T20 World Cup 2021: ସିନେମା ହଲ ସମେତ ଏହି ସବୁ ଜାଗାରେ ଦେଖି ପାରିବେ ବିଶ୍ୱକପର ଲାଇଭ୍ ମ୍ୟାଚ୍

T20 World Cup 2021: ଆଜିଠାରୁ T20 ବିଶ୍ୱକପ୍ 2021 ଆରମ୍ଭ ହେବାକୁ ଯାଉଛି । ଏଥି ସହିତ ଅକ୍ଟୋବର 24 ରେ ଏହି ଟୁର୍ଣ୍ଣାମେଣ୍ଟରେ ଟିମ୍ ଇଣ୍ଡିଆ ପାକିସ୍ତାନ ବିପକ୍ଷରେ ନିଜର ଅଭିଯାନ ଆରମ୍ଭ କରିବ ।

T20 World Cup 2021: Live Telecast: ସାରା ବିଶ୍ୱରେ କ୍ରିକେଟ୍ ପ୍ରଶଂସକଙ୍କ ଦୀର୍ଘ ଅପେକ୍ଷାର ଆଜି ଅନ୍ତ ହେବାକୁ ଯାଉଛି । ଆଜିଠାରୁ ଆଇସିସି ଟି -20 ବିଶ୍ୱକପ 2021 (ICC T20 World Cup) ଆରମ୍ଭ ହେବାକୁ ହେଉଛି । ଆଜିଠାରୁ ଆଇସିସି ଟି -20 ବିଶ୍ୱକପରେ କ୍ୱାଲିଫାୟର ରାଉଣ୍ଡ (Qualifier Round) ଆରମ୍ଭ ହେଉଛି । ଆଜି ଏହି ରାଉଣ୍ଡର ପ୍ରଥମ ମ୍ୟାଚ୍ ଓମାନ ଓ ପାପୁଆ ନ୍ୟୁ ଗିନି (ପିଏନଜି) ମଧ୍ୟରେ ଖେଳାଯିବ । ଏହା ପରେ ବାଂଲାଦେଶ (Bangladesh) ଓ ସ୍କଟଲ୍ୟାଣ୍ଡ (Scotland) ମଧ୍ୟରେ ସନ୍ଧ୍ୟା 7.30 ରୁ ଏକ ମ୍ୟାଚ୍ ହେବ । ଅଧିନାୟକ ବିରାଟ କୋହଲିଙ୍କ ନେତୃତ୍ୱରେ ଟିମ୍ ଇଣ୍ଡିଆ ଏହି ଟୁର୍ଣ୍ଣାମେଣ୍ଟରେ ଅକ୍ଟୋବର 24 ରେ ପାକିସ୍ତାନ ବିପକ୍ଷରେ ନିଜର ଅଭିଯାନ ଆରମ୍ଭ କରିବ । ଆଜିଠାରୁ 14 ନଭେମ୍ବର ପର୍ଯ୍ୟନ୍ତ ୟୁଏଇ ଓ ଓମାନ ମାଟିରେ ଟି -20 ବିଶ୍ୱକପ ଖେଳାଯିବ । ଜାଣନ୍ତୁ ଆପଣ ଭାରତରେ ଟି -20 ବିଶ୍ୱକପ ମ୍ୟାଚ୍ ର ଲାଇଭ୍ ଟେଲିକାଷ୍ଟ କିପରି ଦେଖିପାରିବେ । 

ଆପଣ ଭାରତର ଏହି ଚ୍ୟାନେଲଗୁଡ଼ିକରେ ଟି -20 ବିଶ୍ୱକପ୍ ର ଲାଇଭ୍ ଟେଲିକାଷ୍ଟ ଦେଖିପାରିବେ

ଷ୍ଟାର୍ ନେଟୱାର୍କ ପାଖରେ ଟି-20 ବିଶ୍ୱକପ୍ ର ଲାଇଭ୍ ଟେଲିକାଷ୍ଟ (Live Telecast) ଦେଖାଇବାର ଅଧିକାର ଅଛି । ଭାରତରେ ଲାଇଭ୍ ଟେଲିକାଷ୍ଟ ଷ୍ଟାର ନେଟୱାର୍କ (Star Network) ଚ୍ୟାନେଲରେ ଚାଲିବ ।ଭାରତୀୟ ଉପମହାଦେଶ, ଶ୍ରୀଲଙ୍କା, ଭୁଟାନ, ବାଂଲାଦେଶ ଓ ମାଲଦ୍ୱୀପ ବ୍ୟତୀତ ଏହି ମ୍ୟାଚଗୁଡ଼ିକର ଲାଇଭ ଟେଲିକାଷ୍ଟ ଅନ୍ୟ ଦେଶରେ ମଧ୍ୟ ସମାନ ନେଟୱାର୍କରେ ପ୍ରଦର୍ଶିତ ହେବ । ଫ୍ୟାନ୍ ଷ୍ଟାର୍ ସ୍ପୋର୍ଟସ୍ 1 ଷ୍ଟାର୍ ସ୍ପୋର୍ଟସ୍ 1 HD ଷ୍ଟାର୍ ସ୍ପୋର୍ଟସ୍ 1 ହିନ୍ଦୀ ଷ୍ଟାର୍ ସ୍ପୋର୍ଟସ୍ 2 ଷ୍ଟାର୍ ସ୍ପୋର୍ଟସ୍ 2 HD ଷ୍ଟାର୍ ସ୍ପୋର୍ଟସ୍ 2 HD) ଓ  ଷ୍ଟାର୍ ସ୍ପୋର୍ଟସ୍ 2 ହିନ୍ଦୀ ଚ୍ୟାନେଲରେ ସମସ୍ତ ମ୍ୟାଚ୍ ର ଲାଇଭ୍ ଟେଲିକାଷ୍ଟ ଦେଖିପାରିବେ । ଏହା ବ୍ୟତୀତ, ଆପଣ ଡିସ୍ନି ହଟଷ୍ଟାର୍ ଆପରେ ଲାଇଭ୍ ଷ୍ଟ୍ରିମିଂ ମଧ୍ୟ ଦେଖିପାରିବେ ।

ଏହା ବି ପଢ଼ନ୍ତୁ: PM Shram Yogi Man Dhan Yojna: ମାତ୍ର ୨ ଟଙ୍କା ସଞ୍ଚୟ କରି ପାଇପାରିବେ ୩୬,୦୦୦ ଟଙ୍କା

ଥିଏଟରରେ ମଧ୍ୟ ଦେଖିବାକୁ ମିଳିବ ମ୍ୟାଚ୍
ଭାରତର କ୍ରିକେଟ୍ ପ୍ରଶଂସକମାନେ ଚଳିତ ବର୍ଷ ପ୍ରେକ୍ଷାଳୟରେ ଟି-20 ବିଶ୍ୱକପ୍ ମ୍ୟାଚ୍ ଉପଭୋଗ କରିପାରିବେ । କ୍ରିକେଟ୍ ପ୍ରଶଂସକଙ୍କ ପାଇଁ ରାଜଧାନୀ ଦିଲ୍ଲୀ, ମୁମ୍ବାଇ, ପୁଣେ ଓ ଅହମ୍ମଦାବାଦ ସମେତ 35 ଟି ସହରର 75 ଟି ସିନେମା ହଲରେ ଟି-20 ବିଶ୍ୱକପ୍ ମ୍ୟାଚ୍ ବଡ଼ ପରଦାରେ ପ୍ରଦର୍ଶିତ ହେବ ।