ଭକ୍ତମାନେ ମାନସିକ ପୂରଣ ହେଲେ ମାଁଙ୍କ ନିକଟରେ ଘଣ୍ଟି ବାନ୍ଧିବାର ପରମ୍ପରା ରହିଛି ।
Trending Photos
ସମ୍ବଲପୁର: ସମ୍ବଲପୁରର ଅନ୍ୟତମ ପର୍ଯ୍ୟଟନ ଏବଂ ସାଂସ୍କୃତିକ କେନ୍ଦ୍ର ଘଣ୍ଟେଶ୍ୱରୀ ପୀଠରେ ଲାଗିବ ଦେଶର ସବୁଠାରୁ ବଡ ଘଣ୍ଟି । ଏଠାରେ ଘଣ୍ଟ ରୂପରେ ମାଁ ଭକ୍ତଙ୍କୁ ଦର୍ଶନ ଦେଉଥିବା ବେଳେ ମାଙ୍କ ଚାରିପଟେ ହଜାର ହଜାର ସଂଖ୍ୟାରେ ଘଣ୍ଟି ଝୁଲୁଥିବା ଦେଖିବାକୁ ମିଳିଥାଏ ।
ଭକ୍ତମାନେ ମାନସିକ ପୂରଣ ହେଲେ ମାଁଙ୍କ ନିକଟରେ ଘଣ୍ଟି ବାନ୍ଧିବାର ପରମ୍ପରା ରହିଛି । ତେବେ ଏଠାକୁ ପ୍ରତିଦିନ ହଜାର ହଜାର ସଂଖ୍ୟାରେ ଭକ୍ତ ଦର୍ଶନ କରିବା ପାଇଁ ଦୂରଦୂରାନ୍ତରୁ ପହଞ୍ଚି ଥାଆନ୍ତି । ସେଥିପାଇଁ ଏଠାରେ ଏକ ବିରାଟ ଘଣ୍ଟି ଲଗାଇବା ପାଇଁ ଦାବି ହୋଇ ଆସୁଥିଲା । ଜିଲ୍ଲା ପ୍ରଶାସନ ଏବଂ ଏମସିଏଲର ପାରିପାର୍ଶ୍ୱିକ ଉନ୍ନୟନ ପାଣ୍ଠିରୁ ଏଠାରେ ଖୁବଶୀଘ୍ର ୨୫ କ୍ୱିଣ୍ଟାଲ ଓଜନର ଏକ ବିରାଟ ଘଣ୍ଟି ଲଗାଯିବା ପାଇଁ ଯୋଜନା ପ୍ରସ୍ତୁତ ହୋଇଛି । ଏହା ଦେଶର ସବୁଠାରୁ ବଡ ଘଣ୍ଟି ହେବ ବୋଲି କୁହାଯାଉଛି ।
ଏହାସହ ଘଣ୍ଟେଶ୍ୱରୀ ପୀଠରେ ବଗିଚାର ସୌନ୍ଦର୍ଯ୍ୟକରଣ, ପାର୍କିଂ ଏବଂ ଲାଇଟର ବ୍ୟବସ୍ଥା ମଧ୍ୟ କରାଯିବ ବୋଲି ସମ୍ବଲପୁର ଜିଲ୍ଲାପାଳ ସୂଚନା ଦେଇଛନ୍ତି । ଆଗକୁ ଏଠାରେ ଅବସର ବିନୋଦନ ପାଇଁ ଏକ ପାର୍କ ମଧ୍ୟ ନିର୍ମାଣ କରିବା ପାଇଁ ଯୋଜନା ରହିଥିବା ଜିଲ୍ଲାପାଳ କହିଛନ୍ତି ।
ଆହୁରି ପଢ଼ନ୍ତୁ; ଆତ୍ମବିଶ୍ୱାସ ଆଗରେ ହାର ମାନିଛି ଦାରିଦ୍ର୍ୟତା