ପୁଣି ଭାଇରାଲ ହେଲା ଶ୍ରୀମନ୍ଦିର ଭିତରର ଫଟୋ

ସଞ୍ଜୟ ମହାପାତ୍ର, ପୁରୀ: ପୁଣି ଭାଇରାଲ ହେଲା ଶ୍ରୀମନ୍ଦିର ଭିତରର ଫଟୋ । ଶ୍ରୀମନ୍ଦିର ପରିସରରେ ମୋବାଇଲରେ କଥାହେଉଥିବା ଜଣେ ଯୁବକଙ୍କ ଫଟୋ ଭାଇରାଲ ହୋଇଛି । ଏହି ଭାଇରାଲ ଫଟୋରେ ଯୁବକ ଜଣଙ୍କ ଚାହାଣି ମଣ୍ଡପରେ ଛିଡା ହୋଇ ମୋବାଇଲରେ କଥା ହେଉଥିବା ନଜରକୁ ଆସିଛି। 

ଯୁବକଙ୍କ ଡ୍ରେସକୁ ଦେଖିଲେ ପୁଲିସ, ସେବାୟତ କି ଜେଟିପି ଭଳି ଦେଖାଯାଉନାହାନ୍ତି ।  ତେବେ ଏ ଯୁବକ କିଏ, କିପରି ନିଜ ମୋବାଇଲକୁ ଶ୍ରୀମନ୍ଦିର ଭିତରକୁ ନେଲା ଓ ଘଣ୍ଟାଘଣ୍ଟା ଧରି କଥା ହେଉଥିଲେ ବି ତାକୁ କେହି ଧରିବାକୁ ସକ୍ଷମ ନହେବା ଶ୍ରୀମନ୍ଦିର ସୁରକ୍ଷା ଉପରେ ପ୍ରଶ୍ନ ଉଠିଛି । ବିଭିନ୍ନ ସମୟରେ ଶ୍ରୀମନ୍ଦିର ଭିତର ଭିଜୁଆଲ ଓ ଫଟୋ ସୋସିଆଲ ମିଡିଆରେ ଭାଇରାଲ ହେବା ପରେ ପୁଲିସ ଚିଇଁକି ଉଠୁଛି ମାତ୍ର ମନ୍ଦିର ଭିତରେ ଫଟୋ ଉଠାଯାଉଥିବା ସମୟରେ ହେଉ କି ମୋବାଇଲ ନେବା ସମୟରେ ପୁଲିସ ଜାଣି ପାରୁନାହିଁ । ଫଳରେ ଆଜି ଏଭଳି ପରିସ୍ଥିତି ସାମ୍ନାକୁ ଆସିବାରେ ଲାଗିଛି ।