Daitari Panda: ‘ଭାବପ୍ରବଣତା ହୋଇ ମୁଖ୍ୟମନ୍ତ୍ରୀଙ୍କୁ ଜଗନ୍ନାଥ କହି ଦେଇଥିଲି’

 Daitari Panda: ମୁଖ୍ୟମନ୍ତ୍ରୀଙ୍କୁ ଜଗନ୍ନାଥଙ୍କ ସହ ତୁଳନା କରି ଟ୍ରୋଲର ଶିକାର ହୋଇଥିଲେ ଯାତ୍ରା ଜଗତର ପ୍ରଖ୍ୟାତ ଭିଲେନ କଳାକାର ଦୈତାରୀ ପଣ୍ଡା। ବିଭିନ୍ନ ମହଲରୁ ସମାଲୋଚନା ହେବା ପରେ ଆଜି ଶ୍ରୀମନ୍ଦିର ଆସି ମହାପ୍ରଭୁଙ୍କୁ କ୍ଷମା ମାଗିଲେ ଦୈତାରୀ ପଣ୍ଡା। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଜଗତର ନାଥ ଜଗନ୍ନାଥଙ୍କ ସହ ତୁଳନା କରି ବିବାଦରେ ଥିଲେ ଦୈତାରୀ ପଣ୍ଡା। ପ୍ରଥମେ ସିଂହଦ୍ଵାର ଥାନାକୁ ଯିବା ପରେ ଶ୍ରୀମନ୍ଦିର ଯାଇ ମହାପ୍ରଭୁଙ୍କୁ ଦର୍ଶନ କରି କ୍ଷମା ପ୍ରାର୍ଥନା କରିଛନ୍ତି।

ସବୁଆଡୁ ବିରୋଧର ସ୍ୱର ତେଜିବା ପରେ ଶେଷରେ ଶ୍ରୀମନ୍ଦିର ଆସି ନିଜେ ଦେଇଥିବା ଏଭଳି ମନ୍ତବ୍ୟ ପାଇଁ ପଶ୍ଚାତାପ କରିଥିବା କହିଛନ୍ତି ଦୈତାରୀ ପଣ୍ଡା। ତେବେ ଭାବପ୍ରବଣତା ହୋଇ ସେ ଏଭଳି ମନ୍ତବ୍ୟ ଦେଇଥିବା କହିଛନ୍ତି। ତେବେ ବିଜେଡିର ଅନେକ ନେତା ମୁଖ୍ୟମନ୍ତ୍ରୀଙ୍କୁ ଜଗନ୍ନାଥଙ୍କ ସହ ତୁଳନା କରିବା ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି ଦୈତାରୀ ପଣ୍ଡା।

ନୂଆ ନୂଆ ଯାତ୍ରା କଳାକାରରୁ ନେତା ହେଇଥିବା ଦୈତାରୀ ପଣ୍ଡା ଜଗନ୍ନାଥଙ୍କୁ ଅପମାନ ଦେଉଛନ୍ତି । ନବୀନ କୁଆଡେ ଓଡିଶାର ଜଗନ୍ନାଥ । pic.twitter.com/D3V3AMvbw3

— ଭୋଟ୍ ପାଇଁ ବାୟା (@votepainbaya) January 30, 2024

ଏଭଳି ମନ୍ତବ୍ୟ କେହି ଦେବା ଉଚିତ ନୁହେଁ ବୋଲି କହିଛନ୍ତି ଦୈତାରୀ ପଣ୍ଡା। ସେପଟେ ଯାତ୍ରା ଜଗତ ଅଭିନେତ୍ରୀ ରାଣୀ ପଣ୍ଡାଙ୍କ ସୋସିଆଲ ମିଡିଆ ପ୍ରତିକ୍ରିୟା ଉପରେ ମଧ୍ୟ ଦୈତାରୀ ପଣ୍ଡା ପ୍ରତିକ୍ରିୟା ରଖିଛନ୍ତି। ପ୍ରତ୍ୟକ ଦିନ ରାଣୀ ପଣ୍ଡା ସୋସିଆଲ ମିଡିଆରେ ଦୈତାରୀ ପଣ୍ଡାଙ୍କୁ ଗାଳିଗୁଲଜ କରୁଥିବାରୁ ମହାପ୍ରଭୁ ତାଙ୍କର ମଙ୍ଗଳ କରନ୍ତୁ ବୋଲି କହିଛନ୍ତି।