ଏନଡିଏର ବଢ଼ିଲା ଚିନ୍ତା, ନୀତିଶ କୁମାରଙ୍କ ଦୁଇ ରାଜନୈତିକ 'ଶତ୍ରୁ' ହେବେ ମିତ୍ର !

ନୂଆଦିଲ୍ଲୀ: Bihar Assembly Election 2020: ବିହାରର ୨୪୩ ସଦସ୍ୟ ବିଶିଷ୍ଟ ବିଧାନସଭା ପାଇଁ ଅକ୍ଟୋବର ୨୮ରୁ ମତଦାନ ଆରମ୍ଭ ହେବ । ଆଉ ୩ଟି ପର୍ଯ୍ୟାୟରେ ଏହି ମତଦାନ ହେବ । ପ୍ରଥମ ପର୍ଯ୍ୟାର ମତଦାନ ଅକ୍ଟୋବର ୨୮, ଦ୍ୱିତୀୟ ପର୍ଯ୍ୟାୟର ମତଦାନ ନଭେମ୍ବର ୩ ଏବଂ ତୃତୀୟ ପର୍ଯ୍ୟାୟର ମତଦାନ ନଭେମ୍ବର ୭ରେ ଅନୁଷ୍ଠିତ ହେବ । ଏହାର ଫଳାଫଳ  ନଭେମ୍ବର ୧୦ରେ ଘୋଷଣା କରାଯିବ । ନିର୍ବାଚନକୁ ଦୃଷ୍ଟିରେ ରଖି ସମସ୍ତ ରାଜନୈତିକ ଦଳ ମତଦାତାଙ୍କୁ ଆକୃଷ୍ଟ କରିବାକୁ ଚେଷ୍ଟା କରୁଛନ୍ତି । 

ତେବେ ମତଦାନ ଏବଂ ନିର୍ବାଚନ ଫଳାଫଳ ପୂର୍ବରୁ ଅନେକ ରାଜନୈତିକ ସମ୍ଭାବନା ମଧ୍ୟ ଜନ୍ମ ନେଉଥିବାର ଦେଖାଯାଉଛି । ପ୍ରଥମେ ଲୋକ ଜନଶକ୍ତି ପାର୍ଟି (LJP) ର ଅଧ୍ୟକ୍ଷ ଚିରାଗ ପାସୱାନ (Chirag Paswan) ଙ୍କ ଦ୍ୱାରା ଏପରି ବୟାନ ଦିଆଯାଇଛି ଯେ ନଭେମ୍ବର ୧୦ରେ ବିହାରରେ ଏଲଜେପି-ବିଜେପି (LJP-BJP) ର ସରକାର ଗଠନ ହେବ । ବିଜେପି ନେତାମାନଙ୍କୁ ଏଭଳି ବୟାନକୁ ନେଇ ନିରନ୍ତର ସଫେଇ ଦେବାକୁ ପଡୁଛି । ଏପରିକି ବରିଷ୍ଠ ବିଜେପି ନେତା ତଥା ଗୃହମନ୍ତ୍ରୀ ଅମିତ ଶାହା (Amit Shah) ଙ୍କୁ ସ୍ଥିତି ସ୍ପଷ୍ଟ କରିବାକୁ ଆଗକୁ ଆସିବାକୁ ପଡିଲା । ବର୍ତ୍ତମାନ ବିହାରର ରାଜନୈତିକ ଗଳିରେ ଆଉ ଏକ ବୟାନ ସାମ୍ନାକୁ ଆସିଛି ଯାହା ରାଜନୈତିକ ପାରା ବଢ଼ାଇ ଦେଇଛି ।

ବାସ୍ତବରେ, ସୋମବାର ଯେତେବେଳେ ବିରୋଧୀ ଦଳର ନେତା ତେଜସ୍ୱୀ ଯାଦବ (Tejashwi Yadav) ନିର୍ବାଚନ ପ୍ରଚାର ପାଇଁ ଯାଉଥିଲେ, ସେତେବେଳେ ସେ ଗଣମାଧ୍ୟମ ସହିତ କଥାବାର୍ତ୍ତା କରି କହିଥିଲେ ଯେ, ନୀତିଶ କୁମାର (Nitish KumarI ଚିରାଗ ପାସୱାନଙ୍କ ସହିତ ଯାହା କରିଛନ୍ତି । ତାହା ଠିକ୍ କରିନାହିଁ । ତାଙ୍କୁ ଏହି ସମୟରେ ନିଜ ପିତାଙ୍କୁ ପୂର୍ବ ଅପେକ୍ଷା ଅଧିକ ଆବଶ୍ୟକତା ରହିଛି, କିନ୍ତୁ ରାମ ବିଲାସ ପାସୱାନ (Ram Vilas Paswan) ଆମ ମଧ୍ୟରେ ନାହାଁନ୍ତି ଏବଂ ଆମେ ଏହା ଦ୍ୱାରା ଦୁଃଖିତ । ଯେପରି ନୀତିଶ କୁମାର ଆଚରଣ କରିଛନ୍ତି, ତାହା ଅନ୍ୟାୟ ଥିଲା ।

Add Zee News as a Preferred Source

ଅଧିକ ପଢ଼ନ୍ତୁ:-ଗେହଲଟ ବନାମ ପାଇଲଟ: ରାଜସ୍ଥାନ କଂଗ୍ରେସରେ ଝଡ଼ ପୂର୍ବର ନୀରବତା !

ତେଜସ୍ୱୀ ଯାଦବଙ୍କ ଚିରାଗ ପାସୱାନଙ୍କୁ ନେଇ ଦେଇଥିବା ବୟାନର ଅନେକ ରାଜନୈତିକ ଅର୍ଥ ବାହାର କରାଯାଉଛି । ବାସ୍ତବରେ, ଯେତେବେଳେ ଅକ୍ଟୋବରରେ ରାମ ବିଲାସ ପାସୱାନଙ୍କର ମୃତ୍ୟୁ ହୋଇଥିଲା, ସେତେବେଳେ ତେଜସ୍ୱୀଙ୍କ ପିତା ଲାଲୁ ଯାଦବ ଏବଂ ମା' ରାବ୍ରି ଦେବୀ କହିଥିଲେ ଯେ ରାମ ବିଲାସ ପାସୱାନଙ୍କ ଦେହାନ୍ତ ପରେ ଲାଲୁ ପରିବାର ମଧ୍ୟ ଶୋକରେ ଅଛି । ଯଦିଓ ନୀତୀଶ କୁମାର ମଧ୍ୟ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ, କିନ୍ତୁ ଏହା ମଧ୍ୟ ସତ୍ୟ ଯେ ଚିରାଗ ପାସୱାନ୍ ନୀତୀଶଙ୍କୁ ଲଗାତର ସମାଲୋଚନା କରୁଛନ୍ତି ।

ଅଧିକ ପଢ଼ନ୍ତୁ:-୫-୧୦ ଟଙ୍କାର ଏହି କଏନ ଆପଣଙ୍କୁ କରିବ ଧନୀ! ମିଲିପାରେ ୧୦ ଲକ୍ଷ ଟଙ୍କା

ପ୍ରକାଶ ଥାଉକି, ଚିରାଗ ପାସୱାନଙ୍କୁ ସମର୍ଥନ କରୁଥିବା ତେଜସ୍ୱୀଙ୍କ ବୟାନ ମଧ୍ୟ ନୀତୀଶ କୁମାରଙ୍କ ଦୁଇ ଶତ୍ରୁ ଏକାଠି ହେବାର ସମ୍ଭାବନା ଭାବେ ଦେଖାଯାଉଛି । ଆହୁରି ମଧ୍ୟ ତେଜସ୍ୱୀ ଏବଂ ଚିରାଗ ପାସୱାନଙ୍କ ପାରସ୍ପରିକ ବୁଝାମଣା ପ୍ରଦର୍ଶନ କରନ୍ତି  | ପରସ୍ପରର ମଧ୍ୟରେ ଏହି ବୁଝାମଣା ତେଜସ୍ୱୀଙ୍କ ନିର୍ବାଚନମଣ୍ଡଳୀ ରାଘୋପୁର ବିଧାନସଭା ଆସନରେ ମଧ୍ୟ ଦୃଶ୍ୟମାନ ହେଉଛି । ବାସ୍ତବରେ, ଚିରାଗ ପାସୱାନ ବିଜେପିର ଉଚ୍ଚ ଜାତିର ଭୋଟ୍ କାଟିବା ଉଦ୍ଦେଶ୍ୟରେ ସେଠାରୁ ରାଜପୁତ ପ୍ରାର୍ଥୀ ଦେଇଛନ୍ତି, ଯାହା ତେଜସ୍ୱୀ ଯାଦବଙ୍କୁ ସାହାଯ୍ୟ କରିବ ।

ଅଧିକ ପଢ଼ନ୍ତୁ:-ଏହି ମାମଲାରେ ଭାରତର ସାଥ୍ ଦେଲେ ପାକିସ୍ତାନ-ନେପାଳ, ମାନିଲା ନାହିଁ ଆମେରିକା

ରାଜନୈତିକ ବିଶେଷଜ୍ଞମାନେ ଏହା ମଧ୍ୟ କହିଛନ୍ତି ଯେ, ଚିରାଗ ପାସୱାନଙ୍କ ପ୍ରତି ସମଗ୍ର ଲାଲୁ ପରିବାରର ସହାନୁଭୂତି ଦେଖାଇବା ବ୍ୟତୀତ ବିହାରରେ ଏକ ନୂତନ ରାଜନୈତିକ ସମ୍ଭାବନା ମଧ୍ୟ ଦେଖାଯାଉଛି । ବିଶେଷକରି ଯଦି ନିର୍ବାଚନ ପରେ ତ୍ରିଶଙ୍କୁ ବିଧାନସଭାର ପରିସ୍ଥିତି ଆସେ, ତେବେ ତେଜସ୍ୱୀଙ୍କ ଚିରାଗଙ୍କ ପ୍ରତି ଏହି ସମବେଦନା କିଛି ଅଲଗା ହୋଇପାରେ । ବୋଧହୁଏ ଏଭଳି ପରିସ୍ଥିତି ମଧ୍ୟ ଆସିପାରେ ଯେ ଚିରାଗ ନୀତିଶଙ୍କ ପ୍ରତି ତାଙ୍କର ଏହି ଭାବନାକୁ ଆଗକୁ ଜାରି ରଖିବେ, ତେବେ ତେଜସ୍ୱୀ ବିହାରର ସିଏମ୍ ହୋଇପାରନ୍ତି ।