ଏହି ରାଜ୍ୟର ପୌର ନିର୍ବାଚନରେ ବିଜେପିକୁ ଝଟକା, କଂଗ୍ରେସକୁ ମିଳିଲା ବଡ଼ ସଫଳତା

ନୂଆଦିଲ୍ଲୀ: Karnataka Urban Local Body Election: କର୍ଣ୍ଣାଟକର ପୌର ନିର୍ବାଚନରେ ବିଜେପି (BJP) କୁ ବଡ଼ ଝଟକା ଲାଗିଛି । ଏହି ସ୍ଥାନୀୟ ନିର୍ବାଚନ ​​କଂଗ୍ରେସ (Congress) ସର୍ବ ବୃହତ ଦଳ ଭାବରେ ଉଭା ହୋଇଛି । ଗୁରୁବାର ଜାରି ଫଳାଫଳରେ କଂଗ୍ରେସ ୧,୧୮୪ଟି ଆସନ ମଧ୍ୟରୁ ୪୯୮ଟି ଆସନ ଜିତି ବଡ଼ ସଫଳତା ହାସଲ କରିଛି । ଆପଣଙ୍କୁ କହି ରଖୁଛୁ ଯେ, ୫୮ଟି ପୌର ସଂସ୍ଥାରେ ୧,୧୮୪ ୱାର୍ଡ ସାମିଲ ଥିଲା, ଯେଉଁଠାରେ ମତଦାନ ଅନୁଷ୍ଠିତ ହୋଇଥିଲା । ମୋଟ ୧,୧୮୪ଟି ଆସନ ପାଇଁ ନିର୍ବାଚନ ଅନୁଷ୍ଠିତ ହୋଇଥିଲା, ଯେଉଁଥିରେ କଂଗ୍ରେସକୁ ୪୯୮ଟି ଆସନ, ଭାରତୀୟ ଜନତା ପାର୍ଟି (BJP) କୁ ୪୩୭, ଜନତା ଦଳ (ସେକୁଲାର) (JDS) କୁ ୪୫ ଏବଂ ଅନ୍ୟ ଦଳ ୨୦୪ଟି ଆସନ ଜିତିଛି ।

ରାଜ୍ୟ ନିର୍ବାଚନ ଆୟୋଗର ତଥ୍ୟ ଅନୁଯାୟୀ ଏହି ନିର୍ବାଚନରେ କଂଗ୍ରେସ (Congress) ୪୨.୦୬ ପ୍ରତିଶତ ଭୋଟ୍ ହାସଲ କରିଛି । ଅନ୍ୟପଟେ ବିଜେପି (BJP) ୩୬.୯୦ ପ୍ରତିଶତ, ଜେଡିଏସ୍ (JDS) ୩.୮ ପ୍ରତିଶତ ଏବଂ ଅନ୍ୟମାନେ ୧୭.୨୨ ପ୍ରତିଶତ ଭୋଟ୍ ପାଇଛନ୍ତି । ସେପଟେ ସିଟି ମ୍ୟୁନିସିପାଲିଟି କାଉନସିଲରେ ବିଜେପି ସର୍ବାଧିକ ସଂଖ୍ୟକ ଆସନ ପାଇଛି । ନଗର ପାଲିକା ପରିଷଦର ୧୬୬ ୱାର୍ଡ ମଧ୍ୟରୁ କଂଗ୍ରେସ ୬୧, ବିଜେପି ୬୭, ଜେଡିଏସ ୧୨ ଏବଂ ଅନ୍ୟାନ୍ୟ ୨୬ଟି ଆସନ ଜିତିଛି ।

ଏଥି ସହିତ ଟାଉନ ମ୍ୟୁନିସିପାଲିଟି ପରିଷଦରେ କଂଗ୍ରେସ ସର୍ବାଧିକ ସଂଖ୍ୟକ ଆସନ ପାଇଛି । ତଥ୍ୟ ଅନୁଯାୟୀ, ନଗର ପାଲିକା ପରିଷଦର ୪୪୧ ୱାର୍ଡ ମଧ୍ୟରୁ କଂଗ୍ରେସ ୨୦୧, ବିଜେପି ୧୭୬ ଏବଂ ଜେଡିଏସ ୨୧ଟି ଆସନ ପାଇଛି । ଏହା ବ୍ୟତୀତ ପଞ୍ଚାୟତ ନିର୍ବାଚନରେ ୫୮୮ ୱାର୍ଡ ମଧ୍ୟରୁ କଂଗ୍ରେସ ୨୩୬, ବିଜେପି ୧୯୪ ଏବଂ ଜେଡିଏସ୍ ୧୨ଟି ଆସନ ଜିତିଥିବା ବେଳେ ଅନ୍ୟମାନେ ୧୩୫ ୱାର୍ଡ ଜିତିଛନ୍ତି ।

ଏହା ବି ପଢ଼ନ୍ତୁ:-ଚିନ୍ତା ବଢ଼ାଉଛି ଓମିକ୍ରନ୍, ଦିନକରେ କୋରୋନା ମାମଲାରେ ବଡ଼ ଧରଣର ବୃଦ୍ଧି

ଏହା ବି ପଢ଼ନ୍ତୁ:-ଓମିକ୍ରନର ବିପଦ ମଧ୍ୟରେ ଚେତାବନୀ ଜାରି କଲେ AIIMS ନିର୍ଦ୍ଦେଶକ, ଜାଣନ୍ତୁ କ’ଣ କହିଲେ ସେ

ଏହା ବି ପଢ଼ନ୍ତୁ:-ବନ୍ଧୁ ପୁଟିନଙ୍କ କଟା ଘା'ରେ ଚୂନ ମାରିଲା ଚୀନ!

କର୍ଣ୍ଣାଟକ କଂଗ୍ରେସ ଅଧ୍ୟକ୍ଷ ଡି.କେ ଶିବକୁମାର (Karnataka Congress President DK Shivakumar) ରାଜ୍ୟବାସୀଙ୍କୁ ଧନ୍ୟବାଦ ଜଣାଇବା ସହ କହିଛନ୍ତି ଯେ ଏହି ଫଳାଫଳ କଂଗ୍ରେସର ଆଦର୍ଶ ଓ ଏଥିରେ ବିଶ୍ୱାସ କରୁଥିବା ଲୋକଙ୍କ ଲୋକପ୍ରିୟତାକୁ ପୃଷ୍ଟି କରୁଛି । ସେ ଟ୍ୱିଟ୍ କରି କହିଛନ୍ତି ଯେ ନିକଟ ଅତୀତରେ ହୋଇଥିବା ନିର୍ବାଚନ ଫଳାଫଳ ରାଜ୍ୟରେ କଂଗ୍ରେସ ଲହରକୁ ସୂଚିତ କରିଛି ଓ ପୌର ନିର୍ବାଚନ ଫଳାଫଳ ଏହା ନିଶ୍ଚିତ କରୁଛି । ନିଃସନ୍ଦେହରେ ଦଳ ୨୦୨୩ ବିଧାନସଭା ନିର୍ବାଚନରେ ଜିତିବ ଓ ମୁଁ ଆମର ଭୋଟରଙ୍କୁ ସେମାନଙ୍କର ଅତ୍ୟଧିକ ସମର୍ଥନ ପାଇଁ ଧନ୍ୟବାଦ ଦେଉଛି ଯାହା ଆମର ଉତ୍ସାହକୁ ଜାଗ୍ରତ କରିଛି ।