ଏହି ମାମଲାରେ ବାପା ଲାଲୁ ଯାଦବଙ୍କ ରେକର୍ଡ ଭାଙ୍ଗିଲେ ତେଜସ୍ୱୀ

ନୂଆଦିଲ୍ଲୀ: ବିହାର ବିଧାନସଭା ନିର୍ବାଚନର ଦ୍ୱିତୀୟ ପର୍ଯ୍ୟାୟର ପ୍ରଚାର ଶେଷ ହୋଇସାରିଛି । ଏହି ସମୟ ମଧ୍ୟରେ ରାଷ୍ଟ୍ରୀୟ ଜନତା ଦଳ (RJD) ନେତା ତେଜସ୍ୱୀ ଯାଦବ (Tejashwi Yadav) ନିଜ ନାଁରେ ଏକ ରୋଚକ ରେକର୍ଡ କରିଛନ୍ତି । ମହାମେଣ୍ଟର ସିଏମ୍ ପ୍ରାର୍ଥୀ ତେଜସ୍ୱୀ ଜୋରଦାର ପ୍ରଚାରରେ ଲାଗିଛନ୍ତି । ସେ ଗୋଟିଏ ଦିନରେ ସର୍ବାଧିକ ରାଲି କରିବା ମାମଲାରେ ନିଜ ବାପା ଲାଲୁ ପ୍ରସାଦ ଯାଦବ(Lalu Prasad Yadav) ଙ୍କୁ ପଛରେ ପକାଇ ଦେଇଛନ୍ତି । ଦ୍ୱିତୀୟ ପର୍ଯ୍ୟାୟ ମତଦାନ ପୂର୍ବରୁ ତେଜସ୍ୱୀ ଶନିବାର ୧୭ଟି ରାଲି ଏବଂ ଦୁଇଟି ରୋଡ୍ ଶୋ' କରି ଏହି ରେକର୍ଡ ସୃଷ୍ଟି କରିଛନ୍ତି ।

ଅଧିକ ପଢ଼ନ୍ତୁ:-ମୋଦି ସରକାର ନିଜ ପ୍ରଚାର ପାଇଁ ପ୍ରତିଦିନ ଖର୍ଚ୍ଚ କରିଛନ୍ତି ପ୍ରାୟ ୨ କୋଟି ଟଙ୍କା

ଏହାପୂର୍ବରୁ ଗୋଟିଏ ଦିନରେ ସର୍ବାଧିକ ରାଲି କରିବାର ରେକର୍ଡ ବିହାରର ପୂର୍ବତନ ସିଏମ ଏବଂ ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବଙ୍କ ନାମରେ ଥିଲା । ଯେଉଁଥିରେ ଗୋଟିଏ ଦିନରେ ୧୬ଟି ସାଧାରଣ ସଭା ସାମିଲ ଥିଲା । ନ୍ୟୁଜ୍ ଏଜେନ୍ସି ANI କୁ ଦେଇଥିବା ଏକ ସାକ୍ଷାତକାରରେ ତେଜସ୍ୱୀ କହିଛନ୍ତି, "ମୁଁ ଶାରୀରିକ ଏବଂ ମାନସିକ ସ୍ତରରେ କ୍ଳାନ୍ତ ନୁହେଁ । ମୁଁ ଲୋକମାନଙ୍କଠାରୁ ଅଦୃଶ୍ୟ ପ୍ରେମ, ସମର୍ଥନ ଏବଂ ଶକ୍ତି ଗ୍ରହଣ କରୁଛି, ଯାହା ମାଧ୍ୟମରେ ମୁଁ କ୍ରମାଗତ ଭାବରେ ପ୍ରଚାର କରୁଛି । ଅନ୍ୟପକ୍ଷରେ ଏନଡିଏ ୩୦ଟି ହେଲିକପ୍ଟର ସହିତ ସମଗ୍ର ମେଶୀନାରୀ ପ୍ରୟୋଗ କରୁଛି ।"

ଅଧିକ ପଢ଼ନ୍ତୁ:-ଦିଲ୍ଲୀ ସମେତ ଏହି ରାଜ୍ୟଗୁଡିକରେ ବଢ଼ୁଛି କୋରୋନା ସଙ୍କଟ, ସମୀକ୍ଷା ପାଇଁ ବୈଠକ ଡାକିଲେ ମୋଦି ସରକାର

ଶନିବାର ତେଜସ୍ୱୀ ନିଜର ପ୍ରଥମ ରାଲି ସୀତାମଢ଼ୀର ରିଗା ବ୍ଲକରେ ସକାଳ ୧୦.୫ରେ କରିଥିଲେ । ଏଥିସହିତ ଶେଷ ରାଲି ଅପରାହ୍ନ ୪.୪୫ ମିନିଟରେ ବୈଶାଳୀ ଜିଲ୍ଲାର ବିଦୁପୁର ବ୍ଲକରେ ସମ୍ବୋଧିତ କରିଥିଲେ । ତେଜସ୍ୱୀ ହାରାହାରି ୧୪ରୁ ୧୬ଟି ରାଲି ମାଧ୍ୟମରେ ମହାମେଣ୍ଟର ପ୍ରଚାର ଅଭିଯାନକୁ ଗତି ଦେଉଛନ୍ତି । ଏହାର ତୁଳନାରେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ପ୍ରତିଦିନ ୬ରୁ ୭ଟି ସାଧାରଣ ସଭାକୁ ସମ୍ବୋଧିତ କରନ୍ତି । ଏହି ନିର୍ବାଚନରେ ​​ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମୋଟ ୧୨ଟି ରାଲି କରୁଛନ୍ତି ।