IND vs ENG: ଦ୍ୱିତୀୟ ଟେଷ୍ଟରେ କାହିଁକି ଖେଳୁ ନାହାଁନ୍ତି ବୁମ୍ରା? ଅଧିନାୟକ ଗିଲ୍ କହିଲେ କାରଣ

India vs England 2nd Test: ଦ୍ୱିତୀୟ ଟେଷ୍ଟ ପାଇଁ ଭାରତ ତାର ପ୍ଲେଇଂ ଇଲେଭେନରେ ତିନୋଟି ପରିବର୍ତ୍ତନ କରିଛି। ଦ୍ରୁତ ବୋଲର ଜସପ୍ରିତ ବୁମ୍ରା ଇଂଲଣ୍ଡ ବିପକ୍ଷ ଦ୍ୱିତୀୟ ଟେଷ୍ଟ ମ୍ୟାଚରେ ଖେଳୁ ନାହାଁନ୍ତି। ଇଂଲଣ୍ଡ ଏହି ଟେଷ୍ଟ ସିରିଜରେ ୧-୦ ରେ ଆଗୁଆ ଅଛି।

India vs England 2nd Test: ଭାରତ ବନାମ ଇଂଲଣ୍ଡ ଟେଷ୍ଟ ସିରିଜର ଦ୍ୱିତୀୟ ମ୍ୟାଚ୍ ବୁଧବାର ବର୍ମିଂହାମର ଏଜବାଷ୍ଟନ ଗ୍ରାଉଣ୍ଡରେ ଆରମ୍ଭ ହୋଇଛି। ଇଂଲଣ୍ଡ ଟସ୍ ଜିତି ଭାରତକୁ ପ୍ରଥମେ ବ୍ୟାଟିଂ କରିବାକୁ ଆମନ୍ତ୍ରଣ କରିଛି। ଭାରତ ବର୍ମିଂହାମ ଟେଷ୍ଟ ପାଇଁ ନିଜର ପ୍ଲେଇଂ ଇଲେଭେନରେ ତିନୋଟି ପରିବର୍ତ୍ତନ କରିଛି। ଦ୍ରୁତ ବୋଲର ଜସପ୍ରିତ ବୁମ୍ରା ଦ୍ୱିତୀୟ ଟେଷ୍ଟରେ ଖେଳୁଛନ୍ତି ନାହିଁ। ଯାହାର କାରଣ ଅଧିନାୟକ ଶୁବମନ ଗିଲ କହିଛନ୍ତି।

ପ୍ରକୃତରେ କାର୍ଯ୍ୟଭାର ପରିଚାଳନା ଯୋଗୁଁ ବୁମ୍ରାଙ୍କୁ ବିଶ୍ରାମ ଦେବାକୁ ନିଷ୍ପତ୍ତି ନିଆଯାଇଛି। ତାଙ୍କ ସ୍ଥାନରେ ପେସର ଆକାଶଦୀପଙ୍କୁ ସୁଯୋଗ ମିଳିଛି। ପାଞ୍ଚଟିକିଆ ଟେଷ୍ଟ ସିରିଜରେ ବୁମ୍ରା କେବଳ ତିନୋଟି ମ୍ୟାଚ୍ ଖେଳିବେ। ଇଂଲଣ୍ଡ ସିରିଜରେ ୧-୦ ରେ ଆଗୁଆ ଅଛି। ଘରୋଇ ଦଳ ଲିଡସରେ ପାଞ୍ଚ ୱିକେଟରେ ଭାରତକୁ ପରାସ୍ତ କରିଥିଲେ। ଲିଡସରେ ବୁମ୍ରାହ ମଧ୍ୟ ପଞ୍ଝା ଖୋଲିଥିଲେ।

ଆକାଶଦୀପଙ୍କ ବ୍ୟତୀତ ଅଲରାଉଣ୍ଡର ନୀତିଶ କୁମାର ରେଡ୍ଡୀ ଏବଂ ୱାଶିଂଟନ ସୁନ୍ଦର ପ୍ଲେଇଂ ଇଲେଭେନରେ ସାମିଲ ହୋଇଛନ୍ତି। ସାଇ ସୁଦର୍ଶନ ଏବଂ ଶାର୍ଦ୍ଦୁଳ ଠାକୁରଙ୍କୁ ବାଦ ଦିଆଯାଇଛି। ଟସ୍ ହାରିବା ପରେ ଅଧିନାୟକ ଶୁବମନ କହିଥିଲେ, "ଆମେ ମଧ୍ୟ ପ୍ରଥମେ ବୋଲିଂ କରିବାକୁ ଚାହୁଁଥିଲୁ। ଯଦି ୱିକେଟରେ କିଛି ଅଛି, ତେବେ ଏହା ପ୍ରଥମ ଦିନରେ ହିଁ ଘଟିବ। ଦଳରେ ତିନୋଟି ପରିବର୍ତ୍ତନ ହୋଇଛି। ରେଡ୍ଡୀ, ୱାଶିଂଟନ ଓ ଆକାଶଦୀପ ଦଳକୁ ଫେରିଛନ୍ତି। ବୁମ୍ରା ଖେଳୁ ନାହାଁନ୍ତି। ତାଙ୍କର କାର୍ଯ୍ୟଭାର ପରିଚାଳନା ପାଇଁ ଏହି ନିଷ୍ପତ୍ତି ନିଆଯାଇଛି। ଆମେ ଏକ ଭଲ ବିରତି ପାଇଛୁ ଏବଂ ଏହା ଆମ ପାଇଁ ଏକ ଗୁରୁତ୍ୱପୂର୍ଣ୍ଣ ମ୍ୟାଚ୍।"

Add Zee News as a Preferred Source

ଭାରତର ପ୍ଲେଇଂ ଇଲେଭେନ୍: ଯଶସ୍ୱୀ ଜୟସୱାଲ, କେଏଲ ରାହୁଲ, କରୁଣ ନାୟାର, ଶୁବମନ ଗିଲ (ଅଧିନାୟକ), ରିଷଭ ପନ୍ତ (ୱିକେଟକିପର), ନୀତିଶ କୁମାର ରେଡ୍ଡୀ, ରବିନ୍ଦ୍ର ଜାଡେଜା, ୱାଶିଂଟନ ସୁନ୍ଦର, ଆକାଶ ଦୀପ, ମହମ୍ମଦ ସିରାଜ, ପ୍ରସିଦ୍ଧ କ୍ରିଷ୍ଣା।

ଇଂଲଣ୍ଡର ପ୍ଲେଇଂ ଇଲେଭେନ୍: ଜାକ କ୍ରଲି, ବେନ୍ ଡକେଟ, ଓଲି ପୋପ୍, ଜୋ ରୁଟ୍, ହ୍ୟାରି ବ୍ରୁକ୍, ବେନ୍ ଷ୍ଟୋକ୍ସ (ଅଧିନାୟକ), ଜେମି ସ୍ମିଥ୍ (ୱିକେଟକିପର), କ୍ରିସ୍ ୱକ୍ସ, ବ୍ରାଇଡନ୍ କାର୍ସେ, ଜୋଶ୍ ଟଙ୍ଗ୍, ସୋଏବ୍ ବଶିର।