Bhubaneswar Metro extension: ନୂଆ DPR ଉପରେ କାମ ଚାଲିଛି, କଟକ ବଡ଼ ମେଡିକାଲ ଯାଏଁ ଗଡିବ ମେଟ୍ରୋ

Bhubaneswar Metro extension: ରାଜ୍ୟ ସରକାର ଗୁରୁବାର ଦିନ ଆଗାମୀ ଭୁବନେଶ୍ୱର ମେଟ୍ରୋ ରେଳ ପ୍ରକଳ୍ପର ଏକ ଗୁରୁତ୍ୱପୂର୍ଣ୍ଣ ସମ୍ପ୍ରସାରଣ ବିଷୟରେ ଅପଡେଟ୍ ଦେଇଛନ୍ତି। ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ରଙ୍କ ଅନୁସାରେ ଭୁବନେଶ୍ୱର ମେଟ୍ରୋ ପ୍ରକଳ୍ପ ବର୍ତ୍ତମାନ ତ୍ରିଶୁଳିଆ ପରିବର୍ତ୍ତେ କଟକ ବଡ ମେଡିକାଲ ଯାଏଁ ସଂପ୍ରସାରଣ ହେବ।

ରାଜ୍ୟ ସରକାର ଗୁରୁବାର ଦିନ ଆଗାମୀ ଭୁବନେଶ୍ୱର ମେଟ୍ରୋ ରେଳ ପ୍ରକଳ୍ପର ଏକ ଗୁରୁତ୍ୱପୂର୍ଣ୍ଣ ସମ୍ପ୍ରସାରଣ ବିଷୟରେ ଅପଡେଟ୍ ଦେଇଛନ୍ତି। ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ରଙ୍କ ଅନୁସାରେ ଭୁବନେଶ୍ୱର ମେଟ୍ରୋ ପ୍ରକଳ୍ପ ବର୍ତ୍ତମାନ ତ୍ରିଶୁଳିଆ ପରିବର୍ତ୍ତେ କଟକ ବଡ ମେଡିକାଲ ଯାଏଁ ସଂପ୍ରସାରଣ ହେବ।

ପ୍ରଥମେ ଭୁବନେଶ୍ୱରର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରୁ ତ୍ରିସୁଳିଆ ପର୍ଯ୍ୟନ୍ତ ମେଟ୍ରୋ ଚଳାଚଳ କରିବାକୁ ଯୋଜନା କରାଯାଇଥିଲା କିନ୍ତୁ ଏବେ ମେଟ୍ରୋ ଲାଇନ ତ୍ରିସୁଳିଆ ବାହାରକୁ ଯାଇ କଟକର ନେତାଜୀ ବସ୍ ଟର୍ମିନାଲ ପର୍ଯ୍ୟନ୍ତ ବିସ୍ତାର ହେବ ଓ ଏହା ପରେ ଏହାକୁ SCB MCH ପର୍ଯ୍ୟନ୍ତ ବିସ୍ତାର କରାଯିବ।

Add Zee News as a Preferred Source

ଗୃହ ନିର୍ମାଣ ଓ ନଗର ଉନ୍ନୟନ ମନ୍ତ୍ରୀ କୃଷ୍ଣ ଚନ୍ଦ୍ର ମହାପାତ୍ର ଏକ ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି ଏବଂ ଏହି ସମ୍ପ୍ରସାରଣର ଆବଶ୍ୟକତା ଉପରେ ଗୁରୁତ୍ୱାରୋପ କରିଛନ୍ତି। ସାମ୍ବାଦିକ ସମ୍ମିଳନୀରେ ମନ୍ତ୍ରୀ କହିଛନ୍ତି "ତ୍ରିସୁଳିଆ ପର୍ଯ୍ୟନ୍ତ ମେଟ୍ରୋର ପୂର୍ବ ଯୋଜନା ଯାତ୍ରୀମାନଙ୍କ ପାଇଁ ଲାଭଦାୟକ ହୋଇନଥାନ୍ତା କାରଣ କଟକ ସହରକୁ ସଂଯୋଗ କରିବା ପାଇଁ ଏକ ଲିଙ୍କ ଆବଶ୍ୟକ ଥିଲା। ଏବେ ଯାତ୍ରୀମାନଙ୍କ ଆବଶ୍ୟକତା ପୂରଣ କରିବା ଏବଂ କଟକ ବସ୍ ଷ୍ଟାଣ୍ଡ ଏବଂ SCB MCH ପର୍ଯ୍ୟନ୍ତ ପହଞ୍ଚିବା ପାଇଁ ମେଟ୍ରୋ ଲାଇନକୁ ବିସ୍ତାର କରାଯିବ।"

ସେ ଏହା ମଧ୍ୟ କହିଛନ୍ତି ଯେ ସମ୍ଭାବ୍ୟତା ଅଧ୍ୟୟନ କରିବା ଏବଂ ସବୁଠାରୁ ଦକ୍ଷ ମାର୍ଗ ସୁପାରିଶ କରିବା ପାଇଁ ପ୍ରମୁଖ ସଚିବ, ପ୍ରଶାସନିକ ଅଧିକାରୀ ଏବଂ ବୈଷୟିକ ବିଶେଷଜ୍ଞଙ୍କୁ ନେଇ ଏକ ଉଚ୍ଚସ୍ତରୀୟ କମିଟି ଗଠନ କରାଯାଇଛି। ସେମାନଙ୍କ ତଥ୍ୟ ଆଧାରରେ ଭୁବନେଶ୍ୱର ଏବଂ କଟକକୁ ମେଟ୍ରୋ ଅଧିକ ପ୍ରଭାବଶାଳୀ ଭାବରେ ସଂଯୋଗ କରିବା ପାଇଁ ବିସ୍ତାରିତ ରୁଟ୍ ଅନ୍ତର୍ଭୁକ୍ତ କରିବା ପାଇଁ ଏକ ସଂଶୋଧିତ ବିସ୍ତୃତ ପ୍ରକଳ୍ପ ରିପୋର୍ଟ (DPR) ପ୍ରସ୍ତୁତ କରାଯାଉଛି।

ପ୍ରଥମେ ୨୦ଟି ଷ୍ଟେସନ ସହିତ ୨୬ କିଲୋମିଟର ଲମ୍ବା ମେଟ୍ରୋ କରିଡରର ପ୍ରାରମ୍ଭିକ ଆନୁମାନିକ ଖର୍ଚ୍ଚ ୬,୨୫୫ କୋଟି ଟଙ୍କା ଥିଲା। ଯାହା ସମ୍ପୂର୍ଣ୍ଣ ଭାବରେ ରାଜ୍ୟ ସରକାର ବହନ କରିବେ କିନ୍ତୁ ସାମ୍ପ୍ରତିକ ଘଟଣାକ୍ରମ ସହଯୋଗୀ ପାଣ୍ଠି ଆଡକୁ ଏକ ପରିବର୍ତ୍ତନକୁ ସୂଚିତ କରୁଛି। ମନ୍ତ୍ରୀ ମହାପାତ୍ର ନିଶ୍ଚିତ କରିଛନ୍ତି ଯେ କେନ୍ଦ୍ର ସରକାର ଏବେ ମେଟ୍ରୋ ପାଇଁ ପାଣ୍ଠି ଯୋଗାଇବେ। 

ମନ୍ତ୍ରୀ କହିଛନ୍ତି, "ଏହି ମହତ୍ୱାକାଂକ୍ଷୀ ପ୍ରକଳ୍ପର ସୁଗମ ଏବଂ ଦ୍ରୁତ କାର୍ଯ୍ୟାନ୍ୱୟନ ପାଇଁ କେନ୍ଦ୍ର ନିଶ୍ଚିତ ଭାବରେ ସମସ୍ତ ଆବଶ୍ୟକୀୟ ସହାୟତା ଯୋଗାଇବ ଏବଂ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ନେତୃତ୍ୱାଧୀନ ସରକାର ଏହା ସମୟସୀମା ମଧ୍ୟରେ ସମାପ୍ତି କରିବାକୁ ସୁନିଶ୍ଚିତ କରିବ।"