ଲକ ଡାଉନର ସକରାତ୍ମକ ପ୍ରଭାବ, ଦୁନିଆକୁ ମିଳିଲା ଲାଭ

ଲଣ୍ଡନ: ସମଗ୍ର ବିଶ୍ୱରେ କାୟା ବିସ୍ତାର କରିଥିବା କୋରୋନା ଭାଇରସର ମୁକାବିଲା ଲାଗି ଲକ ଡାଉନ ଜାରି କରିବା ଭଳି ନିଷ୍ପତ୍ତି ନେଇଥିଲେ ଅନେକ ରାଷ୍ଟ୍ର | ଏହାର ଏକ ସକରାତ୍ମକ ପ୍ରଭାବ ପଡିଛି | ଯାହାର ଲାଭ ଦୁନିଆକୁ ମିଳିଛି |  ଲକ ଡାଉନ କାରଣରୁ ବିଶ୍ୱରେ କାର୍ବନ ମାତ୍ରାରେ ୧୭ ପ୍ରତିଶତ ହ୍ରାସ ଘଟିଥିବା ଜଣାପଡିଛି |     

'ନେଚର କ୍ଲାଇମେଟ ଚେଞ୍ଚ' ନାମକ ପତ୍ରିକା ପକ୍ଷରୁ କରାଯାଇଥିବା ସର୍ଭେ କୁହାଯାଇଛି ବିଶ୍ୱ ମହାମାରୀ କୋରୋନାର ମୁକାବିଲା ପାଇଁ ଲାଗୁ ହୋଇଥିବା ଲକ ଡାଉନର ସକରାତ୍ମକ ପ୍ରଭାବ ଦେଖିବାକୁ ମିଳିଛି | ଯାହା ଫଳରେ  ଦୁନିଆରେ କାର୍ବନ ଡାଇକସାଇଡ ନିର୍ଗମନ ମାତ୍ରାରେ ୧୭ ପ୍ରତିଶତ ହ୍ରାସ ଘଟିଛି | ଦ୍ୱିତୀୟ ବିଶ୍ୱଯୁଦ୍ଧ ପରେ କାର୍ବନ ନିଗର୍ମନ ମାତ୍ରାରେ ଏହା ଦ୍ୱିତୀୟ ହ୍ରାସ |    

ବୈଜ୍ଞାନିକଙ୍କ ଅନୁସାରେ ଏହା ଦ୍ୱାରା ସାଧାରଣ ଜୀବନଯାତ୍ରା ସ୍ୱାଭାବିକ ରହିବ | ବିଶ୍ୱ ଜଳବାୟୁ ପରିବର୍ତ୍ତନ ଜନିତ ପ୍ରଦୂଷଣ ମାତ୍ରା କିଛି ସମୟ ପାଇଁ ହ୍ରାସ ପାଇଛି | ଏହା ସମୁଦ୍ରର ବୁନ୍ଦାଏ ପାଣି ସହ ସମାନ |  ବିଶ୍ୱରେ କୋରୋନା ମହାମାରୀ ଚାଲିଥିବା ବେଳେ କାର୍ବନ ଡାଇକସାଇଡ ନିଗର୍ମନ ଉପରେ ଗବେଷଣା କରୁଥିବା ଏକ ବୈଜ୍ଞାନିକ ଦଳର ଆକଳନ ଅନୁସାରେ ପ୍ରଦୂଷଣର ମାତ୍ରା ହ୍ରାସ ପାଉଛି | ଚଳିତ ବର୍ଷ ଏହା ୪ରୁ ୭ ପ୍ରତିଶତ ମଧ୍ୟରେ ରହିବ | ଯାହାକି ଗତ ବର୍ଷ ତୁଳନାରେ କମ | 
 

ଏହା ସହିତ ବୈଜ୍ଞାନିକଙ୍କ କହିବା ଅନୁସାରେ ଯଦି ବିଶ୍ୱରେ ପୁରା ବର୍ଷ ପାଇଁ ଲକ ଡାଉନ ଲାଗୁ କରାଯାଏ ପ୍ରଦୂଷଣ ମାତ୍ରା ୭ ପ୍ରତିଶତ କମିବ | ଏକ ରିପୋର୍ଟ ଅନୁସାରେ ଏପ୍ରିଲ ମାସର ଗୋଟିଏ ସପ୍ତାହରେ ଆମେରିକା କର୍ବାନ ଡାଇକସାଇଡର ନିଗର୍ମନ ମାତ୍ରାକୁ ଏକ-ତୃତୀୟାଂଶ ହ୍ରାସ କରିଛି | ସର୍ବାଧିକ ପରିମାଣର କାର୍ବନ ଡାଇକସାଇଡ ବାୟୁ ମଣ୍ଡଳକୁ ଛାଡୁଥିବା ଚୀନରେ ଏହି ମାତ୍ରା ଏକ-ଚତୁର୍ଥାଂଶ କମିଛି | ଭାରତ ଏବଂ ୟୁରୋପରେ ଏହାର ମାତ୍ରା ଯଥାକ୍ରମେ ୨୬ ଏବଂ ୨୭ ପ୍ରତିଶତ ହ୍ରାସ ପାଇଛି |