ପୁଅକୁ ବଞ୍ଚାଇବାକୁ ଯାଇ ଚିତାବାଘ ସହ ଲଢିବାକୁ ପଛାଇଲେ ନାହିଁ ମହିଳା

ଭୋପାଳ: ନିଜ ସନ୍ତାନର ସୁରକ୍ଷା ଲାଗି ଗୋଟିଏ ମାଆ ଯେ କ'ଣ କରିପାରେ ତାହାର ଉଦାହରଣ ବିଭିନ୍ନ ସମୟରେ ଦେଖିବାକୁ ମିଳିଛି। ସଦ୍ୟ ମଧ୍ୟ ପ୍ରଦେଶର ସିଧୀ ଜିଲ୍ଲାରେ ଏପରି ଏକ ଘଟଣା ଘଟିଛି। ଯେଉଁଠି ଜଣେ ମାଆ ନିଜ ପୁଅକୁ ବଞ୍ଚାଇବା ପାଇଁ ମୃତ୍ୟୁ ସହ ସଂଘର୍ଷ କରିବାକୁ ପଛାଇନାହିଁ। 

ମଧ୍ୟ ପ୍ରଦେଶ ସିଧୀ ଜିଲ୍ଲାର କିରଣ ବୈଗା ନାମକ ଜଣେ ମହିଳାଙ୍କ ୬ ବର୍ଷର ପୁଅକୁ ଚିତାବାଘ ନେଇ ଯାଇଥିଲେ। ଏ ଘଟଣା ବାବଦରେ ମାଆ କିରଣ ଜାଣିବା ପରେ ସେ ନିଜ ସନ୍ତାନକୁ ବଞ୍ଚାଇବାକୁ ପ୍ରାୟ ୧ କିମି ପର୍ଯ୍ୟନ୍ତ ଏହି ଚିତାବାଘର ପିଛା କରିଥିଲେ। ଏହା ପରେ ଯାଇ ସେ ଚିତା ବାଘ ମୁହଁରୁ ନିଜ ପିଲାକୁ ବଞ୍ଚାଇ ଆଣିଥିଲେ। ଏହି ଘଟଣାରେ ଉଭୟ ମା ଓ ପୁଅ ଆହତ ହୋଇଛନ୍ତି। ଉଭୟଙ୍କୁ କୁସମୀ ସରକାରୀ ଚିକିତ୍ସାଳୟରେ ଚିକିତ୍ସା କରାଯାଉଛି। 

ଗତ ନଭେମ୍ବର ୨୮ ତାରିଖରେ ଜିଲ୍ଲାର କୁସମୀ ବ୍ଲକସ୍ଥିତ ସଞ୍ଜୟ ଟାଇଗର ବଫର ଜୋନ ଅଧିନସ୍ଥ ଟାମସାର ରେଞ୍ଜ ଅଧିନରେ ବାଡିଝରିଆ ଗାଁ ଅବସ୍ଥିତ। ଏହି ଗ୍ରାମକୁ ବଣ ଜଙ୍ଗଲ ପାହାଡ଼ ସମ୍ପୂର୍ଣ୍ଣ ଭାବେ ଘେରି ରଖିଛି। ଗତ ରବିବାର ସନ୍ଧ୍ୟାରେ କିରଣ ବୈଗା ନିଜ ପିଲାଙ୍କ ସହ ନିଆଁ ପୁଇଁଥିଲେ। ଗୋଟିଏ ପିଲା ତାଙ୍କ କୋଳରେ ବସିଥିବା ବେଳେ ଅନ୍ୟ ଦୁଇଟି ପିଲା ତାଙ୍କ କଡ଼ରେ ବସିଥିଲେ। କୌଣସି କାମରେ ତାଙ୍କ ସ୍ୱାମୀ ଶଙ୍କର ବୈଗା ଘରୁ ବାହାରକୁ ଯାଇଥିଲେ। ଏହି ସମୟରେ ଏକ ଚିତା ବାଘ ଆସି ତାଙ୍କ ୬ ବର୍ଷର ପୁଅ ରାହୁଲକୁ ନେଇ ଜଙ୍ଗଲ ଆଡ଼କୁ ପଳାଇଥିଲା। 

Also Read: Shocking News: ପାଣିରେ ବୁଡି କୁମ୍ଭୀର ମୃତ

ନିଜ ପିଲାକୁ ଚିତାବାଘ ଉଠାଇ ନେବା ସମୟରେ ଦେଖିବାକୁ ପାଇଥିଲେ ସେ। ଏହା ପରେ ସେ ସଙ୍ଗେ ସଙ୍ଗେ ଚିତା ବାଘ ପଛେ ପଛେ ଦୌଡ଼ିଗଲେ। ପ୍ରାୟ ୧ କିମି ପର୍ଯ୍ୟନ୍ତ ସେ ଚିତାବାଘକୁ ଅନୁସରଣ କରିଥିଲେ। ସେ ଦେଖିଲେ ଯେ ଚିତାବାଘ ରାହୁଲଙ୍କୁ ପଞ୍ଝାରେ ଧରି ନେଇଛି। ଏହା ଦେଖିବା ପରେ ସେ ଏକ ବାଡ଼ି ସାହାଯ୍ୟରେ ଚିତାବାଘ ସହ ମୁକାବିଲା କରିଥିଲେ। କୌଣସି ପ୍ରକାରେ ସେ ନିଜ ପୁଅକୁ ଚିତାବାଘ ଠାରୁ ମୁକ୍ତ କରିବାରେ ସଫଳ ହୋଇଥିଲେ। ଯେତେବେଳେ ଚିତାବାଘ କିରଣ ବୈଗାଙ୍କ ଉପରେ ଆକ୍ରମଣ କଲା ସେତେବେଳେ ନିଜ ହାତରେ ଚିତାବାଘକୁ ପଞ୍ଝାରୁ ଧରି ଫୋପାଡି଼ ଦେଇଥିଲେ। ଏହି ଶବ୍ଦ ଶୁଣି ଅନ୍ୟ ଗ୍ରାମବାସୀ  ଘଟଣାସ୍ଥଳରେ ପହଞ୍ଚିଥିଲେ। ଲୋକେ ଏକାଠି ହେବା ଦେଖିବା ପରେ ଏହି ଚିତାବାଘ ଜଙ୍ଗଲ ଆଡ଼କୁ ଆଡକୁ ଦୌଡି଼ ପଳାଇଥିଲା।

Also Read: ମଦ ସହ ହଜମ ହେଲା ନାହିଁ ସାପ ଚାଖେଣୀ

ପୁଅକୁ ବଞ୍ଚାଇବା ପରେ ମାଆ ବେହୋଶ ହୋଇପଡି଼ଥିଲେ। ସଞ୍ଜୟ ଟାଇଗର ରିଜର୍ଭ କର୍ମଚାରୀଙ୍କୁ ଏହି ଘଟଣା ବାବଦରେ ଅବଗତ କରାଯାଇଥିଲା। ଟମସାର ରେଞ୍ଜ ବନ ବିଭାଗ ଟିମ ଘଟଣାସ୍ଥଳରେ ପହଞ୍ଚି ଏ ଘଟଣାରେ ଆହତ ଲୋକଙ୍କୁ ଚିକିତ୍ସା ଲାଗି କୁସମି ଡାକ୍ତରଖାନାରେ ଭର୍ତ୍ତି କରିଛି। ଚିତାବାଘ ଆକ୍ରମଣରେ ଶିଶୁ ରାହୁଲ ଏବ ତା'ର ପିତା ଶଙ୍କର ବୈଗାଙ୍କ ବେକ, ପିଠି ଏବଂ ବାମ ଆଖିରେ ଗଭୀର ଆଘାତ ଲାଗିଛି। ଏଥି ସହିତ କିରଣ ବୈଗାଙ୍କ ଶରୀରରେ ଚିତବାଘ ନଖ ଦାଗ ରହିଛି।