 "ମମତା ବାନାର୍ଜୀ ଆହତ ହେବା ମାମଲାରେ ପ୍ରାଶାସନିକ ଅଧିକାରୀଙ୍କ ଉପରେ ବଡ କାର୍ଯ୍ୟାନୁଷ୍ଠାନ")
କୋଲକାତା: ଆକ୍ସନ ମୁଡରେ ନିର୍ବାଚନ ଆୟୋଗ। ମମତା ବାନାର୍ଜୀଙ୍କ ଆଘାତ ମାମଲାରେ ନିର୍ବାଚନ ଆୟୋଗ ଏକ ବଡ ପଦକ୍ଷେପ ନେଇଛନ୍ତି। ପଶ୍ଚିମବଙ୍ଗ ମୁଖ୍ୟ ଶାସନ ସଚିବଙ୍କ ରିପୋର୍ଟ ପରେ ଆଇପିଏସ୍ ବିବେକ ସହାୟ, ନିର୍ଦ୍ଦେଶକ ସୁରକ୍ଷାକୁ ପଦରୁ ହଟାଇ ଦିଆଯାଇଛି। ମୁଖ୍ୟ ଶାସନ ସଚିବ ଓ ଡିଜିପି ଆଲୋଚନା କରି ଯଥାଶୀଘ୍ର ନୂତନ ନିର୍ଦ୍ଦେଶକ ନିଯୁକ୍ତ କରିବାକୁ କେନ୍ଦ୍ରୀୟ ନିର୍ବାଚନ ଆୟୋଗ ନିର୍ଦ୍ଦେଶ ଦେଇଛନ୍ତି।
ମମତା ବାନାର୍ଜୀ (Mamata Benerjee) ଙ୍କ ଆଘାତ ମାମଲାରେ ବିବେକ ସହାୟ, ନିର୍ଦ୍ଦେଶକ ସୁରକ୍ଷା (Director, Security) କୁ ପଦରୁ ହଟାଇ ଦିଆଯାଇଛି। ସେହିପରି ପୂର୍ବ ମେଦିନିପୁରର (East Medinipur) ଜିଲ୍ଲାପାଳ ବିଭୁ ଗୋଏଲ ଓ ଏସପି ପ୍ରବୀଣ ପ୍ରକାଶଙ୍କୁ ବଦଳି କରାଯାଇଛି। ତାଙ୍କ ସ୍ଥାନରେ କ୍ରମଶଃ ସ୍ମିତା ପାଣେୟ ଓ ସୁନୀଲ କୁମାରଙ୍କୁ ଦାୟୀତ୍ୱ ଦିଆଯାଇଛି। Z + Plus ସୁରକ୍ଷା ପ୍ରାପ୍ତ ବ୍ୟକ୍ତିଙ୍କୁ ଦିଆଯାଉଥିବା ସୁରକ୍ଷାର ଦାୟିତ୍ୱ ପ୍ରଶାସନ ଉପରେ ଥାଏ। କିନ୍ତୁ ଏଥିରେ ତୃଟି ରହିଛି, ତେଣୁ ସେମାନଙ୍କ ବିରୋଧରେ ତଦନ୍ତ କରାଯିବ ବୋଲି ନିର୍ବାଚନ ଆୟୋଗ କହିଛି।
ନନ୍ଦିଗ୍ରାମ (Nandigram) ରେ ମମତା ବାନାର୍ଜୀଙ୍କ ଉପରେ ଆକ୍ରମଣ ହୋଇଥିବା ଅଭିଯୋଗରେ ହୋଇଥିବା ଏତଲାର ତଦନ୍ତ ଆସନ୍ତା ୧୫ ଦିନ ମଧ୍ୟରେ ସାରିବାକୁ ମୁଖ୍ୟ ଶାସନ ସଚିବଙ୍କୁ କେନ୍ଦ୍ରୀୟ ନିର୍ବାଚନ ଆୟୋଗ (ECI) ନିର୍ଦ୍ଦେଶ ଦେଇଛନ୍ତି। ଏହା ବ୍ୟତୀତ ତାରକା ପ୍ରଚାରକଙ୍କ (Star campaigner) ସୁରକ୍ଷା ସମ୍ପର୍କରେ ନିର୍ବାଚନ ଆୟୋଗ ଏକ ନିର୍ଦ୍ଦେଶନାମା ଜାରି କରିଛନ୍ତି। ସେଥିରେ କହୁଯାଇଛି ଯେ, ପଶ୍ଚିମବଙ୍ଗ ନିର୍ବାଚନର (West Bengal Election 2021) ସମ୍ବେଦନଶୀଳ ପରିବେଶ (Sensitive) ରେ ପ୍ରଚାରକଙ୍କ ସୁରକ୍ଷାକୁ ଗୁରୁତ୍ୱ ଦିଆଯିବ। ଏଥିପାଇଁ SOP ପଦ୍ଧତି ଅବଲମ୍ବନ କରାଯିବ। ଆବଶ୍ୟକ ସ୍ଥଳେ ନେତାଙ୍କୁ ବୁଲେଟପ୍ରୁଫ୍ ଯାନଗୁଡିକ ମଧ୍ୟ ଦିଆଯିବ।
କେବଳ ଏତିକି ନୁହେଁ, ନିର୍ବାଚନ କମିଶନ, ପଞ୍ଜାବର ପୂର୍ବତନ ଡିଜିପି ଇଣ୍ଟେଲିଜେନ୍ସ ଅନିଲ କୁମାର ଶର୍ମାଙ୍କୁ ସ୍ୱତନ୍ତ୍ର ପୋଲିସ ପର୍ଯ୍ୟବେକ୍ଷକ ଭାବେ ନିଯୁକ୍ତ କରିଛନ୍ତି। ପୂର୍ବରୁ ନିଯୁକ୍ତ ସ୍ୱତନ୍ତ୍ର ପୋଲିସ ପର୍ଯ୍ୟବେକ୍ଷକ ବିବେକ ଦୁବେଙ୍କ ସହିତ ଅନିଲ କାମ କରିବେ। ନିର୍ବାଚନ ଆୟୋଗ ସ୍ପଷ୍ଟ ଭାବେ କହିଛନ୍ତି ଯେ, ଷ୍ଟାର ପ୍ରଚାରକ ଏବଂ Z + Plus ସିକ୍ୟୁରିଟିର ନେତାଙ୍କ ସୁରକ୍ଷା କ୍ଷେତ୍ରରେ କୌଣସି ବିଫଳତାକୁ ବରଦାସ୍ତ କରାଯିବ ନାହିଁ। ସେମାନଙ୍କ ସୁରକ୍ଷାକୁ ଦୃଷ୍ଟିରେ ରଖି ସମସ୍ତ ପ୍ରୋଟୋକଲକୁ ଅନୁସରଣ କରାଯିବ।
)