Anti terror mock exercise: ପୁରୀରେ ଆଣ୍ଟି-ଟେରୋର ମକ୍ ଡ୍ରିଲ୍

Anti terror mock exercise: ଆସନ୍ତା ୨୭ରେ ବିଶ୍ବପ୍ରସିଦ୍ଧ ଘୋଷଯାତ୍ରା। କୁମ୍ଭମେଳା ପରେ ରଥଯାତ୍ରା ହେଉଛି ଦେଶର ବୃହତ ଯାତ୍ରା ଯେଉଁଥିରେ ଦଶ ଲକ୍ଷରୁ ଉର୍ଦ୍ଧ୍ବ ଭକ୍ତଙ୍କ ସମାଗମ ହୋଇଥାଏ। ଏଣୁ ଦେଶର ସାମ୍ଭାବ୍ୟ ପରିସ୍ଥିତିକୁ ଦୃଷ୍ଟିରେ ରଖି ଆଜି ପୁରୀ ରେଳଷ୍ଟେସନରେ ଏକ Anti-Terror mock exercise କରାଯାଇଛି। ଅବିକଳ ଆତଙ୍କବାଦୀଙ୍କ ଭଳି ଟ୍ରେନ୍ ହାଇଯାକ, ଯାତ୍ରୀ ଓ ରେଲୱେ କର୍ମଚାରୀଙ୍କୁ ଭୟଭୀତ କରି ରଖିବା, ଟ୍ରେନରେ ନିଆଁ ଲଗାଇବା, କିଛି ଲୋକୁ୍କୁ ଫାୟାରିଂ କରିବା ଆଦି ଅନେକ ପ୍ରକାରର ମକଡ୍ରୀଲ କରାଯାଇଥିଲା। 

ତେବେ ଏହି ମକଡ୍ରିଲକୁ ବିଭିନ୍ନ ବିଭାଗ ପକ୍ଷରୁ ପୁରୀ ଷ୍ଟେସନରେ ଅତି ନିଖୁଣତାରର ସହ ପ୍ରଦର୍ଶନ କରିଥିଲେ। ପ୍ରଥମେ ରେଳ ଷ୍ଟେସନ ଗେଷ୍ଟହାଉସ ପଟୁ ଷ୍ଟେସନ ଭିତରକୁ ଅନୁପ୍ରବେଶ କରିଥିଲେ ୩ଜଣ ଆତଙ୍କବାଦୀ । ତିନି ଚାରୀ ନମ୍ବର ପ୍ଲାଟଫର୍ମରେ ଏଣ୍ଟ୍ରି କରିଥିଲେ। ତାପରେ ଏନଏସଜି ଟିମ୍,ଷ୍ଟୁ, ଆରପିଏଫ ,ଜିଆରପି ଆଦି ୧୧ଟି ଟିମ୍ ଅପରେଶନର ଅବିକଳ ପ୍ରଦର୍ଶନ କରିଥିଲେ। ପୁରୀ ଏସପି ସେମାନଙ୍କ ମକଡ୍ରିଲକୁ ନେଇ ପ୍ରଶଂସା କରିଥିଲେ।

ପୁରୀ ରେଳୱେ ଷ୍ଟେସନର ମକ୍ ଡ୍ରିଲ। ରଥ ଯାତ୍ରା ରେ ଲକ୍ଷାଧିକ ଭକ୍ତ ଓ ଯାତ୍ରୀ ପୁରୀ ଆସିବାକୁ ଥିବାରୁ ଯଦି ଷ୍ଟେସନ ରେ ଆତଙ୍କବାଦୀ ଆକ୍ରମଣ ଘଟେ ଏହାକୁ କିଭଳି ମୁକାବିଲା କରିହେବ ସେ ନେଇ ଓଡ଼ିଶା ପୋଲିସ ଓ ରେଲୱେ ସୁରକ୍ଷା ବାହିନୀ ଏହି ମକ୍ ଡ୍ରିଲ କରିଥିଲେ। ଓଡ଼ିଶା ପୋଲିସ ର ଚଦ୍ମ ବେଶ୍ ଧାରି 3 ଜଣ ଆତଙ୍କବାଦୀ ପୁରୀ ରେଳୱେ ଷ୍ଟେସନ ରେ ରେଳୱେ ସୁରକ୍ଷା ବାହିନୀ କୁ ଆକ୍ରମଣ କରି ଷ୍ଟେସନ ରେ ପ୍ରବେଶ କରିଥିଲେ। ପରେ ଆତଙ୍କବାଦୀ ମାନେ ଏକ ନମ୍ୱର ଓ ଦୁଇ ନମ୍ୱର ପ୍ଲାଟ ଫର୍ମ ରେ ଥିବା ଯାତ୍ରୀ ଙ୍କୁ ଗୁଳି କରିଥିଲେ। ପରେ 3 ନମ୍ୱର ପ୍ଳାଟ ଫର୍ମ ରେ ଥିବା ତପସ୍ଵିନୀ ଏକ୍ସପ୍ରେସ କୁ ହାଇଯାକ କରିଥିଲେ।

 ପରେ ରେଳୱେ ପୋଲିସ ଆସି ଆତଙ୍କବାଦୀ ଙ୍କୁ ଧରିବାକୁ ଚେଷ୍ଟା କଲେ ହେଲେ ବିଫଳ ହେଲେ। ପରେ ଓଡ଼ିଶା ପୋଲିସର ସ୍ବତନ୍ତ୍ର stu କମାଣ୍ଡୋ ମାନେ ଲୋକଙ୍କୁ ଆତଙ୍କବାଦୀ ଙ୍କ କବଳ ରୁ ରକ୍ଷା କରିଥିଲେ। ସବୁ 3 ଆତଙ୍କବାଦୀ ଙ୍କୁ ହତ୍ୟା କରିଥିଲେ। ପରେ ଅଗ୍ନିଶମ ବାହିନୀ ଆସି ରେଳୱେ ଷ୍ଟେସନରେ ଲାଗିଥିବା ନିଆଁକୁ ଆୟତ କରିଥିଲେ। ଓଡରାଫ ଟିମ୍ ଆସି ଆହତ ଯାତ୍ରୀଙ୍କୁ ଉଦ୍ଧାର କରିଥିଲା। ତେବେ ଏହି ମକ ଡ୍ରିଲ ଯୋଗୁ ଆତଙ୍କବାଦୀ ଆକ୍ରମଣରେ କିଭଳି ମୁକାବିଲା କରିହେବ ସେ ନେଇ ପ୍ରସ୍ତୁତି ହୋଇଥିବା ଆର ପି ଏଫ୍ ଓ ଜିଆରପୀ ଅଧିକାରୀ କହିଛନ୍ତି।

 ପୁରୀ ଏସପି ବିନୀତ ଅଗ୍ରୱାଲ ନିଜ ପ୍ରତିକ୍ରିୟା କହିଛନ୍ତି, ଆଗାମୀ ରଥ ଯାତ୍ରାର ସୁରକ୍ଷା ପାଇଁ ଏହା ଆମର ପ୍ରସ୍ତୁତିର ଏକ ଅଂଶ। ଆତଙ୍କବାଦୀ ଆକ୍ରମଣ ହେଲେ ଆମ ସୁରକ୍ଷା ବାହିନୀ କିଭଳି ମୁକାବିଲା କରିବେ ସେ ନେଇ ଆମର 11 ଟି ବିଭାଗ ସାମିଲ ଥିଲା ଏହି ମକ ଡ୍ରିଲ୍। ପୋଲିସ, ଓଡରଫ, stu, sog, rpf, grp, ଅଗ୍ନିଶମ ବିଭାଗ, ସ୍ବାସ୍ଥ୍ୟ ବିଭାଗ ଏଥିରେ ସାମିଲ ହୋଇଥିଲେ। ତେବେ ସାମ୍ଭାବ୍ୟ ପରିସ୍ଥିତିକୁ ନେଇ ପୁରୀ ରେଳଷ୍ଟେସନରେ ହୋଇଥିବା Anti-Terror mock exercise ଆତଙ୍କବାଦୀଙ୍କୁ ପ୍ରତିହତ କରିବା ପାଇଁଁ ଏହା କେତେଦୂର ଫଳପ୍ରଦ ହେବ ସମୟ କହିବ।