ଆସିଲା Good News, ପୁଣିଥରେ ବାପା ହେବାକୁ ଯାଉଛନ୍ତି MS Dhoni

ନୂଆଦିଲ୍ଲୀ: ପବିତ୍ର ଦଶହରାରେ ଆଇପିଏଲ ଟ୍ରଫି ଜିତି କ୍ରିକେଟ ପ୍ରେମୀଙ୍କୁ ଦଶହରା ଭେଟି ଦେଇଛନ୍ତି ମହେନ୍ଦ୍ର ସିଂ ଧୋନିଙ୍କ ଚେନ୍ନାଇ ସୁପର୍ କିଙ୍ଗସ୍ । ଦୁବାଇରେ ଖେଳାଯାଇଥିବା ଫାଇନାଲ୍ ମୁକାବିଲାରେ ଚେନ୍ନାଇ ୨୭ ରନରେ କୋଲକାତା ନାଇଟ୍ ରାଇଡର୍ସକୁ ହରାଇ ଚାମ୍ପିୟନ୍ ହୋଇସାରିଛି । ଗୋଟେ ପଟେ ଆଇପିଏଲ ଟାଇଟଲ ଜିତିବା ପରେ ମହେନ୍ଦ୍ର ସିଂ ଧୋନି ଏବେ ଆଉ ଏକ ଖୁସି ଖବର ଦେଇଛନ୍ତି। ତାହା ହେଉଛି ଯେ, ମହେନ୍ଦ୍ର ସିଂ ଧୋନି ପୁଣି ଥରେ ବାପା ହେବାର ସୌଭାଗ୍ୟ ଲାଭ କରିବାକୁ ଯାଉଛନ୍ତି ।

ଧୋନି (MS Dhoni) ଙ୍କ ପତ୍ନୀ ସାକ୍ଷୀ ସିଂହ ଧୋନି  (Sakhi Singh Dhoni) ୪ ମାସର ଗର୍ଭବତୀ ଅଛନ୍ତି। ଖୁବଶୀଘ୍ର ସେ ଦ୍ୱିତୀୟ ସନ୍ତାନର ମା’ ହେବାକୁ ଯାଉଛନ୍ତି। ଧୋନିଙ୍କ ଧର୍ମପତ୍ନୀ ସାକ୍ଷୀ ଗର୍ଭବତୀ ଥିବା ଖବର କ୍ରିକେଟ ଖେଳାଳି ତଥା ଧୋନିଙ୍କ ଘନିଷ୍ଠ କୁହାଯାଉଥିବା ସୁରେଶ ରୈନାଙ୍କ ପତ୍ନୀ ପ୍ରିୟଙ୍କା କହିଛନ୍ତି । ଅନ୍ୟପଟେ ପୂର୍ବରୁ ଧୋନିଙ୍କର ଗୋଟିଏ କନ୍ୟା ସନ୍ତାନ ଜିଭା ରହିଛନ୍ତି। ଜିଭା (Ziva )ଙ୍କ ବୟସ ଏବେ ୬ ବର୍ଷ। 

ଗତକାଲି ଚେନ୍ନାଇ ସୁପର କିଙ୍ଗସ୍ (Chennai Super Kings) ଆଇପିଏଲ ଟ୍ରଫି (IPL Trophy) ଜିତିବା ପରେ ଜିଭା ଓ ସାକ୍ଷୀ ପଡ଼ିଆ ମଧ୍ୟରେ ଧୋନିଙ୍କ ସହ ସେଲିବ୍ରେଟ କରିଥିଲେ। ଏପରି କି ଚେନ୍ନାଇ ବିଜୟୀରେ ସାକ୍ଷୀ ଖୁସିରେ କାନ୍ଦିବା ସହ ଡ୍ୟାନ୍ସ ମଧ୍ୟ କରିଥିବାର ଭିଡିଓ ବି ଏବେ  ସୋସିଆଲ ମିଡିଆ (Social Media) ରେ ଭାଇରାଲ ହେବାରେ ଲାଗିଛି । ଅନ୍ୟପଟେ ଗତକାଲି ପଡ଼ିଆରେ ଧୋନିଙ୍କ ସହ ଫଟୋ ଉଠାଇବା ସମୟରେ ସାକ୍ଷୀଙ୍କ ଶାରିରୀକ ଗଠନରେ କିଛିଟା ପରିବର୍ତ୍ତନ ଦେଖିବାକୁ ମିଳିଥିଲା ଅର୍ଥାତ୍ ସାକ୍ଷୀ ସିଂ ଧୋନି ଗର୍ଭବତୀ ଥିବା ଜଣାପଡ଼ିଥିଲା। 

ସାକ୍ଷୀ ଗର୍ଭବତୀ ଥିବା ରୈନାଙ୍କ ପତ୍ନୀ ସ୍ପଷ୍ଟ କରିଥିବା ବେଳେ  ଏ ବାବଦରେ ଧୋନି କିମ୍ବା ସାକ୍ଷୀ ଔପଚାରିକ ଭାବେ ମୁହଁ ଖୋଲି ନାହାଁନ୍ତି।