Road Accident: ଖୋର୍ଦ୍ଧାର ବାଲୁଗାଁ ନିକଟରେ ଓଲଟିାଲ ବସ୍, ୮ ଆହତ

Road Accident: ଖୋର୍ଦ୍ଧା ଜିଲ୍ଲାରୁ ଦୁର୍ଭାଗ୍ୟଜନକ ଘଟଣା ସାମ୍ନାକୁ ଆସିଛି। ଶନିବାର ଦିନ ଖୋର୍ଦ୍ଧା ଜିଲ୍ଲାର ବାଲୁଗାଁ ଥାନା ଅନ୍ତର୍ଗତ ପାଇକା କୁସାଡିହା ଛକ ନିକଟରେ NH 16 ରେ ପ୍ରାୟ ୫୦ ଜଣ ଯାତ୍ରୀଙ୍କୁ ନେଇ ଯାଉଥିବା ଏକ ବସ୍ ଓଲଟି ପଡ଼ିଛି।

Balugaan Road Accident: ଖୋର୍ଦ୍ଧାରୁ ଦୁର୍ଭାଗ୍ୟଜନକ ଘଟଣା ସାମ୍ନାକୁ ଆସିଛି। ଶନିବାର ଦିନ ଖୋର୍ଦ୍ଧା ଜିଲ୍ଲାର ବାଲୁଗାଁ ଥାନା ଅନ୍ତର୍ଗତ ପାଇକା କୁସାଡିହା ଛକ ନିକଟରେ NH 16 ରେ ପ୍ରାୟ ୫୦ ଜଣ ଯାତ୍ରୀଙ୍କୁ ନେଇ ଯାଉଥିବା ଏକ ବସ୍ ଓଲଟି ପଡ଼ିଛି। ସୌଭାଗ୍ୟବଶତଃ ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି। ଯଦିଓ ଆଠ ଜଣ ଆହତ ହୋଇଛନ୍ତି ଏବଂ ସମସ୍ତ ଆହାତ ମାନଙ୍କୁ ବାଲୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି। ଆହତ ଯାତ୍ରୀମାନେ ଏବେ ବିପଦମୁକ୍ତ ଥିବା ଜଣା ପଡିଛି।

'ସିଲ୍କ ସିଟି' ନାମକ ବସ୍‌ଟି ଭୁବନେଶ୍ୱରରୁ ବ୍ରହ୍ମପୁର ଯାଉଥିବା ବେଳେ ଦୁର୍ଘଟଣା ଘଟିଥିଲା। ରିପୋର୍ଟ ଅନୁଯାୟୀ, ପାଇକା କୁସାଡିହା ଛକ ନିକଟରେ ବସ୍‌ଟି ଏକ ମୋଡ଼ ନେଇ ଅନ୍ୟ ଏକ ଗାଡ଼ିକୁ ଓଭରଟେକ୍ କରିବା ସମୟରେ ରାସ୍ତାରୁ ଖସି ପଡ଼ିଥିଲା।

Add Zee News as a Preferred Source

ସ୍ଥାନୀୟ ଲୋକମାନେ ଆହତ ଯାତ୍ରୀମାନଙ୍କୁ ଉଦ୍ଧାର କରି ଆମ୍ବୁଲାନ୍ସ ମାଧ୍ୟମରେ ସ୍ୱାସ୍ଥ୍ୟକେନ୍ଦ୍ରକୁ ସ୍ଥାନାନ୍ତର କରିଥିଲେ। ପରିସ୍ଥିତିର ମୂଲ୍ୟାଙ୍କନ କରିବା ପାଇଁ ସ୍ଥାନୀୟ ବାଲୁଗାଁ ପୋଲିସ ଷ୍ଟେସନ୍‌ର ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ କରୁଛି।