BCCI ସଭାପତି ହେବା ପରେ ପ୍ରଥମଥର ପାଇଁ କୋହଲିଙ୍କ ଉପରେ ବଡ ବୟାନ ଦେଲେ ବିନ୍ନି, ଜାଣନ୍ତୁ କ`ଣ କହିଲେ

Roger Binny on Virat Kohli: ବିସିସିଆଇ ସଭାପତି ରୋଜର ବିନ୍ନି କହିଛନ୍ତି ଯେ ବିରାଟ କୋହଲିଙ୍କୁ କିଛି ପ୍ରମାଣ କରିବାର ଆବଶ୍ୟକତା ନାହିଁ । ସେ ଚାପରେ ଆହୁରି ଭଲ ପ୍ରଦର୍ଶନ କରିଥାନ୍ତି ।

Roger Binny on Virat Kohli: ବିରାଟ କୋହଲି ଫର୍ମକୁ ଫେରିଛନ୍ତି । ଟି-୨୦ ବିଶ୍ୱକପ୍‌ ୨୦୨୨ ରେ (T20 World Cup 2022) ପାକିସ୍ତାନ ବିପକ୍ଷରେ ଅପରାଜିତ ୮୨ ରନ ସ୍କୋର କରି ବାବର ଆଜାମଙ୍କ (Babar Azam) ଦଳର ମୁହଁରୁ ସେ ଯେପରି ବିଜୟ ଛଡ଼ାଇ ଆଣିଥିଲେ, ତାହା କ୍ରିକେଟ୍ ଜଗତରେ ଦୀର୍ଘ ଦିନ ଧରି ସ୍ମରଣୀୟ ହୋଇ ରହିବ । ମେଲବୋର୍ଣ୍ଣରେ ବିରାଟ କୋହଲିଙ୍କ (Virat Kohli) ବ୍ୟାଟରୁ ଏକ ଚମତ୍କାର ଇନିଂସକୁ ବିସିସିଆଇର (BCCI) ନୂତନ ସଭାପତି ରୋଜର ବିନ୍ନି (Roger Binny) ମଧ୍ୟ ପ୍ରଶଂସା କରିଛନ୍ତି । ବିସିସିଆଇର କମାଣ୍ଡ ପାଇବା ପରେ କୋହଲିଙ୍କ ଉପରେ ବିନ୍ନିଙ୍କ ପ୍ରଥମ ବୟାନ ସାମ୍ନାକୁ ଆସିଛି । କର୍ଣ୍ଣାଟକ ରାଜ୍ୟ କ୍ରିକେଟ୍ ଆସୋସିଏସନର ଏକ କାର୍ଯ୍ୟକ୍ରମରେ ବିନ୍ନିରେ କୋହଲିଙ୍କ ବିଷୟରେ କଥା ହୋଇଥିଲେ । ସେ କୋହଲିଙ୍କ ଏହି ଉଜ୍ଜ୍ୱଳ ଇନିଂସ ପାଇଁ ତାଙ୍କୁ ଅଭିନନ୍ଦନ ଜଣାଇଛନ୍ତି ।

ANI ସହିତ କଥାବାର୍ତ୍ତା କରି ବିନ୍ନି କହିଛନ୍ତି ଯେ ଏହା ମୋ ପାଇଁ ଏକ ସ୍ୱପ୍ନ ଭଳି । ତାହାର ଅନୁମାନ କରିପାରିବେ ନାହିଁ ଯେ କୋହଲି ଷ୍ଟାଡିୟମରେ କିପରି ସଟ୍ ଖେଳୁଥିଲେ । ଏହା ଏକ ଚମତ୍କାର ବିଜୟ ଥିଲା ।

ବିନ୍ନି କହିଛନ୍ତି ଯେ ଆପଣ ଏଭଳି ମ୍ୟାଚ୍ ଦେଖି ନ ଥିବେ, ଯେଉଁଠାରେ ଅଧିକାଂଶ ସମୟରେ ମ୍ୟାଚ୍ ପାକିସ୍ତାନ ସପକ୍ଷରେ ଥିଲା, କିନ୍ତୁ ହଠାତ୍ ଭାରତ ପ୍ରତ୍ୟାବର୍ତ୍ତନ କରିଥିଲା । ଏହା ଖେଳ ପାଇଁ ଭଲ, କାରଣ ପ୍ରଶଂସକମାନେ ଏପରି ମ୍ୟାଚ୍ ଚାହାଁନ୍ତି । ବିରାଟ କୋହଲି ଫର୍ମକୁ ଫେରିବା ଉପରେ ବିସିସିଆଇ ସଭାପତି କହିଛନ୍ତି ଯେ ତାଙ୍କୁ କିଛି ପ୍ରମାଣ କରିବାର ଆବଶ୍ୟକତା ନାହିଁ । କୋହଲି ଜଣେ କ୍ଲାସ ପ୍ଲେୟାର । ଚାପରେ ସେ ଆହୁରି ଭଲ ପ୍ରଦର୍ଶନ କରନ୍ତି ।

ଟିମ୍ ଇଣ୍ଡିଆର ଟି-୨୦ ବିଶ୍ୱକପ୍ ଅଭିଯାନ ବିଷୟରେ କହିବାକୁ ଗଲେ କୋହଲି ନେଦରଲ୍ୟାଣ୍ଡ ବିପକ୍ଷ ବିଜୟରେ ସର୍ବାଧିକ ୬୨ ରନ୍ ସଂଗ୍ରହ କରିଛନ୍ତି । ସେ ୪୪ ବଲରେ ୩ ଚୌକ ଓ ୨ ଟି ଛକା ମାରିଥିଲେ । ବର୍ତ୍ତମାନ ସୁପର-୧୨ ରେ ଭାରତ ରବିବାର ଦିନ ପର୍ଥରେ ଦକ୍ଷିଣ ଆଫ୍ରିକାକୁ ଭେଟିବ । ବିଶ୍ୱକପ ଟୁର୍ଣ୍ଣାମେଣ୍ଟରେ ଭାରତ ପାକିସ୍ତାନକୁ ୪ ୱିକେଟରେ ପରାସ୍ତ କରି ନିଜର ଅଭିଯାନ ଆରମ୍ଭ କରିଥିଲା । ଏହା ପରେ ନେଦରଲ୍ୟାଣ୍ଡକୁ ୫୬ ରନରେ ହରାଇଥିଲା ।

ଲଗାତାର ୨ ଟି ବିଜୟ ସହ ଗ୍ରୁପ୍-୨ ରେ ରୋହିତ ଶର୍ମାଙ୍କ ଦଳ ଶୀର୍ଷରେ ରହିଛି । ଏଥି ସହ ପାକିସ୍ତାନ ନିଜ ଆକାଉଣ୍ଟ ଖୋଲିବାକୁ ଅପେକ୍ଷା କରିଛି । ୨ ଟି ମ୍ୟାଚ୍ ହାରିଯିବା ପରେ ବାବର ଆଜାମଙ୍କ ଦଳ ପଞ୍ଚମ ସ୍ଥାନରେ ରହିଛି । ଶେଷ ଓଭରର ନୋ ବଲ୍ ବିବାଦ ଉପରେ ବିନ୍ନି କହିଛନ୍ତି ଯେ ଯେତେବେଳେ ଆପଣ ମ୍ୟାଚ୍ ହାରିବେ, ସେତେବେଳେ ଏହାକୁ ସଠିକ୍ ଉପାୟରେ ନିଆଯିବା ଉଚିତ୍ । ଲୋକମାନେ ଭାରତର ଖେଳକୁ ପ୍ରଶଂସା କରିବା ଉଚିତ୍ ।