କଏଦୀଙ୍କୁ କୋରୋନା

ସଞ୍ଜୟ କୁମାର ମହାପାତ୍ର, ପୁରୀ: ପୁରୀରେ ଆଜି ପୁଣି ୪ କୋରୋନା ପଜିଟିଭ ଚିହ୍ନଟ । ଏହାକୁ ମିଶାଇ ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା ୨୯ରେ ପହଞ୍ଚିଛି । ଆଜି ଚିହ୍ନଟ ମଧ୍ୟରୁ ପୁରୀ ସହରର ୨ ଜଣ ଓ କୋଣାର୍କ ଏନଏସିର ଜଣେ ଓ ପିପିଲିର ଜଣେ । ତେବେ ଆକ୍ରାନ୍ତଙ୍କ ମଧ୍ୟରୁ ଜଣେ କଏଦୀ ମଧ୍ୟ ରହିଛନ୍ତି । 

ଯାହା ସୂଚନା ମିଳିଛି, ଗତ ୧୫ ତାରିଖ ଦିନ ଅଭିଯୁକ୍ତଙ୍କୁ ପୁରୀ ଜେଲକୁ ପଠାଯାଇଥିଲା । ତାଙ୍କର ପଜିଟିଭ ଆସିଥିବାରୁ କୁମ୍ଭାରପଡା ଥାନାର ଅଧିକାରୀ ସମେତ ୩୦ କର୍ମଚାରୀଙ୍କୁ କ୍ଵାରନ୍ତାଇନରେ ରଖାଯାଇଛି । ତା ସହ କଏଦୀଙ୍କ କଣ୍ଟ୍ରାକ୍ଟରେ ଯେଉଁମାନେ ଆସିଥିବେ ସେମାନଙ୍କୁ ମଧ୍ୟ ସଙ୍ଗରୋଧରେ ରଖାଯିବ । ତାଙ୍କ ଘର ନରେନ୍ଦ୍ର କୋଣ ଅଞ୍ଚଳକୁ ମଧ୍ୟ କଣ୍ଟେନମେଣ୍ଟ ଜୋନ ଘୋଷଣା କରାଯାଇଛି । 

ସେପଟେ ପୁରୀ ସଦର ବ୍ଲକ ବାଲିପୁଟ ପଞ୍ଚାୟତର ବାଙ୍ଗର ଅଞ୍ଚଳରୁ ଜଣେ ପଜିଟିଭ୍ ଚିହ୍ନଟ ହୋଇଥିବାରୁ ସରପଞ୍ଚ ସମଗ୍ର ବାଲିପୁଟ ପଞ୍ଚାୟତକୁ ୩୬ ଘଣ୍ଟା ପାଇଁ ସଟଡାଉନ ଘୋଷଣା କରିଛନ୍ତି । ଏଥିସହିତ ପଞ୍ଚାୟତର ଛଅଟି ଗାଁକୁ କଣ୍ଟେନମେଣ୍ଟ ଜୋନ୍ ଘୋଷଣା କରିଛନ୍ତି ସରପଞ୍ଚ ।