Team India New Coach: ରାହୁଲ ଦ୍ରାବିଡ ଭାରତୀୟ ଦଳର ପରବର୍ତ୍ତୀ କୋଚ୍ ହୋଇପାରନ୍ତି, ଯଦିଓ ଏପର୍ଯ୍ୟନ୍ତ ଏକ ଆନୁଷ୍ଠାନିକ ଘୋଷଣା କରାଯାଇ ନାହିଁ । କିନ୍ତୁ ବିସିସିଆଇ ଏହା ଉପରେ ଶୀଘ୍ର ନିଷ୍ପତ୍ତି ନେଇପାରେ ।
Trending Photos
12
5
8
12 "ଫାଇଲ ଫଟୋ")
Team India New Coach: କ୍ରିକେଟ୍ ଦୁନିଆ ପାଇଁ ଏକ ବଡ ଖବର ସାମ୍ନାକୁ ଆସୁଛି । ଭାରତୀୟ କ୍ରିକେଟ୍ ଦଳର କୋଚ୍ ପଦବୀରେ ରାହୁଲ ଦ୍ରାବିଡଙ୍କୁ (Rahul Dravid) ଆଗାମୀ ଦିନରେ ଦେଖିବାକୁ ମିଳିବ । ରାହୁଲ ଦ୍ରାବିଡ ଟିମ୍ ଇଣ୍ଡିଆର କୋଚ୍ (Team India New Coach) ହେବାକୁ ପ୍ରସ୍ତୁତ ଅଛନ୍ତି । ସେ ବିସିସିଆଇ ସହ ୨୦୨୩ ପର୍ଯ୍ୟନ୍ତ ଏକ ଚୁକ୍ତି ପାଇପାରନ୍ତି । ତେବେ ଏପର୍ଯ୍ୟନ୍ତ ଏହାର ଆନୁଷ୍ଠାନିକ ଘୋଷଣା କରାଯାଇ ନାହିଁ ।
ସୂଚନା ଅନୁଯାୟୀ, ଦୁବାଇରେ ଆଇପିଏଲ୍ ଫାଇନାଲ୍ ରାତିରେ ବିସିସିଆଇ (BCCI) ସଚିବ ଜୟ ଶାହା ଓ ଅଧ୍ୟକ୍ଷ ସୌରଭ ଗାଙ୍ଗୁଲି ରାହୁଲ ଦ୍ରାବିଡଙ୍କ ସହ ଏକ ବୈଠକ କରିଥିଲେ । କୁହାଯାଉଛି ଯେ ଏହି ବୈଠକରେ ବିସିସିଆଇ ବୋର୍ଡ ରାହୁଲଙ୍କଠାରୁ ଜାଣିବାକୁ ଚାହୁଁଥିଲା ଯେ ସେ କ'ଣ ଚାହୁଁଛନ୍ତି ଓ ବୋର୍ଡ ତାଙ୍କୁ କଣ ଦେଇପାରେ ।
ରାହୁଲଙ୍କ ସହ ୨୦୨୩ ପର୍ଯ୍ୟନ୍ତ ହୋଇପାରେ ଚୁକ୍ତି
ଆପଣଙ୍କୁ କହିରଖିବୁ ଯେ କିଛି ଦିନ ପୂର୍ବରୁ ରାହୁଲ ଦ୍ରାବିଡ କୋଚ୍ ହେବାକୁ ମନା କରିଦେଇଥିଲେ କିନ୍ତୁ ବିସିସିଆଇର ଅନେକ ଉଦ୍ୟମ ପରେ ସେ ଏଥିପାଇଁ ରାଜି ହୋଇଛନ୍ତି ବୋଲି ବିଶ୍ୱାସ କରାଯାଏ । ଯଦିଓ ବୋର୍ଡ ଦ୍ୱାରା ଏପର୍ଯ୍ୟନ୍ତ କୌଣସି ଆନୁଷ୍ଠାନିକ ଘୋଷଣା କରାଯାଇ ନାହିଁ, ବିସିସିଆଇ ସୂତ୍ର ଅନୁସାରେ ରାହୁଲ ଦ୍ରାବିଡ ୨୦୨୩ ବର୍ଷ ପର୍ଯ୍ୟନ୍ତ ଏକ ଚୁକ୍ତି କରିପାରନ୍ତି । ସୂଚନାନୁସାରେ, ବିସିସିଆଇ ଚାହୁଁଛି ଦ୍ରାବିଡ଼ ଯିଏକି ଭାରତୀୟ ଜୁନିୟର ଦଳର କୋଚ ଓ ପୂର୍ଣ୍ଣ କାଳୀନ ଜାତୀୟ କ୍ରିକେଟ୍ ଏକାଡେମୀର ମୁଖ୍ୟଙ୍କ ସହ ଏହି ଚୁକ୍ତି କରିବ ।
ଏହା ବି ପଢ଼ନ୍ତୁ: ଗ୍ରାଜୁଏସନ ପାସ୍ କରିଥିବାଙ୍କ ପାଇଁ SBI ରେ ଚାକିରି କରିବାର ବଡ଼ ସୁଯୋଗ, ଏଠାରେ ପଢ଼ନ୍ତୁ ଡିଟେଲ୍ସ
ଏହା ବି ପଢ଼ନ୍ତୁ: ବାୟୋ-ବବଲରେ କିପରି ରୁହନ୍ତି କ୍ରିକେଟର? ରସିରେ ବନ୍ଧା ହୋଇ ବସିଥିବା ନଜର ଆସିଲେ କୋହଲି
