 "ଟିକଟ ନମିଳିବାରୁ ମୁଣ୍ଡନ ହେଇ ଦଳ ଛାଡିଲେ ମହିଳା କଂଗ୍ରେସ ମୁଖ୍ୟ")
ଥିରୁଅନନ୍ତପୁରମ: ବିଧାନସଭା ନିର୍ବାଚନରେ ବଢିଲାକେରଳ କଂଗ୍ରେସର ଅଡୁଆ! ଟିକଟ ନମିଳିବାରୁ ମୁଣ୍ଡନ ହେଇ ଦଳ ଛାଡିଲେ କେରଳ ମହିଳା କଂଗ୍ରେସ ଅଧ୍ୟକ୍ଷା। ଇତୁମାନୁର ଆସନରୁ ନିର୍ବାଚନ ଲଢେବା ପାଇଁ ଲଥିକା ସୁବାଷ ଲବି କରିଥିଲେ। କିନ୍ତୁ ରବିବାର କଂଗ୍ରେସ ଜାରି କରିଥିବା ପ୍ରାର୍ଥି ତାଲିକାରେ ଲତିକାଙ୍କ ନାଁ ନାହିଁ।
ଆଜି ଦିଲ୍ଲୀ (Delhi) ହାଇକମାଣ୍ଡ ସହ ଆଲୋଚନା ପରେ କେରଳ କଂଗ୍ରେସ (Kerala Congress) ଆଗାମୀ ବିଧାନସଭା ନିର୍ବାଚନ (Assembly Election) ପାଇଁ ପ୍ରାର୍ଥି ତାଲିକା ଘୋଷଣା କରିଛି। ଏଥର କଂଗ୍ରେସ ୯୨ଟି ଆସନରେ ନିର୍ବାଚନ ଲଢୁଛି। କିନ୍ତୁ ଆଜି ୮୬ଟି ଆସନର ପ୍ରାର୍ଥୀଙ୍କ ନାଁ ଘୋଷଣା କରାଯାଇଛି। ତେବେ ଏଥର ଅନେକ ନୂଆଁ ଚେହେରାକୁ ସୁଯୋଗ ଦିଆଯାଇଛି। ସେପଟେ କିନ୍ତୁ ହାଇକମାଣ୍ଡଙ୍କ ନିଷ୍ପତ୍ତିରେ ବରିଷ୍ଠ କଂଗ୍ରେସ ନେତାମାନେ ନାରାଜ ଥିବା ଦେଖିବାକୁ ମିଳିଛି।
ଟିକଟ ପାଇଥିବା ବ୍ୟକ୍ତିଙ୍କ ମଧ୍ୟରେ ପୂର୍ବତନ ମୁଖ୍ୟମନ୍ତ୍ରୀ ଓମେନ ଚଣ୍ଡୀ, ବିଧାନସଭା ବିରୋଧି ଦଳ ନେତା ରମେଶ ଚେନିଥାଲା, ସିନେ ତାରକା ଧର୍ମାଜନ ଓ ପୂର୍ବତନ ମନ୍ତ୍ରୀ ଏପି ଅନିଲ କୁମାର ଅଛନ୍ତି। ସେପଟେ ମହିଳା କଂଗ୍ରେସ ଅଧ୍ୟକ୍ଷା (Mahila Congress President) ଲଥିକା ସୁବାଷ (Lathika Subhash) ଙ୍କ ନାଁ ଏହି ତାଲିକାରେ ନାହିଁ। ସେ ଇତୁମାନୁରରୁ ନିର୍ବାଚନ ଲଢିବାକୁ ଚାହୁଁଥିଲେ। କିନ୍ତୁ ଦଳ ତାଙ୍କୁ ଏହି ଆସନରୁ ଟିକଟ ଦେବାକୁ ମନା କରିଦେଇଛି।
Kerala Mahila Congress chief Lathika Subhash gets her head tonsured in front of the party office in Thiruvananthapuram in protest after being denied the party ticket for Assembly elections.
"I am not joining any party but I'll resign from my post," she says. pic.twitter.com/FWme31IEdU
— ANI (@ANI) March 14, 2021
ତେବେ ନିଜ ଇଚ୍ଛା ମୁତାବକ ସିଟରୁ ଦଳୀୟ ଟିକଟ ନମିଳିବାକୁ ଲଥିକା ସୁବାଷ ନାରାଜ ହେଇଛନ୍ତି। ସେ ଅଭିନବ ତରିକାରେ ହାଇକମାଣ୍ଡର ନିଷ୍ପତ୍ତିକୁ ବିରୋଧ କରିଛନ୍ତି। ନିଜ ପଦରୁ ଇସ୍ତଫା ଦେବାପରେ ଲଥିକା ମୁଣ୍ଡନ ହୋଇଛନ୍ତି। ତେବେ ପ୍ରଥମ ଥର କେରଳରେ କୌଣସି ରାଜନୈତିକ ନେତା ଏଭଳି ପଦକ୍ଷେପ ନେଇଥିବା କୁହାଯାଉଛି। ସେପଟେ ଲଥିକାଙ୍କ ଅସନ୍ତୁଷ୍ଟ କଂଗ୍ରେସ (Congress) ପାଇଁ ବିପଦ ସାଜିପାରେ ବୋଲି ଚର୍ଚ୍ଚା ହେଉଛି।
)