ଦକ୍ଷିଣ ଆଫ୍ରିକା ଅଭିମୁଖେ ଟିମ୍ ଇଣ୍ଡିଆ, BCCI ଫଟୋରୁ ବିରାଟ ନିଖୋଜ

ନୂଆଦିଲ୍ଲୀ: ଗୁରୁବାର ସକାଳେ ଟିମ୍ ଇଣ୍ଡିଆ (Team India) ଦକ୍ଷିଣ ଆଫ୍ରିକା ଅଭିମୁଖେ ଉଡ଼ାଣ ଭରିଛି । ୨୬ ଡିସେମ୍ବରରୁ ଆୟୋଜକଙ୍କ ସହ ଭାରତୀୟ ଦଳକୁ ୩ଟି ଟେଷ୍ଟ ଏବଂ ୩ଟି ODI ଖେଳିବାକୁ ପଡିବ ।

ବିସିସିଆଇ (BCCI) ସୋସିଆଲ ମିଡିଆରେ ଭାରତୀୟ ଖେଳାଳିଙ୍କ ଉଡ଼ାଣ କରିବାର କିଛି ଫଟୋ ସେୟାର କରିଛି । 

ବିସିସିଆଇ ୪ ଟି ଫଟୋ ସେୟାର କରିଛି, ଯେଉଁଥିରେ ଜସପ୍ରୀତ ବୁମ୍ରା, ମୟଙ୍କ ଅଗ୍ରୱାଲ, ଶାର୍ଦ୍ଦୁଲ ଠାକୁର, ମହମ୍ମଦ ସିରାଜ, ଅଜିଙ୍କ୍ୟ ରାହାଣେ, ଚେତେଶ୍ୱର ପୂଜାରା ଏବଂ ଉମେଶ ଯାଦବ ଦେଖାଯାଉଛନ୍ତି, କିନ୍ତୁ ବିରାଟ କୋହଲି ବିସିସିଆଇର ଏହି ଫଟୋରେ ନିଖୋଜ ଅଛନ୍ତି । (PC: BCCI)

ବିରାଟ କୋହଲିଙ୍କ ନେତୃତ୍ୱରେ ଭାରତୀୟ ଦଳ ୨୬ ଡିସେମ୍ବରରୁ ସେଞ୍ଚୁରିଅନରେ ପ୍ରଥମ ଟେଷ୍ଟ ମ୍ୟାଚ୍ ଖେଳିବ । ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ମୋଟ ୩୯ ଟି ଟେଷ୍ଟ ମ୍ୟାଚ୍ ଖେଳାଯାଇଛି । (PC: BCCI)

ଏହି ୩୯ ଟି ମ୍ୟାଚରେ ଦକ୍ଷିଣ ଆଫ୍ରିକା ୧୫ ଟି ମ୍ୟାଚ ଜିତିଛି ଏବଂ ଭାରତ ୧୪ ଟି ମ୍ୟାଚ ଜିତିଥିବାବେଳେ ୧୦ ଟି ମ୍ୟାଚ ଡ୍ର ହୋଇଛି । (PC: BCCI)

ଦକ୍ଷିଣ ଆଫ୍ରିକାରେ ଭାରତ ଏପର୍ଯ୍ୟନ୍ତ କୌଣସି ଗୋଟିଏ ଟେଷ୍ଟ ସିରିଜ୍ ଜିତି ନାହିଁ ଏବଂ ଦକ୍ଷିଣ ଆଫ୍ରିକା ଅଭିମୁଖେ ଗସ୍ତ କରିବା ପୂର୍ବରୁ ଅଧିନାୟକ କୋହଲି କହିଛନ୍ତି ଯେ ଏଥର କିଛି ବିଶେଷ କରି ଟିମ୍ ଜିତିପାରିବ ।(PC: BCCI)