 "Bihar Election2020: ମୁଣ୍ଡ ଟେକୁଛି ତୃତୀୟ ମେଣ୍ଟ, ଆପ ନେବ ନେତୃତ୍ୱ !")
ପାଟନା: ଆସନ୍ତା ଅକ୍ଟୋବର ନଭେମ୍ବର ମାସରେ ବିହାର ବିଧାନସଭା ନିର୍ବାଚନ (Bihar Assembly Election) ଅନୁଷ୍ଠିତ ହେବାକୁ ଯାଉଛି। ଫଳରେ ନିର୍ବାଚନ ରଣାଙ୍ଗନରେ ଲଢେଇ ପାଇଁ ସବୁ ରାଜନୈତିକ ଦଳ ପ୍ରସ୍ତୁତି ଆରମ୍ଭ କରିସାରିଲେଣି। ତେବେ ଏହି ନିର୍ବାଚନରେ ଏନଡିଏ (NDA) ଓ ସ୍ଥାନୀୟ ରାଜନୈତିକ ଦଳ ମଧ୍ୟରେ ଗଠିତ ହୋଇଥିବା ମେଣ୍ଟ ମଧ୍ୟରେ ମୁଖ୍ୟତଃ ଲଢେଇ ହେବ। କିନ୍ତୁ ଏହାରି ମଧ୍ୟରେ ଆଉ ଏକ ମେଣ୍ଟ ନୂଆକରି ମୁଣ୍ଡ ଟେକୁଥିବା ସୂଚନା ମିଳିଛି। ଏହି ମେଣ୍ଟର ନେତୃତ୍ୱ ଆମ ଆଦମୀ ପାର୍ଟି (Aam Aadmi Party) ନେଉଥିବା ସୂନଚା ରହିଛି। ତେବେ ୟୁନାଇଟେଡ଼ ଡେମୋକ୍ରାଟିକ ଆଲାଏନ୍ସ (UDA) ର ଦଳ ଗୁଡ଼ିକସହିତ ଆମ ଆଦମୀ ପାର୍ଟି ମିଶି ଏହି ନିର୍ବାଚନ ଲଢିବାକୁ ଯୋଜନା କରୁଥିବା ସୂଚନା ରହିଛି।
ଅଧିକ ପଢନ୍ତୁ: ମେଣ୍ଟକୁ ଝଟକା ଦେଲେ ଜୀତନରାମ
ସେପଟେ ଅଟଳ ବିହାରୀ ବାଜପେୟୀ (Atal Bihari Bajpayee)ଙ୍କ ସରକାରରେ ଅର୍ଥମନ୍ତ୍ରୀ (Finance Minister) ଥିବା ତଥା UDA ଅଧ୍ୟକ୍ଷ ଯଶଓ୍ୱନ୍ତ ସିହ୍ନା (Yaswant Sinha) ଙ୍କ ନେତୃତ୍ୱରେ ଏହି ମେଣ୍ଟ ଗଠନ କରାଯିବ ବୋଲି ଚର୍ଚ୍ଚା ଜୋର ଧରିଛି। ଏପରିକି ଯଶୱନ୍ତ ଆମ ଆଦମୀ ପାର୍ଟି (AAP) ସହିତ ଆଲୋଚନା କରୁଥିବା ଜଣାପଡ଼ିଛି। ବିଶ୍ୱସ୍ତ ସୂତ୍ରରୁ ମିଳିଥିବା ସୂଚନା ମୁତାବକ ଏକ ବର୍ଷ ପୂର୍ବରୁ ଲୋକସଭା ନିର୍ବାଚନ (Loksabha Election) ସମୟରେ ଆପ ପକ୍ଷରୁ ଯଶୋବନ୍ତଙ୍କୁ ନିର୍ବାଚନ ଲଢିବାକୁ ପ୍ରସ୍ତାବ ଦିଆଯାଇଥିଲା। ମାତ୍ର କୌଣସି କାରଣରୁ ଆପର ପ୍ରସ୍ତାବକୁ ମନା କରିଦେଇଥିଲେ ଯଶୋବନ୍ତ। ତେବେ ସେ ଯାହା ବି ହେଉ କିନ୍ତୁ ଆପ ସହିତ ଯଶୋବନ୍ତଙ୍କ ସମ୍ପର୍କ ମଜବୁତ ହୋଇଥିଲା।
କିଛି ସମୟ ଧରି ବିହାର ସରକାରଙ୍କୁ ସମାଲୋଚନା କରୁଥିବା ପୂର୍ବତନ ଅର୍ଥମନ୍ତ୍ରୀ ସିହ୍ନା, ଜୁନ୍ ମାସରେ ବିହାର ବିଧାନସଭା ନିର୍ବାଚନରେ ପ୍ରବେଶ କରି ସକ୍ରିୟ ରାଜନୀତିକୁ ଫେରିଥିବା ଘୋଷଣା କରିଥିଲେ। ୧୫ ବର୍ଷ ତୁଳନାରେ ୧୫ ବର୍ଷର ଶକ୍ତି ପରିବର୍ତ୍ତନ କରିବାର ସ୍ଲୋଗାନ ଦେଇ ସେ କହିଛନ୍ତି ଯେ ଆମେ UDA ଗଢିଛୁ। ଯାହା ବିହାର ରାଜନୈତିକ ମାହୋଲ ମଧ୍ୟରେ ଏକ ବିକଳ୍ପ ହୋଇ ଛିଡ଼ା ହେବ ବୋଲି ସେ କହିଥିଲେ। ତେବେ ଆଗକୁ ଆସୁଥିବା ବିଧାନସଭାରେ ନିର୍ବାଚନରେ ଅନ୍ୟଦଳକୁ ଚ୍ୟାଲେଞ୍ଜ ଦେବା ପାଇଁ ୧୬ଟି ଛୋଟ ଦଳକୁ ନେଇ ଏବେ ଏକ ମେଣ୍ଟ ଗଠନ କରାଯିବାକୁ ଆଲୋଚନା ଆରମ୍ଭ ହୋଇଛି।
ଯଶୋବନ୍ତ କହିଛନ୍ତି ଯେ ମୁଁ ମୋର ଯାତ୍ରା କାଳରେ ରାଜ୍ୟର ପ୍ରାୟ ଦୁଇ ତୃତୀୟାଂଶ ଅଞ୍ଚଳ ବୁଲି ଅନୁଧ୍ୟାନ କରିସାରିଛି ଏବଂ ଅବଶିଷ୍ଟ ଏକ ତୃତୀୟାଂଶ ଶୀଘ୍ର ପୂରଣ କରିବି। ଆମେ ଏଠାରେ କଣ କରିବାକୁ ଚାହୁଁଛୁ ଏବଂ ଏହି ମେଣ୍ଟର ସୃଷ୍ଟି କଣ ପାଇଁ ସମସ୍ତେ ଜାଣନ୍ତି | ଏପରିକି AAP ମଧ୍ୟ ଏହା ଜାଣେ | ସିହ୍ନା କହିଛନ୍ତି, UDAରେ ଦୁର୍ନୀତି ଏବଂ ଅପରାଧିକ ପ୍ରବୃତ୍ତି ଦୁର୍ନିତୀଗ୍ରସ୍ତ ନେତାଙ୍କୁ ସାମିଲ କରାଯିବ ନାହିଁ। ଏପରିକି UDAରେ ସାମିଲ ଥିବା ନେତାମାନଙ୍କୁ ମଧ୍ୟ ଏହି ଦୁର୍ନାମ ମୁଣ୍ଡାଇବାରୁ ଦୂରେଇ ରଖାଯିବ।
ୟୁଡିଏ (UDA)ରେ ପୂର୍ବତନ ଜେହାନାବାଦ ସାଂସଦ ଅରୁଣ କୁମାର (Arun Kumar) , ଝଞ୍ଜାରପୁରରୁ ୫ଥର ସାଂସଦ ଦେବେନ୍ଦ୍ର ପ୍ରସାଦ ଯାଦବ (Devendra Prasad Jadav), ପୂର୍ବତନ କେନ୍ଦ୍ରମନ୍ତ୍ରୀ ନାଗମାନି (Nagmani), ବିହାରର ପୂର୍ବତନ ମନ୍ତ୍ରୀ ନରେନ୍ଦ୍ର ସିଂ (Narendra Singh) ଏବଂ ରେନୁ କୁଶୱା (Renu Kuswa) ଙ୍କ ସହିତ ଅନେକ ବରିଷ୍ଠ ନେତା ରହିଛନ୍ତି। ଏଥି ସହ ବିଧାନସଭା ନିର୍ବାଚନରେ ଟିକେଟ୍ ବଣ୍ଟନ ସମୟରେ ଅନେକ ନେତା ମଧ୍ୟ ଆମ ସହ ଯୋଗଦେବାକୁ ଇଚ୍ଛୁକ ବୋଲି ନୂତନ ମିଳିତ ମଞ୍ଚର ଜଣେ ବରିଷ୍ଠ ନେତା କହିଛନ୍ତି।
ଅଧିକ ପଢନ୍ତୁ: ମହାମେଣ୍ଟରେ ହୋଇସାରିଛି ଆସନ ବୁଝାମଣା !
ତେବେ ବିହାର (Bihar) ର ଆପ (AAP) ମୁଖ୍ୟ ସୁଶୀଲ ସିଂହ (Sushil Singh) ସୂଚନା ଦେଇଛନ୍ତି କି, ବିହାର ପ୍ରଭାରୀ ସଞ୍ଜୟ ସିଂ (Sanjay Singh) ଙ୍କ ସହିତ ଯଶୱନ୍ତ ସିହ୍ନା ଆଲୋଚନା ଜାରି ରଖିଛନ୍ତି। ବରିଷ୍ଠ ସ୍ତରରେ ଏହି ଆଲୋଚନା ଜାରି ରଖିଛନ୍ତି। ବିହାର ନିର୍ବାଚନ (Bihar Election) ରେ ତୃଣମୂଳ ସ୍ତରରେ କାର୍ଯ୍ୟ କରୁଛନ୍ତି। ଲୋକମାନଙ୍କ ନିକଟରେ ଦଳ କିପରି ପହଞ୍ଚିବ, ଦଳର ଲକ୍ଷ୍ୟ, କେଉଁଭଳି ଭାବରେ ନିର୍ବାଚନ ଲଢାଯିବ ସେନେଇ ମଧ୍ୟ ପ୍ରସ୍ତୁତ ଆରମ୍ଭ ହୋଇଛି ବୋଲି ସେ କହିଛନ୍ତି।
)