ରାଜ୍ୟସଭା ଯିବେ ସୌରଭ ଗାଙ୍ଗୁଲିଙ୍କ ପତ୍ନୀ ଡୋନା! ଅମିତ ଶାହଙ୍କ ସହ ସାକ୍ଷାତ ପରେ ଜୋର ଧରିଲା ଚର୍ଚ୍ଚା

କୋଲକାତା: ବିସିସିଆଇ ଅଧ୍ୟକ୍ଷ (BCCI President) ତଥା ପୂର୍ବତନ ଭାରତୀୟ ଅଧିନାୟକ (Former India Captain) ସୌରଭ ଗାଙ୍ଗୁଲିଙ୍କ ପତ୍ନୀ ଡୋନା ଗାଙ୍ଗୁଲି (Dona Ganguly) ଙ୍କୁ ରାଜ୍ୟସଭା (Rajya Sabha) ପଠାଯାଇପାରେ । ଓଡ଼ିଶୀ ନୃତ୍ୟଶିଳ୍ପୀ ଡୋନା (Odissi dancer Dona Ganguly) ସର୍ବଦା ଲାଇମଲାଇଟ୍ ଠାରୁ ଦୂରରେ ରହିଆସିଛନ୍ତି । କିନ୍ତୁ ବର୍ତ୍ତମାନ ତାଙ୍କ ରାଜନୀତିରେ ପ୍ରବେଶକୁ ନେଇ ଚର୍ଚ୍ଚା ଜୋର ଧରିଛି । କେନ୍ଦ୍ର ଗୃହ ମନ୍ତ୍ରୀ ଅମିତ ଶାହ (Amit Shah) ଙ୍କ ସୌରଭ ଗାଙ୍ଗୁଲିଙ୍କ ଘରେ ରାତ୍ରୀ ଭୋଜନ କରିବା ପରେ କୁହାଯାଉଛି ଯେ ବିଜେପି (BJP) ତାଙ୍କୁ ରାଜ୍ୟସଭା ସାଂସଦ (Rajya Sabha MP) ଭାବେ ମନୋନୀତ କରିପାରେ ।

ଅନୁଚ୍ଛେଦ ୮୦ (୧)(ଏ)  ଅନୁସାରେ ରାଷ୍ଟ୍ରପତି (President) ରାଜ୍ୟସଭାରେ ୧୨ ଜଣ ସଦସ୍ୟଙ୍କୁ ମନୋନୀତ କରିପାରନ୍ତି । ରୁପା ଗାଙ୍ଗୁଲି (Roopa Ganguly) ଓ ସ୍ୱପନ ଦାସଗୁପ୍ତ (Swapan Dasgupta) ଙ୍କ ସମେତ ୧୨ରୁ ପାଞ୍ଚ ଜଣ ମାର୍ଚ୍ଚ ଓ ଏପ୍ରିଲରେ ସେମାନଙ୍କର କାର୍ଯ୍ୟକାଳ ଶେଷ ହୋଇଯାଇଛି । ଯେଉଁ ଅନ୍ୟମାନଙ୍କ କାର୍ଯ୍ୟକାଳ ସମାପ୍ତ ହୋଇଛି ସେମାନଙ୍କ ମଧ୍ୟରେ ମେରି କୋମ (Mary Kom) ଓ ସୁବ୍ରମଣ୍ୟନ୍ ସ୍ୱାମୀ (Subramanian Swamy) ସାମିଲ ଅଛନ୍ତି ।

ଯେତେବେଳେ ଏ ବିଷୟରେ ପଚରାଗଲା ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ଦିଲୀପ ଘୋଷ (Dilip Ghosh) କହିଛନ୍ତି ଯେ, ମୋତେ ଏହି ବିଷୟରେ ସୂଚନା ନାହିଁ । ମୁଁ ଜାଣେ ନାହିଁ ଯେ ବଙ୍ଗଳାରୁ କାହାକୁ ରାଜ୍ୟସଭା ପାଇଁ ମନୋନୀତ କରାଯାଉଛି କି ନାହିଁ । ନା ତ ଘୋଷ ନା ପଶ୍ଚିମ ବଙ୍ଗର ବିଜେପି କୌଣସି ନେତା ଆଧିକାରୀକ ଭାବେ ଏହି ଗୁଜବକୁ ଖଣ୍ଡ କରିଛନ୍ତି । ସେପଟେ ତୃଣମୂଳ କଂଗ୍ରେସ (TMC) ଏହା ଉପରେ କିଛି କହିବାକୁ ମନା କରିଦେଇଛି ।

ସୂତ୍ରାନୁସାରେ, ଡୋନାଙ୍କ ଘନିଷ୍ଠ ପରିଚିତ ବ୍ୟକ୍ତି ମଧ୍ୟ ଏହାକୁ ରାଜନୈତିକ କଳ୍ପନାଜଳ୍ପନା ବୋଲି କହି ଖଣ୍ଡନ କରିଛନ୍ତି । ଡୋନା କହିଛନ୍ତି ଯେ, ଅମିତ ଶାହ ଜଣେ ପରିବାରର ବନ୍ଧୁ ଓ ଦୀର୍ଘ ସମୟରୁ ଗାଙ୍ଗୁଲି ପରିବାର ତାଙ୍କୁ ଜାଣେ । ତାଙ୍କୁ ରାତ୍ରୀ ଭୋଜନ ପାଇଁ ଡାକିବାର ଅର୍ଥ ନୁହେଁ ଯେ ଏହାର ରାଜନୀତି ସହିତ କିଛି ସମ୍ପର୍କ ଅଛି । ଡୋନାଙ୍କୁ ତୁରନ୍ତ ରାଜନୀତିରେ ପ୍ରବେଶ କରିବା ପାଇଁ କୌଣସି ପ୍ରସ୍ତାବ କିମ୍ବା ଯୋଜନା ନାହିଁ ।

ଏହା ବି ପଢ଼ନ୍ତୁ:-ମୋଦି ଓ ସୋନିଆଙ୍କ ମଧ୍ୟରେ କିଏ ଭଲ? ପ୍ରଶାନ୍ତ କିଶୋର ଦେଲେ ଏପରି କିଛି ଜବାବ

ଏହା ବି ପଢ଼ନ୍ତୁ:-'ଯଦି ଭାରତ ଶତ୍ରୁ ତେବେ ଭାରତୀୟ ଚ୍ୟାନେଲକୁ ଯାଆନ୍ତୁ ନାହିଁ'

ଏହା ବି ପଢ଼ନ୍ତୁ:-ତାଜମହଲର ବନ୍ଦ ପଡ଼ିଥିବା ୨୨ କୋଠରୀରର କାହାଣୀ: 'ରାଜା ଜୟ ସିଂଙ୍କ ଠାରୁ ୧୭ ଏକର ଜମି କିଣିଥିଲେ ଶାହାଜାହାନ'

ଏଠାରେ କହି ରଖୁଛୁ ଯେ, ଡୋନା କୋଲକାତାର ଏକ ଶାସ୍ତ୍ରୀୟ ନୃତ୍ୟ ବିଦ୍ୟାଳୟ ଚଳାନ୍ତି । ଶାହା ଶୁକ୍ରବାର ଗାଙ୍ଗୁଲିଙ୍କ ଘରକୁ ଯାଇଥିଲେ । ତାଙ୍କ ଗସ୍ତ ପରେ କଳ୍ପନାଜଳ୍ପନା ଅଧିକ ଜୋର ଧରିଛି । ପରଦିନ ସୌରଭ ଓ ଡୋନା କୋଲକାତା ମେୟର ଫିରହାଦ ହାକିମଙ୍କ ସହ ଏକ ମଞ୍ଚରେ ଦେଖିବାକୁ ମିଳିଥିଲା ।