ପଞ୍ଜାବର ରାଜନୈତିକ ରଣକ୍ଷେତ୍ରରେ ଓହ୍ଲାଇଲେ ସୋନୁ ସୁଦ, ପ୍ରଚାର ସମୟରେ କହିଲେ ଏହି ବଡ଼ କଥା

ନୂଆଦିଲ୍ଲୀ: Punjab Election 2022: ଅଭିନେତା ସୋନୁ ସୁଦ (Bollywood Actor Sonu Sood) ପଞ୍ଜାବର ରାଜନୈତିକ ରଣକ୍ଷେତ୍ରରେ ଓହ୍ଲାଇପଡ଼ିଛନ୍ତି । ତାଙ୍କ ଭଉଣୀ ମାଲଭିକା ସୁଦ (Malvika Sood Sachar) କଂଗ୍ରେସ ଟିକେଟରେ ମୋଗାରୁ ନିର୍ବାଚନ ଲଢ଼ୁଛନ୍ତି । ନିଜ ଭଉଣୀ ପାଇଁ ପ୍ରଚାର ସମୟରେ ସୋନୁ ସୁଦ (Sonu Sood) କହିଛନ୍ତି ଯେ, ମୋ ମା' ଜଣେ ପ୍ରଫେସର ଥିଲେ ଓ ସେ ସାରା ଜୀବନ ପିଲାମାନଙ୍କୁ ଶିକ୍ଷା ଦେଇଛନ୍ତି । ମୋ ବାପା ଜଣେ ସାମାଜିକ କର୍ମୀ ଥିଲେ । ଏଠାରେ ଆମ ଜମିରେ ବିଦ୍ୟାଳୟ, କଲେଜ ଏବଂ ଧର୍ମଶାଳା ନିର୍ମାଣ କରାଯାଇଛି । ଏହା ଆମ ରକ୍ତରେ ଅଛି ।

ସୋନୁ ସୁଦ (Sonu Sood) କହିଛନ୍ତି ଯେ, ମୋ ଭଉଣୀ (Malvika Sood) ଏହାଠାରୁ ଅଧିକ ଦାୟିତ୍ୱ ଗ୍ରହଣ କରିଛନ୍ତି । ଆମ ସହରରେ ସର୍ବାଧିକ ଟିକାକରଣ ସୁବିଧା ତାଙ୍କ ମାଧ୍ୟମରେ ଦିଆଯାଇଥିଲା । ଯେଉଁଠି ଶିକ୍ଷା ଓ ଲୋକଙ୍କୁ ସାହାଯ୍ୟ କରିବା କଥା ଆସୁଛି ସେ ମୋଗାରେ ବହୁ ପରିଶ୍ରମ କରିଛନ୍ତି । ଲୋକମାନେ ତାଙ୍କୁ ସିଷ୍ଟମର ଏକ ଅଂଶ ହେବାକୁ ପ୍ରେରଣା ଦେଇଛନ୍ତି ।

ଅନ୍ୟପଟେ ମାଲଭିକା ସୁଦ (Malvika Sood) କହିଛନ୍ତି ଯେ ମୁଁ ମୋ ଭାଇଙ୍କ ସହ କଥା ହୋଇଛି, ଯେପର୍ଯ୍ୟନ୍ତ ଆମ ମଧ୍ୟରୁ କେହି ସିଷ୍ଟମର ଅଂଶ ନ ହେବା, ଆମେ ମୋଗାରେ ବିକାଶ କରିପାରିବୁ ନାହିଁ । ମୁଁ ଭାବିଲି ମୁଁ ଏଠାରେ ରହେ, ଏହାର ଏକ ଅଂଶ କାହିଁକି ହେବି ନୁହେଁ? ଯାହାଦ୍ୱାରା ଆମେ ଅଧିକରୁ ଅଧିକ ଲୋକଙ୍କ ପାଖରେ ପହଞ୍ଚି ପାରିବା ଓ ସେମାନଙ୍କୁ ସାହାଯ୍ୟ କରିପାରିବା । ମୁଁ ମୋଗା ସହରରେ ରହେ । ଆମେ ଏଠାରେ ଏକ ସିଭିଲ୍ ହସ୍ପିଟାଲ୍ ନିର୍ମାଣ କରିବାକୁ ଚିନ୍ତା କଲୁ । ମୁଁ ଅନେକ ଲୋକଙ୍କ ପାଇଁ COVID ଟିକାକରଣର ସୁବିଧା ପ୍ରଦାନ କରିଛି ଓ ଶିବିର ଲଗାଇଛି । ପ୍ରସଙ୍ଗ ଥିଲା, କିନ୍ତୁ ବିକାଶ ସେପରି ହୋଇ ନଥିଲା ଯେମିତି ଆମେ ଚାହୁଁଥିଲୁ ।

ଏହା ବି ପଢ଼ନ୍ତୁ:-କୋରୋନା ମାମଲାରେ ଆସିଲା ଗୁଡ୍ ନ୍ୟୁଜ୍

ଏହା ବି ପଢ଼ନ୍ତୁ:-କୋରୋନାର ଅନ୍ତକୁ ନେଇ ବହୁତ ବଡ଼ ବୟାନ ଦେଲା WHO

ଏହା ବି ପଢ଼ନ୍ତୁ:-'ସିଦ୍ଧୁଙ୍କୁ କ୍ୟାବିନେଟରେ ରଖିବା ପାଇଁ ପାକିସ୍ତାନରୁ ଆସିଥିଲା ମେସେଜ୍'

ଏହା ବି ପଢ଼ନ୍ତୁ:-'ଯଦି ମୁଁ କୋହଲିଙ୍କ ସ୍ଥାନରେ ଥା'ନ୍ତି, ମୁଁ କେବେ ବିବାହ କରି ନ ଥା'ନ୍ତି', ଜାଣନ୍ତୁ କାହିଁକି ଏପରି କହିଲେ ଏହି ଭେଟେରାନ୍ କ୍ରିକେଟର

ଏଠାରେ କହି ରଖୁଛୁ ଯେ, ନିକଟ ଅତୀତରେ ସୋନୁ ସୁଦଙ୍କ ଭଉଣୀ ମାଲଭିକା ସୁଦ କଂଗ୍ରେସରେ ଯୋଗ ଦେଇଥିଲେ । ପଞ୍ଜାବର ସିଏମ୍ ଚରଣଜିତ୍ ସିଂ ଚନ୍ନି (Punjab CM Charanjit Singh Channi) ଓ ପଞ୍ଜାବ କଂଗ୍ରେସ ଅଧ୍ୟକ୍ଷ ନବଜାତ ସିଂ ସିଦ୍ଧୁ (Punjab Congress President Navtoj Singh Singh) ମାଲଭିକା ସୁଦଙ୍କ ଘରେ ପହଞ୍ଚି ତାଙ୍କୁ କଂଗ୍ରେସର ସଦସ୍ୟତା ପ୍ରଦାନ କରିଥିଲେ । ଏହି ସମୟରେ ସୋନୁ ସୁଦ ମଧ୍ୟ ଘରେ ଉପସ୍ଥିତ ଥିଲେ ।