ସମ୍ପନ୍ନ ହେଲା ବାଲୁଙ୍କେଶ୍ୱର ବାବାଙ୍କର ପତର ପେଣ୍ଡି ଯାତ୍ରା

ସମ୍ବଲପୁର: ଆଜି ଠାରୁ ପ୍ରସିଦ୍ଧ ଶୀତଳଷଷ୍ଠୀ ଯାତ୍ରାର ଶୁଭାରମ୍ଭ ହୋଇଛି।  ଆଜି ସଂଧ୍ୟାରେ ନନ୍ଦପଡାର ବମବରାଡ ବାଲୁଙ୍କେଶ୍ୱର ବାବାଙ୍କ ପତ୍ରପେଣ୍ଡି ଯାତ୍ରା ଅନୁଷ୍ଠିତ ହୋଇ ଯାଇଛି. ଏହା ସହ ନନ୍ଦପଡା ଶୀତଳଷଷ୍ଠୀ ଯାତ୍ରା ଆରମ୍ଭ ହୋଇଛି । 

ଆଜି ସନ୍ଧ୍ୟାରେ ନନ୍ଦପଡା ଶୀତଳଷଷ୍ଠୀ ଯାତ୍ରା କମିଟି ପକ୍ଷରୁ ବମବରାଡ ବାଲୁଙ୍କେଶ୍ୱର ବାବାଙ୍କ ବିବାହ ପାଇଁ କନ୍ୟା ସନ୍ଧାନରେ ବାହାରିଥିଲେ ସପ୍ତରୁଷି । ଅଇଁଠାପାଲି  ସ୍ଥିତ ସୁଭଶ୍ରି ଵିହାର ରେ କନ୍ୟା ପିତାମାତା ସୁକାନ୍ତ ବିଶି ଓ ରିଙ୍କି ବିଶି  ଙ୍କ ବାସ ଭବନ ଠାରେ ପହଞ୍ଚି ଥିଲେ ବର ପିତା ସହ ସପ୍ତରୁଷି ଏବଂ ବର ପକ୍ଷ ।  ନନ୍ଦପଡା ଯାତ୍ରା କମିଟି ପକ୍ଷରୁ ସପ୍ତରୁର୍ଷିଙ୍କ ଗହଣରେ ପତ୍ରପେଣ୍ଡି ଶୋଭାଯାତ୍ରାରେ ସାମିଲ ଥିଲେ ଯାତ୍ରା କମିଟିର ସମସ୍ତ ସଭ୍ୟ। ଏଥିସହ ଶୋଭାଯାତ୍ରାରେ ସାମାଜିକ ଦୁରତା ରକ୍ଷା କରାଯିବା ସହ ଶଙ୍ଖ ଘଣ୍ଟ ସାମିଲ ରହିଥିଲା। ବରପିତାଙ୍କ ସହ ସପ୍ତରୁଷି  ତଥା ପୂଜକ ମନ୍ତ୍ର ଉଚ୍ଚରଣ ସହ ରୀତିନୀତି ବିଷୟରେ କହିଥିଲେ।

ତେବେ କୋରୋନା କଟକଣା ପାଇଁ ସାମାଜିକ ଦୁରତା ରକ୍ଷା କରାଯିବା ସହ ପତ୍ରପେଣ୍ଡି ଯାତ୍ରାରେ ସମସ୍ତେ ମାସ୍କ ପିନ୍ଧିଥିବା ଦେଖାଦେଇଥିଲା । ବିଧି ରକ୍ଷା ସହ ସମସ୍ତ ରୀତିନୀତି ଅନୁଯାୟୀ ବରପକ୍ଷଙ୍କ ପକ୍ଷରୁ ଅଣାଯାଇଥିବା ସର୍ଗିପତ୍ର କନ୍ୟା ମାତାପିତା ଗ୍ରହଣ କରିବା ସହ ଶିବ ବିବାହ ପାଇଁ ପତ୍ରପେଣ୍ଡି ଯାତ୍ରା ସମାପିତ ହୋଇଥିଲା । କନ୍ୟା ମାତା ପିତା ମଧ୍ୟ ଏହି ରୀତି ନୀତିକୁ ପାଳନ କରିବା ସହ ବିଧି ରକ୍ଷା କରି ଖୁସି ଥିବା କହିଥିଲେ।

ଵମବରାଡ଼ ବାଲୁଙ୍କେଶ୍ୱର ବାବାଙ୍କର ପତର ପେଣ୍ଡି ସମାପନ ହୋଇଥିବା ବେଳେ କାଲିଠାରୁ ପୁଣି ଅନ୍ୟାନ୍ୟ ପଡାର ପତର ପେଣ୍ଡି ଅନୁଷ୍ଠିତ ହେବ । ମୁଖ୍ୟ ଯାତ୍ରା ଯୁଗଳ ମୂର୍ତ୍ତି ଦର୍ଶନ ଆସନ୍ତା ୨୯ତାରିଖ ସକାଳେ ଅନୁଷ୍ଠିତ ହେବ।