ଓ୍ୱାଙ୍ଖଡ଼େ ପାଲଟିବ କ୍ୱାରେଣ୍ଟାଇନ ସେଣ୍ଟର

ମୁମ୍ବାଇ: ମହାରାଷ୍ଟ୍ରରେ ଏବେ କୋରୋନା ନିୟନ୍ତ୍ରଣ ବାହାରେ। ରାଜ୍ୟରେ ପ୍ରାୟ ୨୯ ହଜାରରୁ ଊର୍ଦ୍ଧ୍ୱ ମାମଲା ସାମ୍ନାକୁ ଆସିଛି। ଫଳରେ ବିଭିନ୍ନ ସ୍ଥାନରେ କ୍ୱାରେଣ୍ଟାଇନ ସେଣ୍ଟର କରାଯାଇ ରୋଗୀମାନଙ୍କର ଚିକିତ୍ସା ଜାରି ରହିଛି। ତେବେ ଅଧିକ ରୋଗୀଙ୍କୁ ଚିକିତ୍ସା ଯୋଗାଇ ଦେବାକୁ ବ୍ରିହାନ ମୁମ୍ବାଇ କର୍ପୋରେସନ ଓ୍ୱାଙ୍ଖଡ଼େ ଷ୍ଟାଡ଼ିୟମକୁ କ୍ୱାରେଣ୍ଟାଇନ ସେଣ୍ଟର କରିବାକୁ ଯାଉଛି। ଏନେଇ ମୁମ୍ବାଇ କ୍ରିକେଟ ଆସୋସିଏସନକୁ ଏକ ଚିଠି ଲେଖିଛି।  

ଏନେଇ ଏମସିଏ ବା ମୁମ୍ବାଇ କ୍ରିକେଟ ଆସୋସିଏସନ ପକ୍ଷରୁ କୁହାଯାଇଛି ଯେ, ଆମକୁ କର୍ପୋରେସନ ପକ୍ଷରୁ ଏନେଇ ସୂଚନା ମିଳିଛି। କର୍ପୋରେସନ ଅନୁରୋଧ କରିଛି ଯେ, ଓ୍ୱାଙ୍ଖଡ଼େ ଷ୍ଟାଡି଼ୟମରେ କ୍ୱାରେଣ୍ଟାଇନ ସୁବିଧା କରିବା ପାଇଁ କର୍ପୋରେସନ ଅନୁରୋଧ କରିଛି। ତେବେ ସେମାନଙ୍କୁ ଏହି ସୁବିଧା ଯୋଗାଇଦେବାକୁ ଓ୍ୱାଙ୍ଖଡ଼େ ଷ୍ଟାଡ଼ିୟମକୁ ହସ୍ତାନ୍ତର କରାଯିବ ବୋଲି ଏମସିଏ ରାଜି ହୋଇଥିବା ସୂଚନା ରହିଛି। ଏହି ଚିଠିକୁ ଆଜି ସକାଳୁ କର୍ପୋରେସନ ପକ୍ଷରୁ ଲେଖାଯାଇଥିଲା।  

ମହାମାରୀ ଧାରି ୧୮୯୭ ଆନୁଯାୟୀ ଏହି ଷ୍ଟାଡ଼ିୟମକୁ ହସ୍ତାନ୍ତର ପାଇଁ ଅନୁରୋଧ କରିଥିଲେ। ଏମସିଏ ମଧ୍ୟ ଏହି କ୍ୱାରେଣ୍ଟାଇନ ସେଣ୍ଟର କରିବାକୁ ରାଜି ହୋଇଥିବା ସୂଚନା ରହିଛି। ଏହି ଷ୍ଟାଡ଼ିୟମରେ ଅସ୍ଥାୟୀ ଭାବେ କ୍ୱାରେଣ୍ଟାଇନ ସେଣ୍ଟର ଖୋଲାଯିବ। ସେପଟେ କୋରୋନା ମାଡ଼ରେ ମହାରାଷ୍ଟ୍ରର ଅଣ୍ଟା ଭାଙ୍ଗି ପଡ଼ିଛି। ବର୍ତ୍ତମାନ ସୁଦ୍ଧା ରାଜ୍ୟରେ ୧୦୬୮ ଜଣଙ୍କ ମୃତ୍ୟୁ ହୋଇ ସାରିଲାଣି।