Magha Saptami 2024: ଏହି ଦିନ ମାଘ ସପ୍ତମୀ, ଚନ୍ଦ୍ରଭାଗାରେ ବୁଡ଼ ପକାଇବା ପାଇଁ ହୋଇଛି ସ୍ବତନ୍ତ୍ର ବ୍ୟବସ୍ଥା

Magha Saptami 2024: ପାଖେଇ ଆସୁଛି ମାଘ ସପ୍ତମୀ (Magha Saptami 2024) । ଆସନ୍ତା ୧୬ ତାରିଖରେ (ଫେବୃଆରୀ ୧୬) ମାଘ ସପ୍ତମୀ (Magha Saptami on February 16) । ଏ ଅବସରରେ ଚନ୍ଦ୍ରଭାଗାର ବୁଡ଼ର ରହିଛି ନିଆରା ପରମ୍ପରା।  ବଡ଼ି ଭୋରୁ ଚନ୍ଦ୍ରଭାଗାରେ ବୁଡ଼ ପକାଇଲେ କୋଟିପୂଣ୍ୟ ପ୍ରାସ୍ତ ହୋଇଥାଏ ବୋଲି ଲୋକ ବିଶ୍ବାସ ରହିଛି। ଏ-ନେଇ ପ୍ରଶାସନ ପକ୍ଷରୁ ପ୍ରସ୍ତୁତି ଚୁଡାନ୍ତ ପର୍ଯ୍ୟାୟରେ ପହଞ୍ଚିଛି। କେବଳ ସେତିକି ନୁହେଁ ବୁଡ଼ ପକାଇବା ପାଇଁ ନୀତି ନିର୍ଘଣ୍ଟ ମଧ୍ୟ ସ୍ଥିର ହୋଇଛି।  

କିନ୍ତୁ ତା ପୂର୍ବରୁ ୧୫ ତାରିଖ ଦିନ ବିଳମ୍ବିତ ରାତିରେ ପରମ୍ପରା ଅନୁଯାୟୀ, ମାଧିପୂରର ତ୍ରିବେଣୀଶ୍ୱର ମହାପ୍ରଭୁ, କୁରୁଜଙ୍ଗରେ ଦକ୍ଷିଣେଶ୍ୱର ଓ ସନ୍ତପୁରରେ ଐଶାଣେଶ୍ୱର ମହାପ୍ରଭୁ ତିନି ଠାକୁରଙ୍କୁ ଏକାଠି ହୋଇ ବିଳମ୍ବିତ ରତି ( ରାତ୍ର ୧୨) ଟାରେ ତିନି ଠାକୁର କୋଣାର୍କ ଏନଏସି ମଣ୍ଡପରେ ଏକତ୍ରିତ ପରେ ଭୋଗ ଲାଗି ହେବ। ଏହାପରେ, ତିନି ଠାକୁର ଚନ୍ଦ୍ରଭାଗା ଅଭିମୁଖେ ବାହାରିବେ। ତିଥି ନିର୍ଘଣ୍ଟ ଅନୁସାରେ, ୧୬ ତାରିଖ (ଶୁକ୍ରବାର)  ଭୋର ୪ଟା ୩୪ ମିନିଟ୍ ରେ ନୀତି କାନ୍ତି ଧାର୍ଯ୍ୟ ହୋଇଛି। ପ୍ରଥମେ ସାଧୁସନ୍ଥଙ୍କ ଦ୍ୱାରା ମହାଆଳତି ପରେ ବୁଡ଼ ପକାଇବେ ଶ୍ରଦ୍ଧାଳୁ । ଏବଂ ୩ ଠାକୁର ତ୍ରିବେଣୀଶ୍ୱର, ଦକ୍ଷିଣେଶ୍ୱର ଏବଂ ଐଶାନେଶ୍ୱର ମହାପ୍ରଭୁ ରାତ୍ର ୩ଟା ୩୦ରେ ପାରମ୍ପରିକ ଶୋଭାଯାତ୍ରାରେ ବାହାରି ଚନ୍ଦ୍ରଭାଗା ତୀର୍ଥ ମଣ୍ଡପରେ ପହଞ୍ଚି ମହାସ୍ନାନ କରିବେ। ଏବଂ ପରେ ଚନ୍ଦ୍ରଭାଗାରରେ ଶ୍ରଦ୍ଧାଳୁ ବୁଡ଼ ପକାଇବେ। 

ସେପଟେ,  ୧୬ ତାରିଖରୁ ଖଣ୍ତଗିରିରେ ମାଘ ମେଳା ଆରମ୍ଭ ହେବାକୁ ଯାଉଛି।  ଫେବୃଆରୀ ୧୬ ତାରିଖରୁ ଆରମ୍ଭ ହୋଇ ୨୪ ତାରିଖ ପର୍ଯ୍ୟନ୍ତ ଚାଲିବ । ଏହି ମେଳାକୁ ରାଜ୍ୟ ତଥା ରାଜ୍ୟ ବାହାରୁ ଶହ ଶହ ସାଧୁସନ୍ଥଙ୍କ ଆଗମନ ହୋଇଥାଏ । ଖଣ୍ଡଗିରିରେ ଥିବା ବହୁ ପୁରାତନ ଗୁମ୍ପାଗୁଡିକରେ ସାଧୁସନ୍ଥମାନେ ତପସ୍ୟା କରିଥାନ୍ତି । ଏହି କୁମ୍ଭମେଳା ବା ଖଣ୍ଡଗିରି ମେଳା ୧୯୯୩ ମସିହାରୁ ହରିଓମ୍ ବାବା ମଠ ଏହି ମେଳାକୁ ପରିଚାଳିତ କରିଆସୁଛି । ତେବେ ଗତ ବର୍ଷ ମେଳାକୁ ଆସିଥିଲେ ରାଜ୍ୟ ତଥା ରାଜ୍ୟ ବାହାରୁ ୭୫୭ ସାଧୁସନ୍ଥ । ଚଳିତବର୍ଷ ଆହୁରି ଅଧିକ ସାଧୁସନ୍ଥଙ୍କ ସମାଗମ ହେବ ବୋଲି ଆଶା କରାଯାଇଛି ।