ଭାରତ ମୁହାଁ ଚୀନ ବିତାଡ଼ିତ, ସ୍ୱାଗତ ପାଇଁ ପ୍ରସ୍ତୁତି ଆରମ୍ଭ

ନୂଆଦିଲ୍ଲୀ: କୋରୋନା ପାଇଁ ଏବେ ସଂକଟରେ ବିଶ୍ୱ। ଆଉ ଏଇଥି ପାଇଁ ସମଗ୍ର ବିଶ୍ୱର ବିକାଶଶୀଳ ରାଷ୍ଟ୍ର ଗୁଡ଼ିକ ଚୀନ ଠାରୁ ମୁହଁ ମୋଡ଼ିବା ଆରମ୍ଭ କଲେଣି। ପ୍ରାରମ୍ଭିକ ପର୍ଯ୍ୟାୟରେ ଜାପାନ ଓ ଦକ୍ଷିଣ କୋରିଆ ସେମାନଙ୍କର ଶିଳ୍ପ ଗୁଡ଼ିକ ବନ୍ଦ କରିବା ଆରମ୍ଭ କରିଦେଇଛନ୍ତି। ସେପଟେ ଏହି ରାଷ୍ଟ୍ର ଗୁଡ଼ିକ ଭାରତ ମୁହାଁ ହେଉଥିବା ସୂଚନା ରହିଛି। ଆଉ ସେମାନଙ୍କ ସ୍ୱାଗତ କରିବା ପାଇଁ ମଧ୍ୟ ଭାରତ ପ୍ରସ୍ତୁତି ଆରମ୍ଭ କରିଦେଲାଣି। 

ଶୁଣିବାକୁ ମିଳେ ଯେ ଏହି କମ୍ପାନୀ ଗୁଡ଼ିକୁ ସ୍ୱାଗତ କରିବା ପାଇଁ ଉତ୍ତରପ୍ରଦେଶ ସରକାର ପ୍ରୟାସ ଆରମ୍ଭ କରିଦେଇଛନ୍ତି। ଉତ୍ତର ପ୍ରଦେଶର ମୁଖ୍ୟମନ୍ତ୍ର ଯୋଗୀ ଆଦିତ୍ୟନାଥଙ୍କ ନିର୍ଦ୍ଦେଶ କ୍ରମେ ରାଜ୍ୟର ସୁକ୍ଷ୍ମ, ଅଣୁ ଓ ମଧ୍ୟମ ତଥା ଏମଏମଏମଇ ମନ୍ତ୍ରୀ ସିଦ୍ଧାର୍ଥ ନାଥ ସିଂହ ଓ ରାଜ୍ୟ ଔଦଗିକ ମନ୍ତ୍ରୀ ସତୀଶ ମହାନ୍ନା ମିଳିତ ଭାବେ ଏକ ମିଳିତ ବୈଠକ କରିଛନ୍ତି। ଉକ୍ତ ବୈଠକରେ ଶିଳ୍ପାନୁଷ୍ଠାନ ଗୁଡ଼ିକ କିପରି ରାଜ୍ୟ(ଉତ୍ତରପ୍ରଦେଶ)କୁ ଆସିବ ସେ ନେଇ ସେ ବିସ୍ତାର ଭାବେ ଆଲୋଚନା କରିଥିଲେ। 

ଉକ୍ତ ବୈଠକରେ ଭାରତ ଆସିବାକୁ ଥିବା ଇଚ୍ଛୁକ କମ୍ପାନୀ ଗୁଡ଼ିକୁ ରାଜ୍ୟରେ ଶିଳ୍ପ ସ୍ଥାପନ ନେଇ କିପରି ଆକର୍ଷିତ କରାଯାଇ ପାରିବ ସେ ନେଇ ମଧ୍ୟଆଲୋଚନା କରାଯାଇଥିଲା। ଇନସେନଟିଭ ସହିତ କ୍ୟାପିଟାଲ ସବସିଡ଼ି ଆଦି ଦେବାକୁ ବିଚାର ବିମର୍ଷ ମଧ୍ୟ କରାଯାଇଥିବା ଜଣାପଡ଼ିଛି। ସେହିପରି ରାଜ୍ୟରେ ନିବେଶକୁ କିପରି ବୃଦ୍ଧି କରାଯାଇ ପାରିବ ଓ ସେଥିପାଇଁ ଆବଶ୍ୟକ ସଂଶାଧନକୁ କିପରି ଯୋଗାଇ ଦିଆଯିବ, ଉପରେ ମଧ୍ୟ ଆଲୋଚନା କରାଯାଇଥିଲା। ସେହିପରି ଆସିବାକୁ ଥିବା କମ୍ପାନୀ ଗୁଡ଼ିକୁ ମଧ୍ୟ ଆକର୍ଷଣୀୟ ସୁବିଧା ଯୋଗାଇ ଦେବାକୁ ନେଇ ବିସ୍ତାର ଭାବେ ଆଲୋଚନା କରିବାକୁ ମନ୍ତ୍ରୀ ଓ ଅଫିସର ମାନଙ୍କୁ ନିର୍ଦ୍ଦେଶ ଦେଇଛନ୍ତି ଯୋଗୀ ଆଦିତ୍ୟନାଥ। 

ବୈଠକ ପରେ ମନ୍ତ୍ରୀ ସିଦ୍ଧାର୍ଥନାଥ ସୂଚନା ଦେଇ କହିଛନ୍ତି ୟେ, ବର୍ତ୍ତମାନ ସମୟରେ ଫୁଡ଼ ପ୍ରୋସେସିଂ, ଗାରମେଣ୍ଟ ଓ ଅଟୋ ମୋବାଇଲ କମ୍ପାନୀ ଗୁଡ଼ିକ ଉତ୍ତରପ୍ରଦେଶରେ ନିବେଶ ପାଇଁ ଇଚ୍ଛା ପ୍ରକାଶ କରିସାରିଛନ୍ତି। ସେହିଭଳି ସତୀଶ ମାହାନ୍ନା କହିଛନ୍ତି ଯେ, ଉଦ୍ଦ୍ୟୋଗପତିମାନଙ୍କୁ ରିଆତି ଛାଡ଼ କରାଯିବାକୁ ଆମେମାନେ ପ୍ରୟାସ କରିବୁ। ଏହା ସହିତ ଲୋଭନୀୟ ସୁବିଧା ମଧ୍ୟ ଯୋଗାଇ ଦେବୁ ବୋଲି ସେ କହିଥିଲେ।