 "'ମହା' ରାଜନୀତିର ସ୍ଥିତି ବଦଳାଇ ଦେବେ 'ସୁଶାନ୍ତ' !")
ନୂଆଦିଲ୍ଲୀ: ବଲିଉଡ ଅଭିନେତ୍ରୀ କଙ୍ଗନା ରାଣାଓ୍ୱତ (Kangana Ranawat) ଙ୍କୁ କେନ୍ଦ୍ର ସରକାର (Central Government) Y+ ସୁରକ୍ଷା ପ୍ରଦାନ କରିଛନ୍ତି । ଏହା ପୂର୍ବରୁ ସେ ତାଙ୍କ ଜୀବନ (Life Lisk) ପ୍ରତି ବିପଦ ରହିଛି ବୋଲି ଦର୍ଶାଇ ସୁରକ୍ଷା ପାଇଁ ଗୃହ ମନ୍ତ୍ରାଳୟ (Home Ministry) କୁ ଆବେଦନ କରିଥିଲେ, ଯାହାକୁ ଅନୁମୋଦନ କରିଛି ଗୃହ ମନ୍ତ୍ରାଳୟ (Home ministry) । ଆସନ୍ତା ୯ ତାରିଖରେ କଙ୍ଗନା (Kangana) ମୁମ୍ବାଇ (Mumbai) ଯିବା ପୂର୍ବରୁ ସରକାର ତାଙ୍କୁ ଏହି ସୁରକ୍ଷା ଯୋଗାଇ ଦେଇଛନ୍ତି । ସୁରକ୍ଷା ପାଇଁ ୧୧ ଜଣ ସୁରକ୍ଷାକର୍ମୀ ଅନବରତ ଭାବେ ରହିବେ । ଆଉ ଏହି ସୁରକ୍ଷାକୁ ନେଇ ମହାରାଷ୍ଟ୍ରରେ ରାଜନୀତି ଜୋର୍ ଧରିଛି ।
ଯଦିଓ ବର୍ତ୍ତମାନ ସ୍ଥିତିରେ କଙ୍ଗନା (Kangana) ଙ୍କ ସୁରକ୍ଷାକୁ ନେଇ ମହାରାଷ୍ଟ୍ର (Maharastra) ର ଅଘାଡ଼ି ସରକାର କେନ୍ଦ୍ର ସରକାରଙ୍କ ଏହି ନିଷ୍ପତ୍ତି ଉପରେ ପ୍ରଶ୍ନ ଉଠାଇଛି କିନ୍ତୁ ଏହାର ମୂଳ କାରଣ ସୁଶାନ୍ତ (Sushanta Singh Rajput) ଙ୍କ ମୃତ୍ୟୁ ସହିତ ଓତଃପ୍ରୋତ ଭାବେ ଜଡ଼ିତ ରହିଛି । ଏହି କଥା ଏଥିପାଇଁ କହୁଛୁ, କାରଣ ସୁଶାନ୍ତଙ୍କ ମୃତ୍ୟୁ ପରଠାରୁ କଙ୍ଗନା ବାରମ୍ବାର ବଲିଉଡ ମାଫିଆ (Bollywood Mafia) ଓ ରାଜ୍ୟ ସରକାର (State Government) ଙ୍କ ଭୂମିକାକୁ ନେଇ ବାରମ୍ବାର ପ୍ରଶ୍ନ ଉଠାଇ ଆସିଛନ୍ତି।
କଙ୍ଗନା ଆରମ୍ଭରୁ ବଲିଉଡ ମାଫିଆଙ୍କୁ ଟାର୍ଗେଟ୍ କରି ଆସୁଥିବା ବେଳେ ନେପୋଟିଜିମ (Nepotism) କୁ ସୁଶାନ୍ତଙ୍କ ମୃତ୍ୟୁର ଅନ୍ୟତମ କାରଣ ବୋଲି ଜୋର ଦେଇ ଦାବି କରିଛନ୍ତି । ଏପରିକି ଆରମ୍ଭରୁ ସୁଶାନ୍ତ (Sushant Singh Rajput) ଙ୍କ ମୃତ୍ୟୁର ତଦନ୍ତ କରୁଥିବା ମୁମ୍ବାଇ ପୋଲିସ (Mumbai Police) ର ଭୂମିକାକୁ ନେଇ ମଧ୍ୟ ସିଧାସଳଖ ନ ହେଲେ ମଧ୍ୟ ଇଙ୍ଗିତ କରି ପ୍ରଶ୍ନ ଉଠାଇଥିଲେ । ଏପରିକି ସୁଶାନ୍ତଙ୍କ ମୃତ୍ୟୁରେ ତାଙ୍କର ତଥାକଥିତ ବାନ୍ଧବୀ ରିୟା ଚକ୍ରବର୍ତ୍ତୀ (Rhea Chakraborty) ଙ୍କ ସମ୍ପୃକ୍ତି ନେଇ ମଧ୍ୟ କଙ୍ଗନା ପ୍ରଶ୍ନ ଉଠାଇଥିଲେ । କଙ୍ଗନାଙ୍କ ଏହି ବୟାନ ସବୁ ସୋସିଆଲ ମିଡିଆରେ ଘୁରି ବୁଲିବା ସହ ବିଭିନ୍ନ ଗଣମାଧ୍ୟମରେ ତାହାକୁ ଆଧାର କରି ଚର୍ଚ୍ଚାଲୋଚନା ମଧ୍ୟ କରିଥିଲେ ।
ତେବେ ରାଜନୈତିକ ହଟଚମଟ ସେତେବେଳେ ସୃଷ୍ଟି ହେଲା ଯେତେବେଳେ ସୁଶାନ୍ତ (Sushant) ଙ୍କ ମୃତ୍ୟୁର କିଛି ଦିନ ପୂର୍ବରୁ ତାଙ୍କର ପୂର୍ବ ମ୍ୟାନେଜର ଦିଶା ସାଲିଆନ (Disha Salian) ଙ୍କ ମୃତ୍ୟୁକୁ ନେଇ ପ୍ରଶ୍ନ ସୃଷ୍ଟି ହୋଇଥିଲା । ଦିଶା (Disha Salian) ଙ୍କ ମୃତ୍ୟୁ ପାଇଁ ରାଜ୍ୟ ସରକାରଙ୍କ ଜଣେ ଯୁବ ମନ୍ତ୍ରୀଙ୍କ ପ୍ରଚ୍ଛଦପଟ୍ଟ ଭୂମିକା ବା ହାତ ଥିବା ନେଇ ଚର୍ଚ୍ଚା ଆରମ୍ଭ ହୋଇ ଯାଇଥିଲା । ଉକ୍ତ ଯୁବ ମନ୍ତ୍ରୀଙ୍କୁ ନେଇ କଙ୍ଗନାଙ୍କ ସହିତ ସମଗ୍ର ଦେଶ ବାରମ୍ବାର ରାଜ୍ୟ ସରକାରଙ୍କୁ ଟାର୍ଗେଟ କରିବା ଆରମ୍ଭ କରିଦେଇଥିଲେ।
ଅଧିକ ପଢନ୍ତୁ: ବାନ୍ଧବୀ ରିୟାଙ୍କୁ ବାନ୍ଧିଲା NCB
ସେପଟେ ସୁଶାନ୍ତ ଓ ଦିଶା ସାଲିଆନଙ୍କ ମୃତ୍ୟୁ ଘଟଣାରେ ରାଜ୍ୟ ସରକାରଙ୍କର ପରୋକ୍ଷରେ ସମ୍ପୃକ୍ତି ରହିଥିବା ନେଇ କଙ୍ଗନା ଜୋରଦାର ଦାବି କରି ଆସିଥିଲେ । ଫଳରେ ଶିବସେନା ସରକାରଙ୍କ ସହିତ ତାଙ୍କ ଟ୍ୱିଟ ଓ୍ୱାର ଧୀରେଧୀରେ ଆରମ୍ଭ ହୋଇ ବର୍ତ୍ତମାନ ସ୍ଥିତିରେ ଉଗ୍ରରୂପ ଧାରଣ କରିଛି । ରାଜ୍ୟ ସରକାଙ୍କର ପକ୍ଷରୁ ସିବିଆଇକୁ ମାମଲା ହସ୍ତାନ୍ତର ହେଉ ଅବା କଙ୍ଗନାଙ୍କ ମନ୍ତବ୍ୟକୁ ହେଉ ବାରମ୍ବାର ସ୍ପଷ୍ଟିକରଣ ରଖାଯାଉଛି । ରାଜ୍ୟ ସରକାରଙ୍କ ଗୃହମନ୍ତ୍ରୀ ଅନୀଲ ଦେଶମୁଖ, ରାଜ୍ୟସଭା ସାଂସଦ ସଞ୍ଜୟ ରାଉତ, ପର୍ଯ୍ୟଟନ, ଜଙ୍ଗଲ ଓ ପରିବେଶ ମନ୍ତ୍ରୀ ଆଦିତ୍ୟ ଠାକରେ ପ୍ରମୁଖ ବାରମ୍ବାର ସ୍ପଷ୍ଟିକରଣ ରଖିଆସିଛନ୍ତି ।
ତେବେ ନିକଟରେ ସଞ୍ଜୟ ରାଉତ କଙ୍ଗନାଙ୍କୁ ଟ୍ୱିଟରରେ ଖୋଲାଖୋଲି ଧମକପୂର୍ଣ୍ଣ ବାର୍ତ୍ତା ଲେଖିଥିବା ନେଇ ଚର୍ଚ୍ଚା ହୋଇଥିଲା । ଯାହା ପରେ କଙ୍ଗନା ମୁମ୍ବାଇକୁ ପିଓକେ ସହିତ ତୁଳନା କରିଛନ୍ତି । ଉଭୟଙ୍କ ଏହି ଟ୍ୱିଟକୁ ନେଇ ରାଜ୍ୟ ରାଜନୀତିରେ ହଟଚମଟ ସୃଷ୍ଟି ହୋଇଛି । ସେପଟେ କଙ୍ଗନାଙ୍କ ଉଦ୍ଦେଶ୍ୟରେ ସାଂସଦ ସଞ୍ଜୟ ରାଉତ କହିଥିବା ମନ୍ତବ୍ୟକୁ ନେଇ ବିପକ୍ଷ ବିଜେପି କଡ଼ା ଭାଷାରେ ସମାଲୋଚନା କରିଛି। ବିଜେପି କହିଛି ସାମ୍ବିଧାନିକ ପଦରେ ଥିବା ବ୍ୟକ୍ତିବିଶେଷ ନିଜର ଆଚରଣ ବ୍ୟବହାର ଉପରେ ନିୟନ୍ତ୍ରଣ ଆଣିବା ଉଚିତ। ନିଜର ସାମ୍ବିଧାନିକ ପଦର ମର୍ଯ୍ୟାଦା ରଖିବା ଉଚିତ। ବିଜେପିର ଏହି ମନ୍ତବ୍ୟ ଆସିବା ପରେ ରାଜ୍ୟରେ ରାଜନୈତିକ ହଟଚମଟ ଜୋରଦାର ହୋଇଛି ।
ଅଧିକ ପଢନ୍ତୁ: ୪୫ ବର୍ଷ ପରେ ସୀମାରେ ସ୍ଥିତି ଉତ୍ତେଜନାପୂର୍ଣ୍ଣ
ଯଦି ଏ ସମସ୍ତ ଘଟଣାରୁ ନଜର ହଟାଇ ରାଜନୈତିକ ମାମଲା ଉପରେ ନଜର ପକାଯାଏ ତେବେ କଙ୍ଗନାଙ୍କୁ ସୁରକ୍ଷା ଯୋଗାଇ ଦେଇ ପ୍ରସଙ୍ଗର ମୋଡ଼ ବଦଳାଇଛି ବିଜେପି। କାରଣ ମହାରାଷ୍ଟ୍ରରେ ବିଜେପି ଏବେ ବିପକ୍ଷ ଦଳ ଭାବେ ରହିଛି। ଶିବସେନାର ମେଣ୍ଟ ସରକାର ଏବେ ଶାସକ ଦଳ। ବାଲା ସାହେବ ଠାକରେଙ୍କ ସମୟର ଶିବସେନା ଏବେ ତାର ଛବିରେ ପରିବର୍ତ୍ତନ କରିଛି। ପରିପକ୍ୱ ତଥା ଗୁଣ୍ଡାଗିରି ରାଜନୀତିରୁ ବାହାରିଛି ଶିବସେନା। ଯୁବ ନେତାଙ୍କୁ ନେଇ ଦଳ ଏବେ ଶାସନଗାଦିରେ ବସିଛି। ତେବେ ସେ ଯାହାବି ହେଉ ଏ ସମସ୍ତ ଘଟଣାକୁ ଅନୁଧ୍ୟାନ କରିଲେ ମହାରାଷ୍ଟ୍ର ରାଜନୀତିରେ କେଉଁଠି ନା କେଉଁଠି ସୁଶାନ୍ତଙ୍କ ମୃତ୍ୟୁ ମାମଲା ହଟଚମଟ ସୃଷ୍ଟି କରିଛି।
ସେପଟେ ସୁଶାନ୍ତଙ୍କ ମୃତ୍ୟୁକୁ ୯୦ଦିନ ପାଖାପାଖି ହୋଇଗଲାଣି ମାତ୍ର ମୃତ୍ୟୁର କାରଣ ବର୍ତ୍ତମାନ ମଧ୍ୟ ଅସ୍ପଷ୍ଟ। ସୁଶାନ୍ତଙ୍କ ଆର୍ଥିକ କାରବାର ହେରଫେର ଦର୍ଶାଇ ପ୍ରବର୍ତ୍ତନ ନିର୍ଦ୍ଦେଶାଳୟ ଯାଞ୍ଚ କରୁଥିବା ବେଳେ ମୃତ୍ୟୁ ମାମଲାର ସିବିଆଇ ତଦନ୍ତ ଜାରି ରଖିଛି । ସେପଟେ ଏହି ମାମଲା ସହିତ ଜଡ଼ିତ ଡ୍ରଗ୍ସ କାରବାରରେ ଏନସିବି ରିୟାଙ୍କୁ ଦୁଇଥର ମାରାଥନ ଜେରା କରିଥିବା ବେଳେ ରିୟାଙ୍କ ଭାଇ ସୌଭିକ ଚକ୍ରବର୍ତ୍ତି ଓ ସୁଶାନ୍ତଙ୍କ ମ୍ୟାନେଜର ସାମୁଏଲ ମିରାଣ୍ଡାଙ୍କୁ ଗିରଫ କରିସାରିଛି ।
)