ଏନଡିଏରେ କୁଶୱାହାଙ୍କ ଏଣ୍ଟ୍ରି, ଚିରାଗଙ୍କୁ ବାହାରର ରାସ୍ତା! ଜାଣନ୍ତୁ ବିହାରର ନୂଆ ରାଜନୈତିକ ସମୀକରଣ

ନୂଆଦିଲ୍ଲୀ: ବିହାରରେ ନିର୍ବାଚନ ଶେଷ ହେବା ପରେ ମଧ୍ୟ ରାଜନୈତିକ ଗତିବିଧି ତୀବ୍ର ହେବାରେ ଲାଗିଛି । ନୀତିଶ କୁମାର ନିଜର ରାଜନୈତିକ ଶକ୍ତିକୁ ମଜବୁତ କରିବା ପାଇଁ ରଣନୀତି ପ୍ରସ୍ତୁତ କରୁଛନ୍ତି । ଏଥିପାଇଁ ସେ ନିଜର ପୁରୁଣା ସହଯୋଗୀଙ୍କ ସହ ସାକ୍ଷାତ କରିବା ସହ ରାଗ ଅଭିମାନକୁ ଦୂର କରିବାରେ ଲାଗିଛନ୍ତି । ବାସ୍ତବରେ, ୨୦୨୦ରେ ବିହାରରେ ହୋଇଥିବା ବିଧାନସଭା ନିର୍ବାଚନରେ ​​ଜେଡିୟୁ କମ୍ ଆସନ ପାଇଛି । ଏଭଳି ପରିସ୍ଥିତିରେ ଜେଡିୟୁ ରାଷ୍ଟ୍ରୀୟ ଅଧ୍ୟକ୍ଷ ତଥା ବିହାର ମୁଖ୍ୟମନ୍ତ୍ରୀ ନୀତିଶ କୁମାର ରାଜନୈତିକ ସମୀକରଣକୁ ମଜବୁତ କରିବାରେ ନିୟୋଜିତ ଅଛନ୍ତି । 

ଅଧିକ ପଢ଼ନ୍ତୁ:-ପୁରୁଣା ସଂସଦ ଭବନର କ'ଣ ହେବ, ଜାଣନ୍ତୁ କ'ଣ ରହିଛି ମୋଦି ସରକାରଙ୍କ ଯୋଜନା?

ଇତି ମଧ୍ୟରେ ନୀତିଶ କୁମାର ଆରଏଲଏସପି ରାଷ୍ଟ୍ରୀୟ ଅଧ୍ୟକ୍ଷ ଉପେନ୍ଦ୍ର କୁଶୱାହାଙ୍କୁ ଭେଟି ତାଙ୍କୁ ଏନଡିଏକୁ ଆଣିବା ପାଇଁ ଉଦ୍ୟମ ଆରମ୍ଭ କରିଛନ୍ତି । ଏଥିସହିତ ଚିରାଗ ପାସୱାନଙ୍କୁ ଏନଡିଏରେ ରଖିବାକୁ ନୀତିଶ ବିରୋଧ କରିଛନ୍ତି । ଏ ବାବଦରେ ସେ ସ୍ପଷ୍ଟ ଭାବେ କହିଛନ୍ତି ଯେ ଏନଡିଏରେ ଏଲଜେପି କ’ଣ କରିଛି ଏହା ବିଜେପିକୁ ଦେଖିବାକୁ ପଡ଼ିବ ଏବଂ କେଉଁ ପଦକ୍ଷେପ ନେବାକୁ ପଡ଼ିବ ତାହା ନିଆଯାଉ । ଏହି ବୟାନ ସହିତ ନୀତିଶ ସ୍ପଷ୍ଟ କରିଛନ୍ତି ଯେ ଚିରାଗ ପାସୱାନଙ୍କ କାରଣରୁ ତାଙ୍କ ଦଳ ଜେଡିୟୁର ଏହି ସ୍ଥିତି ଘଟିଛି ।

ଏହି ରାଜନୈତିକ ଗତିବିଧିକୁ ଦେଖି ଏପରି ଲାଗୁଛି ଯେ ଏନଡିଏ ଗୋଟିଏ ପଟେ ଏକାଠି ହୋଇ ଅନ୍ୟ ପଟେ ଭାଙ୍ଗୁଛି । ବିଧାନସଭା ନିର୍ବାଚନରେ ​​ଏଲଜେପି ଯେଉଁଭଳି ଭାବରେ ଏନଡିଏ ଠାରୁ ଅଲଗା ହୋଇ ପ୍ରତିଦ୍ୱନ୍ଦ୍ୱିତା କରିଛି । ଏଥିରେ ଜେଡିୟୁ ସର୍ବାଧିକ କ୍ଷତି ସହିଛି । ଏଭଳି ପରିସ୍ଥିତିରେ ନୀତିଶ କୁମାର ବିଜେପି ଉପରେ ଚାପ ପକାଉଛନ୍ତି ଯେ ସେ ଚିରାଗ ପାସୱାନଙ୍କୁ ଏନଡିଏରୁ ବାହାର ରାସ୍ତା ଦେଖାଉ । ଏଥି ସହିତ  ଏଲଜେପିରେ ଅନ୍ତଃକନ୍ଦଳ ପ୍ରସଙ୍ଗ ମଧ୍ୟ ସାମ୍ନାକୁ ଆସୁଛି । ଏଲଜେପି ରାଜ୍ୟ ସାଧାରଣ ସମ୍ପାଦକ କେଶବ ସିଂ ବିଦ୍ରୋହ କରିଛନ୍ତି । 

ଅଧିକ ପଢ଼ନ୍ତୁ:-ଚାଷୀ ଆନ୍ଦୋଳନର ଏହି ୫ ବଡ଼ ଚେହେରା, ଯେଉଁମାନେ ମୋଦି ସରକାରଙ୍କ ହଜାଇ ଦେଇଛନ୍ତି ନିଦ!

କୁହାଯାଉଛି ଯେ ଚିରାଗ ପାସୱାନ ଏକପାଖିଆ ନିଷ୍ପତ୍ତି ନେଇଥିବାରୁ ତାଙ୍କ ମାମୁଁ ଏବଂ ହାଜିପୁର ସାଂସଦ ପଶୁପତି ପରାସ ଅସନ୍ତୁଷ୍ଟ ଅଛନ୍ତି । କିନ୍ତୁ ଏଲଜେପି ମୁଖପାତ୍ର ରାଜେଶ ଭଟ୍ଟ କହିଛନ୍ତି ଯେ ଦଳରେ ସବୁକିଛି ଠିକ୍ ଚାଲିଛି, ସେ ଏନଡିଏ ସହ ଅଛନ୍ତି ଏବଂ ଜାରି ରଖିବେ । ସେ ଆହୁରି ମଧ୍ୟ କହିଛନ୍ତି ଯେ ପଶୁପତି ଅସନ୍ତୁଷ୍ଟ ନୁହଁନ୍ତି । ସେ ଜାତୀୟ ଅଧ୍ୟକ୍ଷଙ୍କ ନିଷ୍ପତ୍ତି ସହିତ ଅଛନ୍ତି ।

ଅଧିକ ପଢ଼ନ୍ତୁ:-ଲଗାତର ଦ୍ୱିତୀୟ ଦିନ ସୁନା-ରୁପା ମୂଲ୍ୟରେ ହ୍ରାସ, ଜାଣନ୍ତୁ ଆଜିର ରେଟ୍

ଯଦିଓ ୨୦୨୦ର ବିଧାନସଭା ନିର୍ବାଚନରେ ​​ଉପେନ୍ଦ୍ର କୁଶୱାହା ଶୂନରେ ଆଉଟ୍ ହୋଇଛନ୍ତି, କିନ୍ତୁ ବିହାର ସିଏମ ନୀତିଶ କୁମାର ନିଜ ଲଭ-କୁଶ ଫର୍ମୂଲାକୁ ବଜାୟ ରଖିବା ପାଇଁ ଉପେନ୍ଦ୍ର କୁଶୱାହାଙ୍କୁ ତାଙ୍କ କ୍ୟାମ୍ପକୁ ନେବାକୁ ନିଷ୍ପତ୍ତି ନେଇଛନ୍ତି । ବିହାରର କୁର୍ମି ସମାଜ ଜନସଂଖ୍ୟାର ପ୍ରାୟ ୪ ପ୍ରତିଶତ ରହିଛି । ନୀତିଶ କୁମାର ମଧ୍ୟ ଏହି ସମାଜରୁ ଆସିଛନ୍ତି, ଯାହାର ସଂଖ୍ୟା ସବୁଠାରୁ କମ୍ ଅଛି । ଏଭଳି ପରିସ୍ଥିତିରେ ଯଦି ନୀତୀଶ ଏବଂ ଉପେନ୍ଦ୍ର କୁଶୱାହା ଏକାଠି ହେଉଛନ୍ତି, ତେବେ ଜେଡିୟୁ ବହୁତ ଲାଭବାନ ହେବ ।