Odisha News: ଚାକିରି ଦେବା ନାଁରେ ଠକେଇ, ଲକ୍ଷାଧିକ ଟଙ୍କା ସହ ୯୨ ପାସପୋର୍ଟ ଜବତ

Odisha News: ବେକାରୀ ଯୁବକଙ୍କୁ ବିଦେଶରେ ଚାକରି ଦେବା ନାଁରେ ଲକ୍ଷାଧିକ ଟଙ୍କା ଠକେଇ କରିଥିବା ଅଭିଯୋଗରେ ୩ ଜଣ ଅଭିଯୁକ୍ତଙ୍କୁ ଗିରଫ ହୋଇଛନ୍ତି। ସେମାନଙ୍କ ଠାରୁ ବିପୁଳ ପରିମାଣର ପାସପୋର୍ଟ ଓ ଭିସାକୁ ମଧ୍ଯ ଜବତ କରିଛି ବ୍ରହ୍ମପୁର ପୋଲିସ୍। ଗିରଫ ତିନି ଜଣ ଅଭିଯୁକ୍ତ ହେଲେ ସି. ଏଚ୍. ମୋହନ ରେଡି,ପି. ସିମାଞ୍ଚଳ ଓ ଟି. ଦିଲେଶ୍ଵର ରାଓ।  ଏହା ସହ ପୋଲିସ୍ ଘଟଣାର ଅଧିକ ତଦନ୍ତ ଜାରି ରଖିଛି। 

ALSO READ: Gold Price Today: ବିବାହ ସିଜିନରେ ଖସିଲା ସୁନା-ରୂପା ଦର, ଜାଣନ୍ତୁ ଓଡିଶାରେ କେତେ ରହିଛି ସୁନା ଭରି?

ଅଭିଯୋଗ ମୁତାବକ ଗଞ୍ଜାମ ଜିଲ୍ଲାର ବିଭିନ୍ନ ଶିକ୍ଷିତ ବେକାରି ଯୁବକଙ୍କୁ କେନିଆରେ ମୋଟା ଅଙ୍କର ଦରମା ସହ ଚାକିରୀ ଦେବା ନାଁରେ ଜଣକ ପିଛା ପ୍ରାୟ ୫୦ ହଜାର ଟଙ୍କା ନେଇ ଟୁରିଷ୍ଟ ଭିସା ଓ ପାସପୋର୍ଟ ପ୍ରସ୍ତୁତ କରାଯାଇଥିଲା। ଯାହା ନକଲି ଥିବା ସନ୍ଦେହ ଆସିବା ପରେ ତିନି ଜଣ ଠକଙ୍କ ନାମରେ ଥାନାରେ ମାମଲା ରୁଜୁ କରିଥିଲେ ଟଙ୍କା ଦେଇଥିବା ବେକାରୀ ଯୁବକ। ଅଭିଯୋଗକୁ ଭିତ୍ତି କରି ପୋଲିସ ଭିଶାଖାପାଟଣାରୁ ତିନି ଜଣ ଅଭିଯୁକ୍ତଙ୍କୁ ଗିରଫ କରିବା ସହ ୯୨ ଟି ପାସପୋର୍ଟ ଜବତ କରିଛି। ଏହାସହ ପୋଲିସ୍ ଘଟଣାର ଅଧିକ ତଦନ୍ତ ଜାରି ରଖିଛି ବୋଲି ସୂଚନା ଦେଇଛନ୍ତି ବ୍ରହ୍ମପୁର ଏସପି।