close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ଜାଣନ୍ତୁ ଏଥର ହବିଷ୍ୟାଳିଙ୍କ ପାଇଁ କଣ ରହିଛି ପୁରୀରେ ସ୍ୱତନ୍ତ୍ର ବ୍ୟବସ୍ଥା

ଜାଣନ୍ତୁ ଏଥର ହବିଷ୍ୟାଳିଙ୍କ ପାଇଁ କଣ ରହିଛି ପୁରୀରେ ସ୍ୱତନ୍ତ୍ର ବ୍ୟବସ୍ଥା
ଆଜିଠାରୁ ଆରମ୍ଭ ଧର୍ମର ମାସ 'କାର୍ତ୍ତିକ ମାସ' ଏଥିପାଇଁ ଶ୍ରୀକ୍ଷେତ୍ରରେ ଜମିଛି ହବିଷ୍ୟାଳିଙ୍କ ଭିଡ଼ ଏହି ପବିତ୍ର ତିଥିରୁ ହବିଷ୍ୟାଳିମାନେ ହବିଷ ବ୍ରତ କରିବା ସହ ମହାପ୍ରଭୁ ଶ୍ରୀଜଗନ୍ନାଥଙ୍କୁ ସ୍ୱାମୀ ଭାବେ ଗ୍ରହଣ କରି ବ୍ରତ ରଖିବେ ଏହାକୁ ନଜରରେ ରଖି ରାଜ୍ୟ ସରକାରଙ୍କ ପକ୍ଷରୁ ବିଭିନ୍ନ ପଦକ୍ଷେପ ନିଆଯାଇଛି  
ହବିଷ୍ୟାଳିଙ୍କ ପାଇଁ ଶନିବାର ଠାରୁ ତିନୋଟି ହବିଷ୍ୟାଳି ଶିବିର ଖୋଲାଯାଇଛି ମୁଖ୍ୟମନ୍ତ୍ରୀ ଭିଡିଓ କନଫରେନସିଂ ମାଧ୍ୟମରେ ହବିଷ୍ୟାଳି ଶିବିରର ଉଦଘାଟନ କରିବେ ସରକାରଙ୍କ ପକ୍ଷରୁ ୩ଟି ଆଶ୍ରୟସ୍ଥଳୀ ଖୋଲାଯାଇଛି   ନଅ ଶହ ଶଯ୍ୟା ବିଶିଷ୍ଟ ରେଳବାଇ ଟୁରିଷ୍ଟ କମ୍ପ୍ଲେକ୍ସ, ୫୫୦ ଶଯ୍ୟା ବିଶିଷ୍ଟ ମୋଚିସାହି କଲ୍ୟାଣ ମଣ୍ଡପ  ଓ ୧୪ଶହ ଶଯ୍ୟା ବିଶିଷ୍ଟ ଏକ ସ୍ୱତନ୍ତ୍ର ଶିବିରର ବ୍ୟବସ୍ଥା କରାଯାଇଛି । 
ଏପର୍ଯ୍ୟନ୍ତ ଶିବିରରେ ପାଖାପାଖି ଅଢ଼େଇ ହଜାର ହବିଷ୍ୟାଳି ପହଞ୍ଚିସାରିଛନ୍ତି । ପ୍ରତି ଶିବିରରେ ଗଦି ତକିଆ, ବେଡସିଟ ସହ ପାଇଖାନା ଓ ଗାଧୁଆ ଘରର ବ୍ୟବସ୍ଥା ହୋଇଛି । ଶୀତରୁ ରକ୍ଷା ପାଇବା ପାଇଁ ହବିଷ୍ୟାଳିଙ୍କ ପାଇଁ ଗିଜର ଅର୍ଥାତ ଗରମ ପାଣିର ମଧ୍ୟ ବ୍ୟବସ୍ଥା କରାଯାଇଛି ଏଥି ସହିତ ସ୍ନାନ ପାଇଁ ନରେନ୍ଦ୍ର ପୁଷ୍କରିଣୀରେ ମଧ୍ୟ ସ୍ୱତନ୍ତ୍ର ତୁଠର ବ୍ୟବସ୍ଥା କରାଯାଇଛି । 
 
ହବିଷ୍ୟାଳିଙ୍କୁ ସହାୟତା କରିବା ଲାଗି ୪୦ଜଣ ଅଧିକାରୀଙ୍କୁ ନିଯୁକ୍ତି ଦିଆଯାଇଛି। ସ୍ୱାସ୍ଥ୍ୟସେବା, ଅଗ୍ନିଶମ ସେବା,ପୋଲିସ ସେବା ଆଦି ଯୋଗାଇ ଦିଆଯିବାର ମଧ୍ୟ ନିର୍ଦ୍ଦେଷ ରହିଛି । ହବିଷ୍ୟାଳିଙ୍କ ସୁବିଧା ନିମନ୍ତେ ଜିଲ୍ଲା ପ୍ରଶାସନ ପକ୍ଷରୁ ସମସ୍ତ ସୁବିଧା ଗ୍ରହଣ କରାଯାଇଛି ଽ ଏଥି ସହିତ ହବିଷ୍ୟାଳିମାନେ ଚତୁର୍ଦ୍ଧାମୂର୍ତ୍ତିଙ୍କୁ କିପରି ଶୃଙ୍ଖଳିତ ଭାବରେ ଦର୍ଶନ କରି ପାରିବେ ସେ ନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ ସୁବନ୍ଦୋବସ୍ତ କରାଯାଇଛି