ନୂଆ ପିଚରେ ଡେବ୍ୟୁ କରିବେ ରାଇନା... ରବି ଶାସ୍ତ୍ରୀ ବି କରିବେ କମ୍ ବ୍ୟାକ୍

ନୂଆଦିଲ୍ଲୀ: ଭାରତୀୟ ଟିମର ପୂର୍ବତନ କୋଚ୍ ରବି ଶାସ୍ତ୍ରୀ ଏବେ ନଜର ଆସିବେ ନୂଆ ରୋଲରେ । ଅବଶ୍ୟ ଏ ରୋଲରେ ସେ ପୂର୍ବରୁ ମଧ୍ୟ କାମ କରି ସାରିଛନ୍ତି । ହେଲେ ଭାରତୀୟ ଦଳର କୋଚ୍ ହେବା ପରେ ଏବେ ପୁଣି ସେ ପୂର୍ବ ରୋଲକୁ ଫେରିବା ନିଶ୍ଚିତ ହୋଇଯାଇଛନ୍ତି । ଖାଲି ରବି ଶାସ୍ତ୍ରୀ ନୁହନ୍ତି, ଟିମ୍ ଇଣ୍ଡିଆର ପୂର୍ବତନ ଷ୍ଟାର ବ୍ୟାଟସମ୍ୟାନ ତଥା ଚେନ୍ନାଇ ସୁପରକିଙ୍ଗସ ପକ୍ଷରୁ ସର୍ବାଧିକ ରନ୍ ସ୍କୋର କରିଥିବା ସୁରେଶ ରାଇନା ମଧ୍ୟ ରବିଙ୍କ ସାଙ୍ଗରେ ନୂଆ ରୋଲରେ ଡେବ୍ୟୁ କରିବେ ।

୨୬ ତାରିଖରୁ ଆରମ୍ଭ ହେବାକୁ ଥିବା ଆଇପିଏଲ (IPL) ପାଇଁ ଉଭୟ ରବି ଓ ରାଇନା, କମେଣ୍ଟେଟର ଭୂମିକାରେ ଅବତୀର୍ଣ୍ଣ ହେବେ । ଆଇପିଏଲ ପ୍ରସାରଣ ଅଧିକାର ପାଇଥିବା ଷ୍ଟାରସ୍ପୋର୍ଟସ୍ ଇଣ୍ଡିଆ ପକ୍ଷରୁ ଏହା ସ୍ପଷ୍ଟ କରାଯାଇଛି । ଉଭୟ ହିନ୍ଦୀ କମେଣ୍ଟ୍ରି ପ୍ୟାନେଲରେ ସାମିଲ ହୋଇଥିବା ସୂଚନା ମିଳିଛି । ସେହିପରି ଆକାଶ ଚୋପ୍ରା, ଇର୍ଫାନ ପଠାନ, ଗୌତମ ଗମ୍ଭୀର, ପାର୍ଥୀବ ପଟେଲଙ୍କ ପରି ପୂର୍ବଚନ ଖେଳାଳିମାନଙ୍କୁ ହିନ୍ଦୀ କମେଣ୍ଟ୍ରି ପ୍ୟାନେଲରେ ସ୍ଥାନ ମିଳିଛି ।

ସେହିପରି ଇଂରାଜୀ କମେଣ୍ଟେଟର ଭାବେ ସୁନୀଲ ଗାଭାସ୍କର (Sunil Gavaskar), ହର୍ଷା ଭୋଗଲେଙ୍କ ସହ ଲକ୍ଷ୍ମଣ ଶିବରାମକ୍ରିଷ୍ଣନ ଓ ମୁରଲୀ କାର୍ତ୍ତିକ ପ୍ରମୁଖଙ୍କୁ ସ୍ଥାନ ଦିଆଯାଇଛି । ବିଦେଶୀ କମେଣ୍ଟେଟର ଆଲାନ୍ ୱିଲକିନ୍ସ, ସାଇମନ ଡୋଲ, ମାଥ୍ୟୁ ହେଡେନ ଓ ଡାନି ମୋରିସନଙ୍କ ପରି ଭେଟେରାନଙ୍କୁ ପ୍ୟାନଲରେ ସ୍ଥାନ ଦିଆଯାଇଛି । କମେଣ୍ଟ୍ରି ପ୍ୟାନେଲଙ୍କ ଉପରେ ଆଇପିଏଲ (IPL) ର ସଫଳତା ଅନେକ ମାତ୍ରାରେ ନିର୍ଭର କରୁଥିବାରୁ ଏହାକୁ ସର୍ବଦା ଗୁରୁତ୍ୱ ଦେଇଥାଏ ପ୍ରସାରଣ ସଂସ୍ଥା । ଏଥର ମଧ୍ୟ ହେଭିୱେଟମାନଙ୍କୁ ନେଇ ଜବରଦସ୍ତ କମେଣ୍ଟେଟର ପ୍ୟାନେଲ ଗଠନ କରାଯାଇଛି ।

ଇଂରାଜୀ ପ୍ୟାନେଲ୍ : ହର୍ଷା ଭୋଗଲେ, ସୁନୀଲ ଗାଭାସ୍କର, ଲକ୍ଷ୍ମଣ ଶିବରାମକ୍ରିଷ୍ଣନ, ମୁରଲୀ କାର୍ତ୍ତିକ, ଦୀପ ଦାସଗୁପ୍ତା, ଅଞ୍ଜୁମ ଚୋପ୍ରା, ଇଆନ ବିଶୋପ, ଆଲାନ୍ ୱିଲକିନ୍ସ, ପମି ବାଙ୍ଗୱା, ନିକ୍ ନାଇଟ୍, ଡାନି ମମୋରିସନ, ସାଇମନ ଡୋଲ୍, ମାଥ୍ୟୁ ହେଡେନ୍, କେଭିନ୍ ପିଟରସନ୍

ହିନ୍ଦୀ ପ୍ୟାନେଲ୍ : ଆକାଶ ଚୋପ୍ରା, ଇର୍ଫାନ ପଠାନ, ଗୌତମ ଗମ୍ଭୀର, ପାର୍ଥୀବ ପଟେଲ, ନିଖିଲ ଚୋପ୍ରା, ତାନ୍ୟା ପୁରୋହିତ, କିରନ ମୋରେ, ଯତୀନ ସପ୍ରୁ, ସୁରେନ ସୁନ୍ଦରମ, ରବି ଶାସ୍ତ୍ରୀ, ସୁରେଶ ରାଇନା

ଡଗ୍ ଆଉଟ୍ ପ୍ୟାନେଲ୍ : ଅନନ୍ତ ତ୍ୟାଗୀ, ନେରୋଲି ମିଡୋଜ୍, ସ୍କଟ୍ ଷ୍ଟାଇରିସ୍, ଗ୍ରେମ ସ୍ୱାନ୍

ମାର୍ଚ୍ଚ ୨୬ରୁ ଆରମ୍ଭ ହେବାକୁ ଥିବା ଆଇପିଏଲର ପ୍ରଥମ ମ୍ୟାଚ୍ ଚେନ୍ନାଇ ସୁପର କିଙ୍ଗସ୍ (CSK) ଓ କୋଲକାତା ନାଇଟ ରାଇଡର୍ସ (KKR) ମଧ୍ୟରେ ଖେଳାଯିବ । ମୁମ୍ୱାଇର ୱାଙ୍ଖଡ଼େ ଷ୍ଟାଡିୟମରେ ଏହି ମ୍ୟାଚ୍ ଖେଳାଯିବ । ଟୁର୍ଣ୍ଣାମେଣ୍ଟରେ ମୋଟ୍ ୭୪ଟି ମ୍ୟାଚ୍ ଖେଳାଯିବାକୁ ଥିବା ବେଳେ ୧୦ଟି ଟିମକୁ ଦୁଇଟି ଗ୍ରୁପରେ ବିଭକ୍ତ କରାଯାଇଛି ।