କଂଗ୍ରେସ ଟିକେଟରେ ନିର୍ବାଚନ ଲଢ଼ିବେ ସାମ୍ୱାଦିକ ରବିଶ କୁମାରଙ୍କ ଭାଇ

ନୂଆଦିଲ୍ଲୀ: Bihar Assembly Election 2020: ବିହାର ବିଧାନସଭା ନିର୍ବାଚନ ପାଇଁ କଂଗ୍ରେସ ପ୍ରାର୍ଥୀଙ୍କ ତାଲିକା (Congress Candidates List) ଘୋଷଣା କରିଛି । ଦ୍ୱିତୀୟ ତାଲିକାରେ ୪୯ ଜଣ ପ୍ରାର୍ଥୀଙ୍କ ନାମ କଂଗ୍ରେସ ଘୋଷଣା କରିଛି । ପ୍ରାର୍ଥୀ ତାଲିକାରେ ସବୁଠାରୁ ଆଶ୍ଚର୍ଯ୍ୟଜନକ ନାମ ହେଉଛି ସାମ୍ବାଦିକ ରବିଶ କୁମାର (Journalist Ravish Kumar) ଙ୍କ ଭାଇ ବ୍ରଜେଶ ପାଣ୍ଡେ (Brajesh Pandey) । ମୋତିହାରୀର ଗୋବିନ୍ଦଗଞ୍ଜରୁ ବ୍ରଜେଶ ପାଣ୍ଡେଙ୍କୁ କଂଗ୍ରେସ ଟିକେଟ ଦେଇଛି । ପୂର୍ବରୁ ବ୍ରଜେଶ ପାଣ୍ଡେ ମଧ୍ୟ କଂଗ୍ରେସର ରାଜ୍ୟ ଉପାଧ୍ୟକ୍ଷ ରହିସାରିଛନ୍ତି ।

କଂଗ୍ରେସ (Congress) ଘୋଷଣା କରିଥିବା ପ୍ରାର୍ଥୀ ତାଲିକାରେ ବ୍ରଜେଶ ପାଣ୍ଡେ (Brajesh Pandey) ଙ୍କ ନାମ ଗୋବିନ୍ଦଗଞ୍ଜରରୁ ରହିଛି । ପାଣ୍ଡେ ମଧ୍ୟ ଏହା ପୂର୍ବରୁ ନିର୍ବାଚନ ଲଢ଼ି ସାରିଛନ୍ତି, କିନ୍ତୁ  ସେ ଜିତି ପାରିନଥିଲେ । ଅନ୍ୟପକ୍ଷେ ଗୋବିନ୍ଦଗଞ୍ଜରୁ ଏନଡିଏ ତରଫରୁ ବିଜେପି ପ୍ରାର୍ଥୀ ମୈଦାନରେ ଅଛନ୍ତି । ଚିରାଗ ପାସୱାନଙ୍କ ଏଲଜେପି ମଧ୍ୟ ଏଠାରେ ପ୍ରାର୍ଥୀ ଦେଇଛନ୍ତି ।

ଅଧିକ ପଢ଼ନ୍ତୁ:-ବିଷାକ୍ତ ମଦ ପିଇ ୧୪ ଜଣଙ୍କ ମୃତ୍ୟୁ, ଥାନା ଅଧିକାରୀ ସମେତ ୪ ପୋଲିସ କର୍ମୀ ନିଲମ୍ବିତ

Add Zee News as a Preferred Source

ଏଥି ସହିତ ୨୦୧୭ରେ ବ୍ରଜେଶ ପାଣ୍ଡେଙ୍କ ନାମ ଏକ ବିବାଦକୁ ଆସିଥିଲା, ଯାହା ପରେ ଦଳ ତାଙ୍କଠାରୁ ଦୂରତା ରକ୍ଷା କରିଥିଲା । କିନ୍ତୁ ତାଙ୍କ ନାମ ଗୁରୁବାର ଜାରି ହୋଇଥିବା ତାଲିକାରେ ସାମିଲ ରହିଛି । ଗୋବିନ୍ଦଗଞ୍ଜରେ ଦ୍ୱିତୀୟ ପର୍ଯ୍ୟାୟରେ ମତଦାନ ହେବାର ଅଛି ।

ଅଧିକ ପଢ଼ନ୍ତୁ:-ଖୁସି ଖବର: ଦୁନିଆକୁ ମିଳିଲା ଆଉ ଏକ କୋରୋନା ଭ୍ୟାକ୍ସିନ !

ବିଧାନସଭା ନିର୍ବାଚନରେ ​ପାଇଁ ଗୁରୁବାର ୪୯ଟି ଆସନ ପାଇଁ ପ୍ରାର୍ଥୀ ଘୋଷଣା କରିଛି କଂଗ୍ରେସ । ଏହି ତାଲିକାରେ ପୂର୍ବତନ କେନ୍ଦ୍ର ମନ୍ତ୍ରୀ ଶରଦ ଯାଦବଙ୍କ ଝିଅ ସୁଭାଷିନୀ ଏବଂ ଚଳଚ୍ଚିତ୍ର ଅଭିନେତା ତଥା ପୂର୍ବତନ କେନ୍ଦ୍ର ମନ୍ତ୍ରୀ ଶତ୍ରୁଘ୍ନ ସିହ୍ନାଙ୍କ ପୁଅ ଲଭ୍ ସିହ୍ନାଙ୍କ ନାଁ ସାମିଲ ରହିଛି ।