ସ୍ୱାବଲମ୍ୱୀ ହୋଇପାରିଛନ୍ତି ଅପର୍ଣ୍ଣା ସ୍ୱୟଂ ସହାୟକ ଗୋଷ୍ଠୀ, ବ୍ୟାଙ୍କରୁ ଋଣ ନେଇ ବସାଇଛନ୍ତି ମେସିନ

କୁଚିଣ୍ଡା: କୁଚିଣ୍ଡା ବ୍ଲକ ବକ୍ସମା ପଞ୍ଚାୟତ  ବି.ଜମନକିରାର ଅପର୍ଣ୍ଣା ସ୍ୱୟଂସହାୟକ ଗୋଷ୍ଠୀ ଛତୁଆ ୟୁନିଟ  ସ୍ଥାପନ କରି ବ୍ଲକ ରେ ନାଁ ଅର୍ଜନ କରିଛନ୍ତି । ଛତୁଆ ସହିତ ବିଭିନ୍ନ ସାମଗ୍ରୀ ତିଆରି କରି ନିଜେ ୧୨ଟି ପଞ୍ଚାୟତ ର ବିଭିନ୍ନ ଅଙ୍ଗନୱାଡ଼ି କେନ୍ଦ୍ରକୁ ଯୋଗାଣ କରୁଛନ୍ତି । ମହିଳା ମାନେ ନିଜେ ଆତ୍ମନିର୍ଭରଶୀଳ ହୋଇପାରିଛନ୍ତି । ତା ସହିତ ରାଜ୍ୟ ଓ ରାଜ୍ୟ ବାହାରୁ ସ୍ୱୟଂସହାୟକ   ଗୋଷ୍ଠୀ  ଆସି ପ୍ରଶଂସା କରିବା ସହିତ ପ୍ରେରଣା ନେଉଛନ୍ତି ।

ସ୍ୱାବଲମ୍ୱୀ ହୋଇପରିଛନ୍ତି  ଅପର୍ଣ୍ଣା ସ୍ୱୟଂ ସହାୟକ ଗୋଷ୍ଠୀ  ମହିଳା । ଅଙ୍ଗନୱାଡ଼ି କେନ୍ଦ୍ର ପାଇଁ ତିଆରି କରୁଛନ୍ତି ଛତୁଆ ଓ ଖାଦ୍ୟ । ବ୍ୟାଙ୍କରୁ ଋଣ ନେଇ ବସାଇଛନ୍ତି ମେସିନ ।  ଗୋଷ୍ଠୀର ଉନ୍ନତିମୂଳକ କାର୍ଯ୍ୟ ପାଇଁ ମିଳିଛି ପୁରସ୍କାର ।

୨୦୦୩ରେ ୧୨ଜଣ ମହିଳାଙ୍କୁ ନେଇ ରମିତା ଚୌଧୁରୀ  ନିର୍ମାଣ କରିଥିଲେ  ଏହି  ଗୋଷ୍ଠୀ ।  ଗୋଷ୍ଠୀର ଉନ୍ନତିମୂଳକ କାର୍ଯ୍ୟ ପାଇଁ ଉପଖଣ୍ଡ ଓ ଜିଲ୍ଲା ସ୍ତରରେ ପୁରସ୍କୃତ ହୋଇଛି ।  ୨୦୧୩ରେ ଏହି ଗ୍ରୁପକୁ  କୁଚିଣ୍ଡା ଶିଶୁ ବିକାଶ ମହିଳା ବିଭାଗ ପକ୍ଷରୁ  ଅଙ୍ଗନୱାଡି କେନ୍ଦ୍ରରେ ମହିଳା ଓ ଶିଶୁଙ୍କ ପାଇଁ ଖାଦ୍ୟ ପ୍ରଦାନ  କରିବା ଦାୟିତ୍ୱ ମିଳିଥିଲା । ବ୍ୟାଙ୍କରୁ ଋଣ କରି  ଗ୍ରୁପର ମହିଳା ମେସିନ ବସାଇ ଛତୁଆ, ସୁଜି ହାଲୁଆ, ବାଦାମ ଲଡୁ ତିଆରି କରୁଛନ୍ତି । ସେମାନଙ୍କ ଦ୍ୱରା ପ୍ରସ୍ତୁତ ଖାଦ୍ୟ ସାମଗ୍ରୀ  ପ୍ରତ୍ୟେକ ମାସ ଅଙ୍ଗନୱାଡି କେନ୍ଦ୍ରକୁ ଯାଉଛି । ଯାହା ଦ୍ୱାରା  ଗୋଷ୍ଠୀର  ମହିଳାଙ୍କ  ଆର୍ଥିକସ୍ଥିତି ସ୍ବଚ୍ଛଳ ହୋଇପାରୁଛି ।

ଅପର୍ଣ୍ଣା ସ୍ୱୟଂସହାୟକ ଗୋଷ୍ଠୀ ନିର୍ମାଣ କରିଥିବା ଛତୁଆ ୟୁନିଟକୁ ଛତିଶଗଡ଼ ରାଜ୍ୟର ଜଶିପୁର ଜିଲ୍ଲାର ସ୍ୱୟଂସହାୟକ ମହିଳା ଦିଶାଦର୍ଶନ କାର୍ଯ୍ୟକ୍ରମରେ ଦେଖିବାକୁ ଆସିଥିଲେ । ଅପର୍ଣ୍ଣା  ସ୍ୱୟଂସହାୟକ  ଗୋଷ୍ଠୀର ସଭାପତି ରମିତା  ମହିଳାଙ୍କୁ ତାଙ୍କର ୟୁନିଟକୁ ବୁଲାଇ ଦେଖାଇଥିଲେ ।  ଆସିଥିବା ମହିଳା ମାନେ ୟୁନିଟ କୁ ଦେଖି ପ୍ରଶଂସା କରିଥିଲେଏ ।