Raja Chakra: ରାଜାଚକ୍ରଙ୍କର ପୁଣି ବଢ଼ିଲା ଅଡ଼ୁଆ

Raja Chakra: ରାଜାଚକ୍ରଙ୍କର ପୁଣି ବଢ଼ିଲା ଅଡ଼ୁଆ। ଆଜି ରାଜା ଚକ୍ରଙ୍କୁ ବାଲେଶ୍ଵର ଜେଲ୍ ରୁ ଆଣି କେନ୍ଦୁଝର SDJM କୋର୍ଟରେ ହାଜର କରାଯାଇଥିବା ବେଳେ, କେନ୍ଦୁଝର ସଦର ଥାନାର ଏକ କେସ୍ ରେ ରାଜା ଚକ୍ର ଙ୍କ ବେଲ୍ ଖାରଜ ହୋଇଛି। ଫଳରେ, ପୁଣି ଜେଲ ଯାଇଛନ୍ତି ରାଜା ଚକ୍ର ଓ ତାଙ୍କ ସହଯୋଗୀ । ପୁଣି ବଢିଛି ରାଜା ଚକ୍ର ଙ୍କର ଅଡ଼ୁଆ। ଶୁଆକାଟି ସ୍ଥିତ ଗନ୍ଧମାର୍ଦ୍ଧନ କୋଅପରେଟିଭ ଲୋଡିଙ୍ଗ ସୋସାଇଟି ଅର୍ଥ ହେରଫେର ମାମଲାରେ ଗିରଫ ହୋଇ ଜେଲରେ ଅଛନ୍ତି ରାଜା ଚକ୍ର ଓ ତାଙ୍କ ସହଯୋଗୀ, ସୋସାଇଟିର ପୂର୍ବତନ ସଭାପତି ମାନସ ବାରିକ ଓ ସମ୍ପାଦକ ଉତ୍ପଳ ଦାସ। 

ଏମାନେ ଶୁଆକାଠୀ ସ୍ଥିତ ଜନୈକ ବ୍ୟକ୍ତିଙ୍କୁ ବନ୍ଧୁକ ଦେଖାଇ ଧମକ ଦେଇ ଜୋର ଜବରଦସ୍ତ ପଇସା ନେବା ଘଟଣାରେ ସଦର ଥାନାରେ ୧୮୪ ନମ୍ବର ରେ ଏକ ମାମଲା ରୁଜୁ ହୋଇଥିଲା । ଯାହାକୁ ନେଇ ଆଜି ଏମାନଙ୍କୁ କଡା ସୁରକ୍ଷା ମଧ୍ୟରେ କେନ୍ଦୁଝର SDJM କୋଟ ରେ ହାଜର କରାଯାଇଥିଲା । ଏହି କେଶ ମଧ୍ୟରେ ରାଜାଙ୍କର ୨ଟି ଓ ତାଙ୍କ ସହଯୋଗୀଙ୍କ ଗୋଟିଏ ; ସମୁଦାୟ ୩ଟି କେସ୍ ଥିଲା । ସେଥିମଧ୍ୟରୁ GR କେସ୍ ନମ୍ବର 53 ଓ 54 ରେ ରାଜା ଚକ୍ର ମାନ୍ୟବର ଉଚ୍ଚ ନ୍ୟାୟାଳୟରୁ ଆନ୍ତରୀଣ ଜାମିନ୍ ରେ ଅଛନ୍ତି । 

ଅନ୍ୟ ଟି କେନ୍ଦୁଝର ସଦର ଥାନା କେ ସ୍ ନମ୍ବର ୧୮୪/୨୫, ଯାହାକି, GR 645/25 ନମ୍ବର କେସ୍ ରେ ରାଜା ଚକ୍ର ଓ ତାଙ୍କ ସହଯୋଗୀଙ୍କର ଜାମିନ୍‌ ଆବେଦନ ଖାରଜ ହୋଇଛି । ଫଳରେ ରାଜା ଓ ତାଙ୍କ ସହଯୋଗୀଙ୍କୁ ପୁଣିଥରେ ଜେଲ ଯିବାକୁ ପଡିଛି । ହେଲେ ଏହି କେ ସ୍ କୁ କ୍ରାଇମବ୍ରାଞ୍ଚର CB CID ହାତକୁ ନେଇଥିବାରୁ, ଘଟଣାର ଅଧିକା ପଚରାଉଚୁରା କରିବାକୁ କ୍ରାଇମବ୍ରାଞ୍ଚର CID CB କେନ୍ଦୁଝର କୋର୍ଟ ରେ ଆବେଦନ କରିପାରନ୍ତି ।