ବୁଧବାର ସମ୍ବଲପୁର ନନ୍ଦପଡା ସ୍ଥିତ ଚନ୍ଦ୍ର କୁମାର ବେହେରା ମେଡିକାଲ କାମରେ ନିଜ ସ୍ତ୍ରୀଙ୍କ ସହିତ ନିଜ କାରରେ ବୁର୍ଲା ଅଭିମୁଖେ ଯାଉଥିଲେ । ସେହି ସମୟରେ ଫାର୍ମ ରୋଡ ସ୍ଥିତ ରାଧାନାଥ କମ୍ୟୁନିଟି ସେଣ୍ଟର ସମ୍ମୁଖରେ ପୋଲିସ ପକ୍ଷରୁ ହେଲମେଟ ଚେକିଙ୍ଗ ହେଉଥିଲା ।
Trending Photos
ସମ୍ବଲପୁର: ଜିଲ୍ଲା ପରିବହନ ବିଭାଗର ଅଜବ ନିୟମ । କାର ଚାଳକଙ୍କ ଠାରୁ ଆଦାୟ ହେଲା ହେଲମେଟ ନ ପିନ୍ଧିବା ଫାଇନ । ଏପରି ଅଜବ ଘଟଣା ଦେଖିବାକୁ ମିଳିଛି ସମ୍ୱଲପୁର ଜିଲ୍ଲାରେ । କାର ଚାଳକ ହେଲମେଟ ପିନ୍ଧି ନଥିବାରୁ ଜିଲ୍ଲା ପରିବହନ ବିଭାଗ ଫାଇନ ଆଦାୟ କରିଛି ।
ସୂଚନା ମୁତାବକ, ବୁଧବାର ସମ୍ବଲପୁର ନନ୍ଦପଡା ସ୍ଥିତ ଚନ୍ଦ୍ର କୁମାର ବେହେରା ମେଡିକାଲ କାମରେ ନିଜ ସ୍ତ୍ରୀଙ୍କ ସହିତ ନିଜ କାରରେ ବୁର୍ଲା ଅଭିମୁଖେ ଯାଉଥିଲେ । ସେହି ସମୟରେ ଫାର୍ମ ରୋଡ ସ୍ଥିତ ରାଧାନାଥ କମ୍ୟୁନିଟି ସେଣ୍ଟର ସମ୍ମୁଖରେ ପୋଲିସ ପକ୍ଷରୁ ହେଲମେଟ ଚେକିଙ୍ଗ ହେଉଥିଲା । ତେବେ ପୋଲିସ ଚନ୍ଦ୍ର ବେହେରାଙ୍କ କାରକୁ ଅଟକାଇ ହେଲେମେଟ ନ ପିନ୍ଧି ଥିବା କହି ଚାଳାନ କାଟିଛି ।
ଅନ୍ୟପକ୍ଷେ କାର ନମ୍ବରଟି OD 15 D 6446 (ଇଣ୍ତିଗୋ ଇ ସି ଏସ) ଚାରି ଚକିଆ ଗାଡ଼ି ହୋଇଥିବା ବେଳେ ହେଲମେଟ ନ ପିନ୍ଧି ଗାଡି ଚଳାଉଥିବାର ଅଭିଯୋଗ କରି ୧୦୦୦ ହଜାରେ ଟଙ୍କାର ଚାଳାନ କାଟିଥିଲେ । ପରେ ଚନ୍ଦ୍ର ବେହେରା ଚାଳାନ ପାଇଁ ଜିଲ୍ଲା ପରିବହନ ବିଭାଗ ପାଖକୁ ପହଞ୍ଚି ଫାଇନ ଦେବା ପାଇଁ କହିବାରୁ ସମ୍ବଲପୁର ପରିବହନ ବିଭାଗ ଫାଇନ ନେବ ନାହିଁ କହିଛି ।