ସମ୍ବଲପୁର: ଲାଞ୍ଚ ନେବା ସମୟରେ ଅତିରିକ୍ତ ତହସିଲଦାରଙ୍କୁ ଗିରଫ କଲା ଓଡ଼ିଶା ଭିଜିଲାନ୍ସ

Additional Tehsildar arrested: ଶନିବାର ଦିନ ଓଡ଼ିଶା ରାଜସ୍ୱ ସେବା (ORS) ଅଧିକାରୀ ତଥା ସମ୍ବଲପୁର ଜିଲ୍ଲା ମାନେଶ୍ୱର ତହସିଲର ଅତିରିକ୍ତ ତହସିଲଦାର ଭୁବନାନନ୍ଦ ସାହୁଙ୍କୁ ୬୦୦୦ ଟଙ୍କା ଲାଞ୍ଚ ଦାବି କରିବା ଏବଂ ଗ୍ରହଣ କରିବା ଅଭିଯୋଗରେ ଓଡ଼ିଶା ଭିଜିଲାନ୍ସ ଗିରଫ କରିଛି।

Odisha Vigilance: ଶନିବାର ଦିନ ଓଡ଼ିଶା ରାଜସ୍ୱ ସେବା (ORS) ଅଧିକାରୀ ତଥା ସମ୍ବଲପୁର ଜିଲ୍ଲା ମାନେଶ୍ୱର ତହସିଲର ଅତିରିକ୍ତ ତହସିଲଦାର ଭୁବନାନନ୍ଦ ସାହୁଙ୍କୁ ୬୦୦୦ ଟଙ୍କା ଲାଞ୍ଚ ଦାବି କରିବା ଏବଂ ଗ୍ରହଣ କରିବା ଅଭିଯୋଗରେ ଓଡ଼ିଶା ଭିଜିଲାନ୍ସ ଗିରଫ କରିଛି। ଭୁବନାନନ୍ଦ ସାହୁ ଜଣେ ବ୍ୟକ୍ତି (ଅଭିଯୋଗକାରୀ)ଙ୍କଠାରୁ କୃଷି ଜମିକୁ ଅଣ-କୃଷି (ଘର) ବ୍ୟବହାରରେ ପରିଣତ କରିବା ଏବଂ ତାଙ୍କ ସପକ୍ଷରେ ରେକର୍ଡ ଅଫ୍ ରାଇଟ୍ସ (ROR) ଜାରି କରିବା ପାଇଁ ଲାଞ୍ଚ ଦାବି କରିଥିଲେ।

ସରକାରୀ ପ୍ରେସ୍ ରିଲିଜ୍ ଅନୁଯାୟୀ ସାହୁ ପ୍ରଥମେ ୧୦,୦୦୦ ଟଙ୍କା ଦାବି କରିଥିଲେ କିନ୍ତୁ ଆଲୋଚନା ପରେ ଏହାକୁ ୬,୦୦୦ ଟଙ୍କାକୁ ହ୍ରାସ କରିଥିଲେ। ଯେତେବେଳେ ସାହୁ ଲାଞ୍ଚ ବିନା ଅଭିଯୋଗକାରୀଙ୍କ ଅନୁରୋଧକୁ ପ୍ରକ୍ରିୟାକରଣ କରିବାକୁ ମନା କରିଦେଲେ ସେତେବେଳେ ଅଭିଯୋଗକାରୀ ଓଡ଼ିଶା ଭିଜିଲାନ୍ସ ଅଧିକାରୀଙ୍କ ନିକଟରେ ଏହାକୁ ନେଇ ଅଭିଯୋଗ କରଥିଲେ। ଅଭିଯୋଗ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରି ଭିଜିଲାନ୍ସ ଟିମ୍ ସାହୁଙ୍କୁ ତାଙ୍କ କାର୍ଯ୍ୟାଳୟରୁ ୬,୦୦୦ ଟଙ୍କା ଲାଞ୍ଚ ନେଉଥିବା ସମୟରେ ଗିରଫ କରିଥିଲେ। ସାହୁଙ୍କଠାରୁ ସମ୍ପୂର୍ଣ୍ଣ ଲାଞ୍ଚ ରାଶି ଜବତ କରାଯାଇଛି।

Today, Sri Bhubanananda Sahu, ORS, Addl. Tahasildar, Maneswar Tahasil, #Sambalpur has been apprehended by #Odisha #Vigilance while taking bribe of Rs.6,000/- from a Complainant for conversion of his agricultural land to non-agricultural (homestead) purpose & issuance of ROR.

Add Zee News as a Preferred Source

— Odisha Vigilance (@OdishaVigilance) April 19, 2025

ଗିରଫ ପରେ ଭିଜିଲାନ୍ସ ଅଧିକାରୀମାନେ ସାହୁଙ୍କ ଆୟ ବର୍ହିଭୂତ ସମ୍ଫତ୍ତି ଯାଞ୍ଚ କରିବା ପାଇଁ ତାଙ୍କ ସହିତ ଜଡିତ ତିନୋଟି ସ୍ଥାନରେ ଏକକାଳୀନ ଚଢାଉ କରିଥିଲେ। ତାଙ୍କ ବିରୁଦ୍ଧରେ ଦୁର୍ନୀତି ନିବାରଣ (ସଂଶୋଧନ) ଆଇନ, ୨୦୧୮ର ଧାରା ୭ ଅନୁଯାୟୀ ଏକ ମାମଲା ରୁଜୁ କରାଯାଇଛି ଏବଂ ତଦନ୍ତ ଜାରି ରହିଛି।