 "Odisha News: ଇଟାଭାଟିରେ ଶ୍ୱାସରୁଦ୍ଧ ହୋଇ ୪ ମୃତ, ମୃତକଙ୍କ ଭିତରେ ରହିଛି...")
Odisha News: ଅଶୁଭ ଶନିବାର । ଇଟାଭାଟିରେ ଘଟିଗଲା ବଡ଼ ଅଘଟଣ। ଶ୍ବାସରୁଦ୍ଧ ହୋଇ ଚାଲିଜଣଙ୍କର ମୃତ୍ୟୁ ହୋଇଥିବା ଜଣାପଡିଛି। ତେବେ, ମୃତକଙ୍କ ମଧ୍ୟରେ ଜଣେ ୭ ବର୍ଷର ଶିଶୁ ରହିଥିବା ଜଣାପଡିଛ। ଢ଼େଙ୍କାନାଳ ଜିଲ୍ଲା କଣ୍ଟାବଣିଆ ଥାନା କମଳାଙ୍ଗ ନିକଟ ଇଟାଭାଟିରେ ଏହି ଅଘଟଣ ଘଟିଛି । ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। କିଭଳି ସ୍ଥିତିରେ ଏହି ଅଘଟଣ ଘଟିଲା ସେନେଇ ଛାନଭିନ୍ ଜାରି ରଖିଛି।
ସୂଚନା ଅନୁସାରେ, ଢେଙ୍କାନାଳ କଣ୍ଟାବଣିଆ ଥାନା କମଳାଙ୍ଗ ଗାଁରେ ଥିବା ଏକ ଇଟା ଭାଟିରେ କିଛି ଶ୍ରମିକ କାମ କରୁଥିଲେ। କାମ କରୁଥିବା ବେଳେ ହଠାତ୍ ୪ ଜଣ ପୋଡି ହୋଇଯାଇ ଶ୍ବାସରୁଦ୍ଧ ହୋଇଯାଇଥିଲେ। ରାତିରେ ଭାଟିରେ ନିଆଁ ଲଗାଇ ନିକଟରେ ଶୋଇଥିବା ବେଳେ ଏହି ଅଘଟଣ ଘଟିଥିବା କୁହାଯାଉଛି। ସମସ୍ତ ମୃତକ ଛତିଶଗଡ଼ର ବୋଲି ଜଣାପଡିଛି। ୪ ଜଣଙ୍କ ଭିତରେ ଜଣେ ୭ ବର୍ଷର ଶିଶୁ ଥିବା ଜଣାପଡିଛି। ବ୍ରାହ୍ମଣୀ ନଦୀକୂଳରେ ଇଟାଭାଟି ରହିଛି । ଗତ କିଛିଦିନ ତଳେ ମଧ୍ୟ ଦୁଇ ଶ୍ରମିକଙ୍କ ମୃତ୍ୟୁ ହୋଇଥିଲା। ଇଟାଭାଟି ଟି ବେଆଇନ ଭାବେ ଚାଲୁଥିଲା ବୋଲି ବିଶେଷ ସୂତ୍ରରୁ ସୂଚନା ମିଳିଛି। ମୃତଦେହକୁ ନିକଟରେ ଥିବା ଏକ ଘରୋଇ ପୋଷ୍ଟମର୍ଟମ୍ ପାଇଁ ପଠାଯାଇଛି। ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଜାରି ରଖିଛି ।
)