ନ୍ୟୁଜିଲାଣ୍ଡ ବିପକ୍ଷ ଟି -20 ସିରିଜ୍ ପାଇଁ ଟିମ୍ ଇଣ୍ଡିଆର ଘୋଷଣା, ଏହି ଖେଳାଳି ହେବେ ଅଧିନାୟକ

ନ୍ୟୁଜିଲାଣ୍ଡ ବିପକ୍ଷ ଟି -20 ସିରିଜ ପାଇଁ ଭାରତୀୟ ଦଳ ଘୋଷଣା କରାଯାଇଛି । ଦଳର ନେତୃତ୍ୱ ରୋହିତ ଶର୍ମାଙ୍କୁ ଦିଆଯାଇଛି ।

ନୂଆଦିଲ୍ଲୀ: ନ୍ୟୁଜିଲାଣ୍ଡ ବିପକ୍ଷ ଟି -20 ସିରିଜ ପାଇଁ ବିସିସିଆଇ (BCCI) ଭାରତୀୟ ଦଳ (Team India announced) ଘୋଷଣା କରିଛି । ଦଳର ନେତୃତ୍ୱ ରୋହିତ ଶର୍ମାଙ୍କୁ ଦିଆଯାଇଛି । ଭେଙ୍କଟେଶ ଆୟର ଏବଂ ହର୍ଷଲ ପଟେଲ ଦଳର ନୂଆ ଚେହେରା ହେବେ । ଏଥି ସହ ଲେଗ ସ୍ପିନର ୟୁଜବେନ୍ଦ୍ର ଚହଲ ମଧ୍ୟ ଦଳକୁ ପ୍ରତ୍ୟାବର୍ତ୍ତନ କରିଛନ୍ତି ।

ଟିମ୍ ଇଣ୍ଡିଆ ଲେଗ ସ୍ପିନର ୟୁଜବେନ୍ଦ୍ର ଚହଲ ଦଳକୁ ଫେରିଛନ୍ତି । ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ତିନି ମ୍ୟାଚ୍ ବିଶିଷ୍ଟ ଟି -20 ସିରିଜ୍ ନଭେମ୍ବର 17 ରୁ ଖେଳାଯିବ । ପ୍ରଥମ ମ୍ୟାଚ୍ 17, ଦ୍ୱିତୀୟ 19 ଓ ତୃତୀୟ ମ୍ୟାଚ୍ 21 ନଭେମ୍ବରରେ ଖେଳାଯିବ । 

ଟି-20 ସିରିଜ୍ ପାଇଁ ଟିମ୍ ଇଣ୍ଡିଆର ଚାରିଜଣ ଭେଟେରାନଙ୍କୁ ବିଶ୍ରାମ ଦିଆଯାଇଛି । ଏଥିରେ ବିରାଟ କୋହଲି, ଜସପ୍ରୀତ ବୁମ୍ରା, ରବିନ୍ଦ୍ର ଜାଡେଜା ଏବଂ ମହମ୍ମଦ ଶାମି ଅଛନ୍ତି । ଏମାନଙ୍କ ବ୍ୟତୀତ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ମଧ୍ୟ ଦଳରୁ ବାଦ ପଡିଛନ୍ତି । ବିଶ୍ୱାସ କରାଯାଉଛି ଯେ ହାର୍ଦ୍ଦିକ ପାଣ୍ଡ୍ୟାଙ୍କ ଖରାପ ଫିଟନେସ୍ ତାଙ୍କ ଚୟନ ନହେବା କାରଣ ହୋଇଛି ।

India’s T20 squad against NZ | R Sharma(Capt), KL Rahul (VC), R Gaikwad, Shreyas Iyer, Suryakumar Yadav, R Pant (WC), Ishan Kishan (WC),Venkatesh Iyer, Y Chahal, R Ashwin,Axar Patel,Avesh Khan, Bhuvneshwar Kr,D Chahar, Harshal Patel,Mohd Siraj

Rohit Sharma named India's T20 Capt pic.twitter.com/P2D4lOtKL3

— ANI (@ANI) November 9, 2021

ନ୍ୟୁଜିଲାଣ୍ଡ ବିପକ୍ଷ ଟି -20 ସିରିଜ୍ ପାଇଁ ଟିମ୍ ଇଣ୍ଡିଆ: ରୋହିତ ଶର୍ମା (ଅଧିନାୟକ), କେ.ଏଲ୍ ରାହୁଲ (ଉପ-ଅଧିନାୟକ), ରିତୁରାଜ ଗାଇକୱାଡ, ଶ୍ରେୟସ୍ ଆୟର, ସୂର୍ୟ୍ଯକୁମାର ଯାଦବ, ଋଷଭ ପନ୍ତ, ଇଶାନ କିଶାନ, ଭେଙ୍କଟେଶ ଆୟର, ୟୁଜବେନ୍ଦ୍ର ଚହଲ, ଆର ଅଶ୍ୱିନ, ଅକ୍ଷର ପଟେଲ, ଆଭେଶ ଖାନ, ଭୁବନେଶ୍ୱର କୁମାର, ଦୀପକ ଚହର, ହର୍ଷଲ ପଟେଲ ଏବଂ ମହମ୍ମଦ ସିରାଜ ।