ଉତ୍ତରପ୍ରଦେଶରେ ତେଜୁଛି ବସ ରାଜନୀତି

ନୂଆଦିଲ୍ଲୀ: ପ୍ରବାସୀ ଶ୍ରମିକଙ୍କୁ ନିଜ ରାଜ୍ୟକୁ ଫେରାଇ ନେବା ବସର ବ୍ୟବସ୍ଥା କରାଯାଉଛି। କିନ୍ତୁ ଏହି ବସ ବ୍ୟବସ୍ଥାକୁ ନେଇ ରାଜ୍ୟ ରାଜନୀତି ଏବେ ତେଜିବାରେ ଲାଗିଛି। ପ୍ରବାସୀ ଶ୍ରମିକଙ୍କୁ ନେବା ପାଇଁ ପ୍ରଥମେ କଂଗ୍ରେସ ବସର ବ୍ୟବସ୍ଥା କରିଥିଲା। ମାତ୍ର ଏହି ତାଲିକା ମଧ୍ୟରେ ଅଟୋ,  କାର ଓ ଆମ୍ବୁଲାନ୍ସର ତାଲିକା ମଧ୍ୟ ରହିଥିବା ବିଜେପି ଅଭିଯୋଗ କରିଛନ୍ତି। କିନ୍ତୁ ବର୍ତ୍ତମାନ କଂଗ୍ରେସର ମହାସଚିବ ପ୍ରିୟଙ୍କା ଗାନ୍ଧୀଙ୍କ ସଚିବ ଉତ୍ତର ପ୍ରଦେଶ ସରକାରର ମୁଖ୍ୟ ସଚିବଙ୍କୁ ଚିଠି ମାଧ୍ୟମରେ ଯାତ୍ରୀମାନଙ୍କ ତାଲିକାକୁ ପ୍ରକାଶ କରିବାକୁ କହିଛନ୍ତି। ତେବେ ସନ୍ଧ୍ୟା ୫ଟା ସୁଦ୍ଧା ଏହି ତାଲିକା ପ୍ରସ୍ତୁତ କରିବାକୁ ସେ କହିଛନ୍ତି। ଏପରିକି ବସରୁଟ ମଧ୍ୟ ପ୍ରସ୍ତୁତ କରିବାକୁ ମଧ୍ୟ ଚିଠି ମାଧ୍ୟମରେ ଜଣାଇଛନ୍ତି। 

କଂଗ୍ରେସ ପକ୍ଷରୁ କୁହାଯାଇଛି ଯେ, ସନ୍ଧ୍ୟା ୫ଟା ସୁଦ୍ଧା ଗାଜିଆବାଦ ଓ ନୋଏଡ଼ା ସୀମାରେ ଏହି ବସ ଗୁଡିକ ଯାଇ ପହଞ୍ଚିବ। ପ୍ରିୟଙ୍କା ଗାନ୍ଧୀଙ୍କ ନିଜ ସଚିବ ସନ୍ଦିପ ସିଂହ ଉତ୍ତର ପ୍ରଦେଶର ମୁଖ୍ୟ ସଚିବଙ୍କୁ ଚିଠି ମାଧ୍ୟମରେ ବିଜେପିକୁ କହିଛନ୍ତି, ଆପଣଙ୍କ ଆଗ୍ରହ ଅନୁଯାୟୀ ସନ୍ଧ୍ୟା ୫ଟା ସମୟରେ ବସ ଗୁଡ଼ିକ ସୀମାରେ ପହଞ୍ଚିଯିବ। ୫ଟା ସୁଦ୍ଧା ଯାତ୍ରୀମାନଙ୍କ ତାଲିକା ସହିତ ବସର ରୁଟ ମଧ୍ୟ ପ୍ରସ୍ତୁତ କରନ୍ତୁ ବୋଲି ସେ ଚିଠି ମାଧ୍ୟମରେ ଲେଖି ଜଣାଇଛନ୍ତି। 

ପ୍ରବାସୀ ଶ୍ରମିକ ବର୍ତ୍ତମାନ ନିଜ ରାଜ୍ୟକୁ ଫେରୁଛନ୍ତି। କିନ୍ତୁ କୌଣସି ପ୍ରକାର ସର୍ବସାଧାରଣଙ୍କ ପାଇଁ ଯାନବାହନ ଲକଡାଉନ କାରଣରୁ ଠପ ହୋଇ ପଡ଼ିଛି। ଫଳରେ ଅଧିକାଂଶ ଶ୍ରମିକ ଚାଲିଚାଲି ନିଜ ଘରକୁ ଫେରୁଥିବା ବେଳେ ଅନ୍ୟ କେହି ସାଇକେଲ ମାଧ୍ୟମରେ ମଧ୍ୟ ଶ୍ରମିକମାନେ ଫେରୁଥିବା ସୂଚନା ରହିଛି। ତେବେ ଏହାକୁ ନେଇ କଂଗ୍ରେସର ମୁଦ୍ଦା ଉଠାଇ ରାଜ୍ୟ ସରକାରଙ୍କୁ ଘେରିଥିଲା। କଂଗ୍ରେସ କହିଥିଲା ଉତ୍ତରପ୍ରଦେଶ ସରକାର ପ୍ରବାଶୀ ଶ୍ରମିକଙ୍କୁ ନିଜ ଖର୍ଚ୍ଚରେ ବସ ଦେବାକୁ କଂଗ୍ରେସ କହିଥିଲା। ତେବେ କଂଗ୍ରେସ ଏହି ଦାବି ପରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଆଦିତ୍ୟନାଥ ସୋମବାର କହିଥିଲେ କି, କଂଗ୍ରେସ ପକ୍ଷରୁ ବସର ତାଲିକା ମଗାଯାଉଛି। ମାତ୍ର ବର୍ତ୍ତମାନ ପର୍ଯ୍ୟନ୍ତ କୌଣସି ତାଲିକା ଆମର ହସ୍ତଗତ ହୋଇ ନାହିଁ ବୋଲି ସେ କହିଛନ୍ତି। ସେ ଆହୁରି ମଧ୍ୟ କହିଛନ୍ତି କି, ମାତ୍ର ସୋମବାର କଂଗ୍ରେସ ପକ୍ଷରୁ ୧ ହଜାର ତାଲିକା ସରକାରଙ୍କୁ ପଠାଇଛି ବୋଲି ମୁଖ୍ୟମନ୍ତ୍ରୀ ସୂଚନା ଦେଇଛନ୍ତି।

ତେବେ କଂଗ୍ରେସରେ ପ୍ରବାସୀ ଶ୍ରମିକଙ୍କ ପାଇଁ ଯେଉଁ ତାଲିକା ପ୍ରସ୍ତୁତ କରାଯାଇଛି। ସେଥିମଧ୍ୟରେ ଅନେକ ବାଇକ, କାର, ଅଟୋର ନମ୍ବର ରହିଛି। ଏପରିକି ଆମ୍ବୁଲାନ୍ସର ମଧ୍ୟ ନମ୍ବର ସାମିଲ ରହିଛି। ତେବେ କଂଗ୍ରେସ କେବଳ ଅଭିଯୋଗ କରିବା ଜାଣିଛି। ଏହି ଅଭିଯୋଗ ସମ୍ପୂର୍ଣ୍ଣ ଭାବେ ଭୁଲ ପ୍ରମାଣିତ ହୋଇଛି ବୋଲି ସେ କହିଥିଲେ।