ମଧ୍ୟପ୍ରଦେଶ ଉପନିର୍ବାଚନ ପାଇଁ ରଣନୀତି ବଦଳାଇଲା ବିଜେପି, ସିନ୍ଧିଆଙ୍କୁ ଛାଡ଼ି ଏହି କେନ୍ଦ୍ର ମନ୍ତ୍ରୀ ସମ୍ଭାଳିଲେ ମୋର୍ଚ୍ଚା

ଭୋପାଳ: ମଧ୍ୟପ୍ରଦେଶର ୨୭ଟି ବିଧାନସଭା ଆସନରେ ଉପନିର୍ବାଚନ (MP Bypolls) ଅନୁଷ୍ଠିତ ହେବାର ଅଛି । ଏଥିପାଇଁ ସମସ୍ତ ରାଜନୈତିକ ଦଳ ରଣନୀତି ପ୍ରସ୍ତୁତିରେ ଲାଗିଛନ୍ତି । ଏହି କ୍ରମରେ ବିଜେପି (BJP) ମଧ୍ୟ ରଣନୀତିରେ ପରିବର୍ତ୍ତନ କରିଛି । ଦଳରେ ଜ୍ୟୋତିରାଦିତ୍ୟ ସିନ୍ଧିଆ (Jyotiraditya Scindia) ଙ୍କ ସ୍ଥିତି ମଜଭୁତ ହେବାରୁ ଚିନ୍ତିତ ଓ ଅସନ୍ତୁଷ୍ଟ କାର୍ଯ୍ୟକର୍ତ୍ତାଙ୍କୁ ମନେଇବା ପାଇଁ କେନ୍ଦ୍ର କୃଷି ମନ୍ତ୍ରୀ (Union Agriculture Minister) ନରେନ୍ଦ୍ର ସିଂ ତୋମାର (Narendra Singh Tomar) ଏବଂ ପ୍ରଦେଶାଧ୍ୟକ୍ଷ ବିଷ୍ଣୁ ଦତ୍ତ ଶର୍ମା (Vishnu Dutt Sharma) ମୋର୍ଚ୍ଚା ସମ୍ଭାଳିଛନ୍ତି । କାର୍ଯ୍ୟକର୍ତ୍ତାଙ୍କ ସହ ସେମାନଙ୍କର ଦ୍ୱିତୀୟ ପର୍ଯ୍ୟାୟ ବୈଠକ ଜାରି ରହିଛି ଏବଂ ଆଗାମୀ ଦୁଇ ଦିନ ଅବଶିଷ୍ଟ ବିଧାନସଭା ନିର୍ବାଚନମଣ୍ଡଳୀରେ ପହଞ୍ଚିବାକୁ ସ୍ଥିର ହୋଇଛି ।

ଅଧିକ ପଢ଼ନ୍ତୁ:-ମଧ୍ୟପ୍ରଦେଶ ଉପନିର୍ବାଚନର ଫଳାଫଳ ବଦଳାଇ ଦେବ ମୁଖ୍ୟମନ୍ତ୍ରୀଙ୍କ ଚେହେରା ! ଜାଣନ୍ତୁ ବିଧାନସଭାର ଗଣିତ...

ଅନ୍ୟପକ୍ଷରେ ଜ୍ୟୋତିରାଦିତ୍ୟ ସିନ୍ଧିଆ (Jyotiraditya Scindia) ବର୍ତ୍ତମାନ କେବଳ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ (Shivraj Singh Chauhan) ଙ୍କ ସହ ଗସ୍ତ କରିବେ । ସେପ୍ଟେମ୍ବର ୭ରୁ ଦୁହେଁ ଗରିବ ଲୋକଙ୍କୁ ରାସନ ପାଇଁ ଯୋଗ୍ୟତା ସ୍ଲିପ୍ ବଣ୍ଟନ କରିବେ । ସମସ୍ତ ବିଧାନସଭା ନିର୍ବାଚନମଣ୍ଡଳୀରୁ ବିଜେପିକୁ କ୍ରମାଗତ ଭାବରେ ଫିଡବ୍ୟାକ୍ ବା ମତାମତ ମିଳୁଥିଲା ଯେ ସିନ୍ଧିଆ ଆସିବା ପରଠାରୁ ତୃଣମୂଳସ୍ତରର କାର୍ଯ୍ୟକର୍ତ୍ତାଙ୍କ ମଧ୍ୟରେ ପ୍ରଶ୍ନ ସହ ଅସନ୍ତୁଷ୍ଟ ଭାବନା ରହିଛି ।  ଏହା ଉପରେ ଦଳ କର୍ମୀଙ୍କ ସହ ଭେଟିବାର କାର୍ଯ୍ୟ ତୋମାର ଏବଂ ଭିଡିଙ୍କୁ ଦେଇଛନ୍ତି । ସେମାନଙ୍କ ବୈଠକରେ ଏହା ସାମ୍ନାକୁ ଆସିଛି ଯେ ଗ୍ୱାଲିଅର-ଚାମ୍ବଲ ଡିଭିଜନଠାରୁ ଆରମ୍ଭ କରି ରାଜ୍ୟର ଅନ୍ୟ ସମସ୍ତ ଉପନିର୍ବାଚନ ଆସନ ପର୍ଯ୍ୟନ୍ତ ସିନ୍ଧିଆଙ୍କ ଚର୍ଚ୍ଚା ରହିଛି । ତେବେ ଯେତେବେଳେ ସିନ୍ଧିଆ ଏବଂ ତାଙ୍କ ସମର୍ଥକ ଆସନ୍ତି, ସେତେବେଳେ ସେମାନଙ୍କ ଆଗରେ ବିଜେପି କର୍ମୀମାନେ ଅସହଜ ଅନୁଭବ କରନ୍ତି ।

ଅଧିକ ପଢ଼ନ୍ତୁ:-ବିହାର ବିଧାନସଭା ନିର୍ବାଚନ: ଏନଡିଏ ଦି ଫାଳ, ନୀତିଶଙ୍କ ବିରୋଧରେ ଚିରାଗଙ୍କ ବିଦ୍ରୋହ !

ନରେନ୍ଦ୍ର ସିଂ ତୋମାର ଏବଂ ଭିଡି ଶର୍ମାଙ୍କ ବୈଠକରେ ତୃଣମୂଳ କାର୍ଯ୍ୟକର୍ତ୍ତାଙ୍କୁ କଡ଼ା ନିର୍ଦ୍ଦେଶ ଦେବା ପରିବର୍ତ୍ତେ ମତାମତ ନିଆଯାଉଛି । ସେମାନଙ୍କର ସନ୍ଦେହ ଏବଂ ପ୍ରଶ୍ନର ସମାଧାନ କରାଯାଉଛି । ଏକ ସରଳ ପ୍ରଶ୍ନ ହେଉଛି ଯେ କଣ ସିନ୍ଧିଆ ସମର୍ଥକଙ୍କୁ ଟିକେଟ ମିଳିବ ? ଏହା ଉପରେ ତୋମାର ସେମାନଙ୍କୁ ବୁଝାଉଛନ୍ତି ଯେ ସିନ୍ଧିଆ ବର୍ତ୍ତମାନ ବିଜେପି ପରିବାରର ଏକ ଅଂଶ । 

ଅଧିକ ପଢ଼ନ୍ତୁ:-କୋରୋନା ମାମଲାରେ ନୂଆ ବିଶ୍ୱ ରେକର୍ଡ କଲା ଭାରତ

କାର୍ଯ୍ୟକର୍ତ୍ତାମାନେ ବୁଝିବା ଉଚିତ ଯେ ସରକାର ରହିବା ଆବଶ୍ୟକ, କେବଳ ସେତେବେଳେ ହିଁ ସେମାନେ ମୁଣ୍ଡ ଉଠାଇ ଚାଲିପାରିବେ । ବଡ ପ୍ରଶ୍ନ ଏହା ନୁହେଁ ଯେ ଟିକେଟ୍ କାହାକୁ ମିଳୁଛି ବରଂ ଲକ୍ଷ୍ୟ ରଖନ୍ତୁ ଯେ ବିଜେପି ମଜଭୁତ ହେଉ । ଯେତେବେଳେ ୨୦୦୮ ଏବଂ ୨୦୧୩ରେ ବିଜେପି ବିଧାନସଭା ନିର୍ବାଚନରେ ​​ଜିତିଥିଲା । ସେତେବେଳେ ପ୍ରଦେଶାଧ୍ୟକ୍ଷ ନରେନ୍ଦ୍ର ସିଂ ତୋମାର ଥିଲେ ।