PM Narendra Modi: 'କେବଳ ଗୋଟିଏ ପ୍ରଡକ୍ଟ ଲଞ୍ଚ କରି ଦୋକାନ ବନ୍ଦ କରିବାକୁ ଯାଉଛି କଂଗ୍ରେସ'

PM Narendra Modi Budget Session Speech 2024 in Lok Sabha: ୨୦୨୪ ବଜେଟ ଅଧିବେଶନରେ ରାଷ୍ଟ୍ରପତିଙ୍କ ସମ୍ବୋଧନ ଉପରେ ଧନ୍ୟବାଦ ଦିଆଯିବା ପରେ ସୋମବାର ଲୋକସଭା ନିଜର ଅଭିଭାଷଣ ରଖିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ରାଷ୍ଟ୍ରପତିଙ୍କ ସମ୍ବୋଧନ ଉପରେ ଧନ୍ୟବାଦ ଦେଇ ଅଭିଭାଷଣ ରଖିବା ଅବସରରେ ବିରୋଧିଙ୍କୁ ଟାର୍ଗେଟ କରିଥିଲେ ପ୍ରଧାନମନ୍ତ୍ରୀ। ବିରୋଧି ଦଳଙ୍କୁ କଟାକ୍ଷ କରି  ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ ସେମାନେ ବହୁ ଦଶନ୍ଧି ଧରି ବିରୋଧି ଦଳ ଆସନରେ ବସିବାକୁ ନିଷ୍ପତ୍ତି ନେଇଛନ୍ତି।

ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ ମୁଁ ବିରୋଧିଙ୍କ ସଂକଳ୍ପକୁ ପ୍ରଶଂସା କରୁଛି। ଦୀର୍ଘ ଦିନ ଧରି ସେମାନେ ବିରୋଧୀ ଦଳ ଆନସରେ ବସିବାକୁ ନିଷ୍ପତ୍ତି ନେଇଛନ୍ତି। ଆପଣ ଅନେକ ଦଶନ୍ଧି ଧରି ଏଠାରେ ବସି ରହିଥିଲେ। ସେହିପରି ଆହୁରି ଅନେକ ଦଶନ୍ଧି ଧରି ସେଠାରେ ବସିବାର ସଂକଳ୍ପ ନେଇଛନ୍ତି। ଆଜିକାଲି ଆପଣ ଯେଉଁଭଳି ଭାବରେ ପରିଶ୍ରମ କରୁଛନ୍ତି, ସେଥିପାଇଁ ଜନତା ଜନାର୍ଦ୍ଦନ ନିଶ୍ଚିତ ଭାବରେ ଆପଣଙ୍କୁ ଆଶୀର୍ବାଦ କରିବେ। ବିରୋଧି ଦଳ ଉଦ୍ଦେଶ୍ୟରେ ପ୍ରଧାନମନ୍ତ୍ରୀ କହିଛନ୍ତି ଯେ ଆପଣଙ୍କ ମଧ୍ୟରୁ ଅନେକ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବାକୁ ସାହସ ହରାଇଛନ୍ତି। ମୁଁ ଶୁଣିଛି ଯେ ଅନେକ ଲୋକ ସେମାନେ ଲଢୁଥିବା ଆସନ ବଦଳାଇବାକୁ ଚାହୁଁଛନ୍ତି। ଅନେକ ଲୋକ ରାଜ୍ୟସଭା ଯିବାକୁ ଚାହୁଁଛନ୍ତି।

ବର୍ତ୍ତମାନ ଦେଶରେ ବିରୋଧି ଦଳର ଯେଉଁ ଅବସ୍ଥା ହୋଇଛି ସେଥିପାଇଁ କଂଗ୍ରେସ ସବୁଠାରୁ ଅଧିକ ଦୋଷୀ। ବିଗତ ୧୦ ବର୍ଷ ଧରି ଦେଶରେ ଏକ ଭଲ ବିରୋଧି ଦଳ ଗଠନ କରିବାର ସୁଯୋଗ ମିଳିଲା। ହେଲେ ବିରୋଧି ଦଳ ଦାୟିତ୍ୱ ଗ୍ରହଣ କରିବାରେ କଂଗ୍ରେସ ବିଫଳ ହୋଇଥିଲା। ବିରୋଧୀ ପକ୍ଷର ଲୋକପ୍ରିୟ ନେତାଙ୍କୁ ଦବାଇ ଦିଆଗଲା। ସେମାନଙ୍କୁ ଆଗକୁ ବଢିବା କିମ୍ବା ଗୃହ କାର୍ଯ୍ୟ କରିବାକୁ ଦିଆଯାଇ ନଥିଲା। ଗୋଟିଏ ପ୍ରକାରେ କଂଗ୍ରେସ ନିଜ ପାଇଁ, ସଂସଦ, ଦେଶ ତଥା ବିରୋଧି ଦଳ ପାଇଁ କ୍ଷତି ପହଞ୍ଚାଇଥିଲା। ଦେଶକୁ ଏକ ଭଲ ଏବଂ ସୁସ୍ଥ ବିରୋଧ ଦଳର ଆବଶ୍ୟକତା ରହିଛି। ଦେଶର ରାଜନୀତି ଯେତିକି ପରିବାରବାଦର ଶୀକାର ହୋଇଛି, ଏଥିପାଇଁ କଂଗ୍ରେସ ମଧ୍ୟ ଅନେକ କ୍ଷତି ସହିଛି। କଂଗ୍ରେସ ନେତା ଲୋକସଭାରୁ ରାଜ୍ୟସଭାକୁ ସ୍ଥାନାନ୍ତରିତ ହୋଇଛନ୍ତି। ସମସ୍ତେ ପରିବାରବାଦର ଶିକାର ହୋଇଛନ୍ତି। କେବଳ ଗୋଟିଏ ପ୍ରଡକ୍ଟ ଲଞ୍ଚ କରି ଦୋକାନ ବନ୍ଦ କରିବାକୁ ଯାଉଛି କଂଗ୍ରେସ। 

ପ୍ରଧାନମନ୍ତ୍ରୀ ମୋଦି ଆହୁରି କହିଛନ୍ତି ଯେ କଂଗ୍ରେସ ଗୋଟିଏ ପରିବାର ସହ ଜଡିତ ହୋଇ ରହିଛି। କଂଗ୍ରେସ ସେହି ପରିବାର ବାହାରେ ଅନ୍ୟ କିଛି ଦେଖିବା ପାଇଁ ପ୍ରସ୍ତୁତ ନାହିଁ। ବାତିଲ ସଂସ୍କୃତି କଂଗ୍ରେସ ଦଳରେ ବିକଶିତ ହୋଇଛି। ଆମେ ମେକ୍ ଇନ୍ ଇଣ୍ଡିଆ କଥା କହୁଛୁ। ହେଲେ କଂଗ୍ରେସ ବାତିଲ୍ କରିବା କଥା କହୁଛି। ଆମେ କହୁଛୁ ନୂତନ ସଂସଦ ଭବନ କଥା। ହେଲେ କଂଗ୍ରେସ କହୁଛି ଏହାକୁ ବାତିଲ୍ କର। ଆମେ କହୁଛୁ ବନ୍ଦେ ଭାରତ କଥା ହେଲେ କଂଗ୍ରେସ କହୁଛି ବାତିଲ କର। ଏହା ମୋ କୋଠା ନୁହେଁ ବରଂ ଦେଶର କୋଠା। ଆପଣ କେତେ ଦିନ ପର୍ଯ୍ୟନ୍ତ ଏତେ ଘୃଣା ରଖିବେ? ବର୍ତ୍ତମାନର ସପ୍ତଦଶ ଲୋକସଭାରେ ଏହା ପ୍ରଧାନମନ୍ତ୍ରୀ ମୋଦିଙ୍କ ଶେଷ ସମ୍ବୋଧନ ହୋଇପାରେ। କାରଣ ଚଳିତ ବର୍ଷ ଅପ୍ରେଲ୍-ମେ ମାସରେ ଦେଶରେ ଅଷ୍ଟାଦଶ ଲୋକସଭା ନିର୍ବାଚନ ହେବାକୁ ଯାଉଛି।