ହୀରାକୁଦ ହିଣ୍ଡାଲକୋ ପାୱାର ପ୍ଲାଣ୍ଟରେ କୋରୋନା ସଚେତନତା

ଅଜୟ କୁମାର ନାଥ, ସମ୍ବଲପୁର: ମହାମାରୀ କୋରୋନାକୁ ନେଇ ସବୁଆଡେ ବର୍ତ୍ତମାନ ସମୟରେ ସଚେତନତା କାର୍ଯ୍ୟକ୍ରମ ଚାଲୁ ରହିଛି । ତେବେ ଏମିତି କିଛି ଅଞ୍ଚଳ ରହିଛି ଯେଉଁଠି ସଚେତନତାର ବେଶି ଆବଶ୍ୟକତା ରହିଥାଏ । ସେହିଭଳି ଏକ ଅଞ୍ଚଳ ହେଉଛି ହୀରାକୁଦର ହିଣ୍ଡାଲକୋ  ପାୱାର ପ୍ଲାଣ୍ଟ । 

ଏହି ପ୍ଲାଣ୍ଟରେ ପ୍ରଥମେ ୬ଶହ ଶ୍ରମିକ ଦୈନିକ ଗୋଟିଏ ସିଫ୍ଟରେ କାମ କରୁଥିବା ବେଳେ ବର୍ତ୍ତମାନ କୋରୋନା ପରି ମହାମାରୀ କାରଣରୁ ସେଠାରେ ୧୫୦ରୁ ୨ଶହ ଶ୍ରମିକ କାମ କରୁଛନ୍ତି । ସରକାରଙ୍କର ସମସ୍ତ ନିୟମକୁ ମାନିବା ସହ ସାମାଜିକ ଦୂରତା ମଧ୍ୟ ପାଳନ କରୁଛନ୍ତି । ସେହି ଶ୍ରମିକମାନଙ୍କୁ ସଚେତନ କରିବା ସହ ହିଣ୍ଡାଲକୋ ପାୱାର ପ୍ଲାଣ୍ଟ ମଜଦୁର ସଙ୍ଘ ପକ୍ଷରୁ ସମସ୍ତଙ୍କୁ ସାନିଟାଇଜର, ସାବୁନ, ମାସ୍କ ପ୍ରଦାନ କରାଯାଇଥିଲା । ସଙ୍ଘର କର୍ମକର୍ତ୍ତାମାନେ ଆଜି ଭୋର ସକାଳୁ ଆସି ହିଣ୍ଡାଲକୋ ପାୱାର ପ୍ଲାଣ୍ଟ ଗେଟ ସମ୍ମୁଖରେ ଶ୍ରମିକମାନଙ୍କୁ ସଚେତନ କରିବା ସହ ମାସ୍କ, ସାନିଟାଇଜର, ସାବୁନ ଇତ୍ୟାଦି ପ୍ରଦାନ କରିଥିଲେ ।