସିଦ୍ଧାନ୍ତର ବିକାଶ ହୋଇଛି | ଏହି ଦାବି ଅନୁସାରେ ଆମେ ବର୍ତ୍ତମାନ ବର୍ଷ ୨୦୧୨ରେ ରହିବା କଥା ମାତ୍ର ଚଳିତବର୍ଷ ୨୦୨୦ରେ ନୁହେଁ |

Add Zee News as a Preferred Source

ବୈଜ୍ଞାନିକ ପାଉଲୋ ଟାଗାଲୋଗୟୁନ ନିକଟରେ ଏକ ଟ୍ୱିଟ୍ କରିଥିଲେ, ଯାହାକୁ ପରେ ସେ ଟ୍ୱିଟର ହ୍ୟାଣ୍ଡେଲରୁ ହଟାଇ ଦେଇଥିଲେ | ଏହି ଟ୍ୱିଟ ମାଧ୍ୟମରେ ସେ ଦର୍ଶାଇଥିଲେ, ଜୁଲିଆନ୍ କାଲେଣ୍ଡର ଅନୁସାରେ ଆମେ ବର୍ତ୍ତମାନ ୨୦୧୨ ବର୍ଷରେ ରହିବା କଥା | ହେଲେ ବର୍ତ୍ତମାନ ପ୍ରଚଳିତ ଥିବା ଗ୍ରିଗୋରିଆନ୍ କ୍ୟାଲେଣ୍ଡରରେ ପରିବର୍ତ୍ତନ ହେତୁ ଗୋଟିଏ ବର୍ଷରେ ୧୧ ଦିନ ହଜିଯାଉଛି | 

ଯଦି ଗ୍ରେଗୋରିଆନ୍ କ୍ୟାଲେଣ୍ଡର ଅନ୍ତର୍ଗତ ୧୭୫୨ ମସିହାରୁ ବର୍ଷ ୨୦୨୦, ଏହି ୨୬୮ ବର୍ଷକୁ ହିସାବକୁ ନିଆଯାଏ ସେବେକାର 11ଦିନ, ୨୯୪୮ ଦିନ ସହ ସମାନ | ସେବେକାର ଗୋଟିଏ ବର୍ଷର ସମୟ ୨୯୪୮ ଦିନ ଏବେକାର ବର୍ଷର ମୋଟ ଦିନ ୩୬୫କୁ ହିସାବ କରାଯାଏ ଏହା ବର୍ତ୍ତମାନ ସମୟର ୮ ବର୍ଷ ସହ ସମାନ | ଏହି ସିଦ୍ଧାନ୍ତକୁ ବିଚାରକୁ ନିଆଯାଏ ୨୦୨୦ ଜୁନ ୨୧ ତାରିଖ, ବାସ୍ତବରେ ୨୦୧୨ ଡିସେମ୍ବର ୨୧ ତାରିଖ ହେବା କଥା | ପୂର୍ବରୁ ଏହି ସମାନ ଦିନ ଅର୍ଥାତ ୨୦୧୨ ବର୍ଷରେ ଦୁନିଆ ସମାପ୍ତି ହେବା ନେଇ ପୂର୍ବାନୁମାନ କରାଯାଇଥିଲା | 

ଏନେଇ ଆମେରିକୀୟ ମହାକାଶ ଗବେଷା ସଂସ୍ଥା ନାସା ପକ୍ଷରୁ କୁହାଯାଇଛି, ପ୍ରାଚୀନ ସମୟରେ ସୁମେରୀୟଙ୍କ ଦ୍ୱାରା ଆବିଷ୍କାର କରାଯାଇଥିବା ନିବିରୁ ଗ୍ରହର ପୃଥିବୀ ପ୍ରତି ଏକ ପ୍ରଭାବ ରହିଛି ବୋଲି ଏକ କାହାଣୀର ଆରମ୍ଭ ହୋଇଛି | ଯଦି ଏ ଘଟଣାକୁ ବିଚାରକୁ ନିଆଯାଏ ବର୍ଷ ୨୦୦୩ରେ ଦୁନିଆ ବିନାଶ ହେବାର ପୂର୍ବାନୁମାନ କରାଯାଇଥିଲା, ହେଲେ ସେତେବେଳେ କିଛି ଘଟି ନଥିଲା | 

ଏହା ପରେ ଦୁନିଆ ବିନାଶର ତାରିଖ ବର୍ଷ ୨୦୧୨ ଡିସେମ୍ବର ପର୍ଯ୍ୟନ୍ତ ବୃଦ୍ଧି କରାଯାଇଥିଲା | ଏହି ସମୟ ପ୍ରାଚୀନ ମାୟା କ୍ୟାଲେଣ୍ଡର ସହ ସମ୍ପୃକ୍ତ ହୋଇଥିଲା | ୨୦୧୨ ଡିସେମ୍ବର ୨୧ ତାରିଖରେ ଦୁନିଆ ଧ୍ୱଂସ ପାଇବା ନେଇ ପୂର୍ବରୁ ପୂର୍ବାନୁମାନ କରାଯାଇ ସାରିଛି |

ପୂର୍ବରୁ ନାସା ପକ୍ଷରୁ କୁହାଯାଇଥିଲା, ୨୦୧୨ରେ କୌଣସି ପ୍ରାକୃତିକ ବିପର୍ଯ୍ୟୟ କିମ୍ବା ହେବାକୁ ଥିବା ନାଟକୀୟ ପରିବର୍ତ୍ତନ ପାଇଁ ବିଜ୍ଞାନ କେଉଁଠି ଅଛି? ପ୍ରମାଣ କେଉଁଠାରେ ରହିଛି? ଏପରି ଘଟଣାର କୌଣସି ବାସ୍ତବତା ନାହିଁ | ଏହି କାଳ୍ପନିକ ଦାବି ପୁସ୍ତକ, ଚଳଚ୍ଚିତ୍ର, ପ୍ରାମାଣିକ ଚଳଚ୍ଚିତ୍ର ଏବଂ ଇଣ୍ଟରନେଟରେ ଉପଲବ୍ଧ ରହିଛି | ଆମେ ତଥ୍ୟକୁ ପରିବର୍ତ୍ତନ କରିପାରିବୁ ନାହିଁ | ଡିସେମ୍ବର ୨୧ ତାରିଖ ୨୦୧୨ରେ ହେବାକୁ ଥିବା ଏପରି ଆଶ୍ଚର୍ଯ୍ୟପ୍ରଦ ଘଟଣାର କୌଣସି ବିଶ୍ୱାସନୀୟ ପ୍ରମାଣ ନାହିଁ |