 "ଦ୍ୱିତୀୟ ଦିନରେ ପହଞ୍ଚିଲା ଅନଶନ,ଇନପୁଟ ସବସିଡି ପାଇବାକୁ ଚାଷୀଙ୍କ ୪୦ କିମି ପଦଯାତ୍ରା")
)
ଅଜୟ କୁମାର ନାଥ,ସମ୍ବଲପୁର: ନିଜର ଦାବି ପୂରଣ ଲାଗି ୪୦ କିମି ପଦଯାତ୍ରା କରିଛନ୍ତି ସମ୍ବଲପୁରର ଚାଷୀ (Farmers of Sambalpur)। ଜିଲ୍ଲା ପ୍ରଶାସନ, ବିଧାୟକ ରୋହିତ ପୂଜାରୀ (MLA Rohit Pujari), ଭୁବନେଶ୍ୱର ଦଉଡି ଦଉଡି ନୟାନ୍ତ ହେଲା ପରେ ମଧ୍ୟ ନିଜର ଜମା କରିଥିବା ପ୍ରିମିୟମ ବୀମା ଟଙ୍କା (Premium Insurance Money) ମିଳି ନଥିବାର ଅଭିଯୋଗ କରିଛନ୍ତି ଚାଷୀ । ଏନେଇ ଚାଲିଥିବା ଅନଶନ ମଙ୍ଗଳବାର(ସେପ୍ଟେମ୍ବର୧୫,୨୦୨୦) ଦ୍ୱିତୀୟ ଦିନରେ ପହଞ୍ଚିଛି ।
୨୦୧୮-୨୦୧୯ ବର୍ଷର ପ୍ରଧାନମନ୍ତ୍ରୀ ଫସଲ ବୀମା ଯୋଜନାର ସବସିଡି (PMs Crop Insurance Scheme Subsidy) ପାଇବାରୁ ବଞ୍ଚିତ ଚାଷୀ ବାରମ୍ବାର ସରକାରୀ ଅପିସକୁ ଦୌଡି ଦୌଡି ନୟାନ୍ତ ହେବା ପରେ ନିଜର ଦାବିକୁ ଲୋକ ଲୋଚନକୁ ଆଣିବା ପାଇଁ ନେଇଥିଲେ ଏଭଳି ଅଭିନବ ପ୍ରତିବାଦ।
ସମ୍ବଲପୁରର ମାନେଶ୍ୱର ବ୍ଲକ(Maneswar Bloc) ଡକରା ଗ୍ରାମ ପଞ୍ଚାୟତର ଚାଷୀଙ୍କ ଅଭିନବ ପ୍ରତିବାଦ । ନିଜ ହକ ପୂରଣ କରିବାକୁ କରିଛନ୍ତି ଅଭିନବ ପ୍ରତିବାଦ । ନିଜ ଗାଁ ଡକରାରୁ ୪୦ କିମି ପଦଯାତ୍ରା କରି ପୁଣି ଥରେ ଦାବି ଜଣାଇଥିଲେ କ୍ଷତିଗ୍ରସ୍ତ ଚାଷୀ । ଏନେଇ ସେମାନଙ୍କ ପକ୍ଷରୁ ହୋଇଥିବା ଅଭିଯୋଗ ଅନୁସାରେ ୨୦୧୮-୧୯ ବର୍ଷର ପ୍ରଧାନମନ୍ତ୍ରୀ ଫସଲ ବୀମା ପାଇବାରୁ ବଞ୍ଚିତ ହୋଇଛନ୍ତି ପଞ୍ଚାୟତର ବହୁ ଚାଷୀ ।
ଡକରା ପଞ୍ଚାୟତର ରାଜସ୍ୱ ନିରୀକ୍ଷକ-ଆରଆଇ(RI-Revenue Inspector) ଭୁଲ ରିପୋର୍ଟ ଯୋଗୁ ଚାଷୀ ନିଜର ଚାଷର କ୍ଷତିପୂରଣ ପାଇବାରୁ ୨ ବର୍ଷ ହେଲା ବଞ୍ଚିତ ହୋଇଥିବା ଅଭିଯୋଗ କରିଛନ୍ତି କ୍ଷତିଗ୍ରସ୍ତ ଚାଷୀ । ଏନେଇ ମଙ୍ଗଳବାର ନିଜର ଦାବି ପୂରଣ ଲାଗି ମାନେଶ୍ୱର ତହସିଲ (Maneswar Tahsil) ଅଫିସ ପର୍ଯ୍ୟନ୍ତ ପଦଯାତ୍ରା କରି ପ୍ରତିବାଦ କରିଛନ୍ତି କ୍ଷତିଗ୍ରସ୍ତ ଚାଷୀ ।
ଏ ବାବଦରେ ଜିଲାପାଳଙ୍କ ପାଖକୁ ଗଲେ ଅତିରିକ୍ତ ଜିଲ୍ଲାପାଳଙ୍କ (Collector) ପାଖରେ ଫାଇଲ ରହିଛି କହୁଥିବା ବେଳେ ଅତିରିକ୍ତ ଜିଲ୍ଲାପାଳ(Additional Collector) ଜିଲ୍ଲାପାଳଙ୍କ ପାଖରେ ଫାଇଲ ରହିଥିବାର କହୁଥିବା ଅଭିଯୋଗ କରିଛନ୍ତି ଚାଷୀ ।
ଏହି ପଞ୍ଚାୟତର ଚାଷୀ ପୁର୍ବରୁ ୨୦୧୮ ବର୍ଷରେ ହୋଇଥିବା ଫସଲ କ୍ଷତିପୂରଣ ପାଇଁ ଜିଲ୍ଲାପାଳ ଅଫିସ (Collectrate), କୄଷି କାର୍ଯ୍ୟାଳୟ(Agriculture Office) ସହ ଭୁବନେଶ୍ୱର ସମବାୟ କାଯ୍ୟାଳୟ (Bhubaneswar Society Office) ଯାଇ ମଧ୍ୟ ଦାବି ଜଣାଇ ସାରିଛନ୍ତି । ଏପରିକି ରେଢାଖୋଲ ବିଧାୟକ ରୋହିତ ପୂଜାରୀ (Rairakhol MLA Rohit Pujari)ଙ୍କ ପାଖକୁ ମଧ୍ୟ ଏ ବିଷୟରେ ବାରମ୍ବାର ଅବଗତ କରାଯାଇଥିଲେ ମଧ୍ୟ ଫଳ ଶୂନ ବୋଲି କହିଛନ୍ତି ଚାଷୀ।
ଖାଲି ପ୍ରତିଶୃତି ମିଳିଛି ହେଲେ କାର୍ଯ୍ୟ ଶୂନ । ଆଜି ପର୍ଯ୍ୟନ୍ତ ସେମାନଙ୍କ ଦାବି ଏ ପର୍ଯ୍ୟନ୍ତ ପୂରଣ ହୋଇ ପାରିନାହିଁ । ଏନେଇ ଗତ ସୋମବାର (ସେପ୍ଟମ୍ବର ୧୪, ୨୦୨୦) କାଲି ଠାରୁ ପୁଣି ଥରେ ଚାଷୀ ମାନେଶ୍ୱର ତହସିଲ କାର୍ଯ୍ୟାଳୟ (Maneswar Tahsil Office) ବାହାରେ ଧାରଣା ଦେବା ସହ ପ୍ରତିବାଦ କରିଥିଲେ । ଚାଷୀଙ୍କ ପ୍ରତିବାଦ ସ୍ଥଲରେ ତହସିଲଦାର ପହଞ୍ଚି ଆଲୋଚନା କରିବା ସହ ଏନେଇ ପଦକ୍ଷେପ ନିଆଯିବ ବୋଲି ପ୍ରତିଶୃତି ଦେଇଥିଲେ । ଇନପୁଟ ସବସିଡି (Input Subsidy) ପ୍ରଦାନ ଲାଗି ପ୍ରଶାସନ (Adminstration) ଲିଖିତ ପ୍ରତିଶୄତି ନଦେବା ଯାଏ ଆନ୍ଦୋଳନ ଜାରି ରହିବ ବୋଲି କହିଛନ୍ତି ଚାଷୀ ।
ଚାଷୀଙ୍କ ହକ ପୂରଣ ଲାଗି ୨ ବର୍ଷ ବିତିଗଲାଣି ହେଲେ ଏ ପର୍ଯ୍ୟନ୍ତ ମିଳିନାହିଁ ପ୍ରଧାନମନ୍ତ୍ରୀ ଫସଲ ବୀମାର ଇନପୁଟ ସବସିଡି (PMs Crop Insurance Input Subsidy) ଚାଷୀଙ୍କୁ ଦାବି ପୂରଣ ଲାଗି କରିବାକୁ ପଡୁଛି ପଦଯାତ୍ରା । ଜିଲ୍ଲାପାଳ, ଅତିରିକ୍ତ ଜିଲ୍ଲାପାଳ, ଭୁବନେଶ୍ୱର କାର୍ଯ୍ୟାଳୟ ନା ଜନପ୍ରତିନିଧି କେଉଁଠି ଅବହେଳା ହୋଇଛି ଯେ ଆଜି ପର୍ଯ୍ୟନ୍ତ ସେମାନଙ୍କୁ ବକେୟା ବୀମା ରାଶି ଟଙ୍କା ମିଳି ନାହିଁ । ଯାହାକୁ ନେଇ ସାଧାରଣରେ ପ୍ରଶ୍ନବାଚି ସୃଷ୍ଟି ହୋଇଛି ।
