ସାଂସଦ ଅନୁଭବଙ୍କୁ ଡକ୍ଟରେଟ୍ ଆୱାର୍ଡ! ମାନପତ୍ର ଭାଇରାଲ, ବିଜେପି ଆଣିଲା ଏହି ଅଭିଯୋଗ

ଭୁବନେଶ୍ୱର: ପୁଣି ଥରେ ସନ୍ଦେହ ଘେରକୁ ଆସିଛି କେନ୍ଦ୍ରାପଡା ସାଂସଦ ଅନୁଭବ ମହାନ୍ତିଙ୍କ ଶିକ୍ଷାଗତ ଯୋଗ୍ୟତା। ପ୍ରଥମେ ତାଙ୍କର ଡିଗ୍ରୀକୁ ନେଇ ପ୍ରଶ୍ନ ଉଠିଥିବା ବେଳେ ଏବେ ତାଙ୍କୁ ଆମେରିକାର ଏକ ବିଶ୍ୱବିଦ୍ୟାଳୟ ତରଫରୁ ଡକ୍ଟରେଟ୍ ଉପାଧୀ ଦିଆଯାଇଛି। ଯାହାର ମାନପତ୍ରର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି। ଆଉ ଏହି ଫଟୋକୁ ନେଇ ବିଜେଡି ସାଂସଦଙ୍କ ଉପରେ ବିଜେପି ଆକ୍ରାମକ ହୋଇଛି।

ସାଂସଦ ଅନୁଭବ ମହାନ୍ତିଙ୍କ ନାମ ଥିବା ଦୁଇଟି ମାନପତ୍ର ସୋସିଆଲ ମିଡିଆରେ ଭାଇରାଲ ହେଉଛି। ଏହି ମାନପତ୍ର ଆମେରିକା ଇଣ୍ଟର ନ୍ୟାସନାଲ ପକ୍ଷରୁ ଦିଆଯାଇଥିବା ଦାବା କରାଯାଉଛି। ସମାଜ ସେବା ପାଇଁ ତାଙ୍କୁ ଡକ୍ଟରେଟ ଉପାଧି ଦିଆଯାଇଥିବା ମାନପତ୍ରରେ ଦର୍ଶାଯାଇଛି। ଆମେରିକା ଇଣ୍ଟର ନ୍ୟାସନାଲ ବିଶ୍ୱବିଦ୍ୟାଳୟର ଶିକ୍ଷା ବିଭାଗ ମଧ୍ୟ ଡକ୍ଟରରେଟ ଉପାଧିକୁ ମାନ୍ୟତା ଦିଆଯାଇଛି। 

Also Read: ଅଶୋକା ସହ ଓଡ଼ିଶାର ଏହି ସବୁ ହୋଟେଲର ହେବ ଘରୋଇକରଣ

ଅନ୍ୟପଟେ ଭାଇରାଲ ମାନପତ୍ରକୁ ନେଇ କେନ୍ଦ୍ରପଡା ସାଂସଦଙ୍କ ଶିକ୍ଷାଗତ ଯୋଗ୍ୟତା ଉପରେ ବିଜେପି ପ୍ରଶ୍ନ ଉଠାଇଠି। ଦଳ କହିଛି ଯେ, ଅନୁଭବଙ୍କ ଶିକ୍ଷାଗତ ଯୋଗ୍ୟତା ପୂର୍ବରୁ ସନ୍ଦେହ ଘେରରେ ଅଛି। ସେ କନ୍ଦରପୁର ମହାବିଦ୍ୟାଳୟରୁ ଟ୍ରାନ୍ସଫର ସାର୍ଟିଫିକେଟ ନ ନେଇ ବ୍ଲାକଲିଷ୍ଟ ଥିବା କଲେଜରୁ ଯୁକ୍ତ ତିନି ପାସ କରିଛନ୍ତି। ଆଉ ଏବେ ବିଦେଶରୁ ଡକ୍ଟରେଟ ଉପାଧି ପାଇବା ଲୋକଙ୍କୁ ଦ୍ୱନ୍ଦରେ ପକାଉଛି ବୋଲି ବିଜେପି କହିଛି।

ସୋସିଆଲ ମଡିଆରେ ଅନୁଭବଙ୍କ ଏହି ଡକ୍ଟରେଟ ସାର୍ଟିଫିକେଟ ଘୁରି ବୁଲୁଛି। କିନ୍ତୁ ବର୍ତ୍ତମାନ ସୁଦ୍ଧା ଭାଇରାଲ ଖବରକୁ ନେଇ ସାଂସଦ ଅନୁଭବ କିମ୍ବା ତାଙ୍କ ଦଳ ବିଜେଡି ପକ୍ଷରୁ କୌଣସି ବିବୃତ୍ତି ଜାରି କରାଯାଇ ନାହିଁ। ସୋସିଆଲ ମିଡିଆରେ ସର୍ବଦା ଆକ୍ଟିଭ୍ ଥିବା କେନ୍ଦ୍ରପଡା ସାଂସଦ ମଧ୍ୟ ଏନେଇ ତାଙ୍କ ପ୍ଲାଟଫର୍ମରେ ଲୋକଙ୍କ ଦ୍ୱନ୍ଦ ଦୂର କରିବା ପାଇଁ କୌଣସି ପୋଷ୍ଟ କରିନାହାନ୍ତି।